2 കൊരിന്ത്യഗാറാര് 11:15 - സാമി സേദി

¹⁵ അദ്‌നാലെ സെയിത്താന് ഗിലാസഗാറാര് നേര്‌മെഗാറാരായി നഡിത്തദാന അദ്‌ല് അദിസ്യപഡ്യ ഒന്റുമില്ലെ. തമ്മ ഗേന്ത ഗിലാസാക്ക് തഗ്‌ന്ത കൂലി കഡേഗല അവാര്‌ക്ക് കെ്ഡേക്ക്‌മ്.

2 കൊരിന്ത്യഗാറാര് 11:15 ပူးပေါင်းရင်းမြစ်များ

അപ്പോസുത്തലാര് 13:10

ഇത്തെ സൊന്നാന്, <<സെയിത്താന് മഗനച്ചാനെ, നീത്തെ നല്ലാദ്‌ന പൂര തഡ്‌ക്കുവാദ്, നിനാക്ക് എല്ലാ ദിന്‌സ് തക്ക്‌ഡിമ് ബഞ്ചണേമ് ഇര്‌ക്ക്‌ന്റ്, നീ ഒപ്പ സാമി സത്ത്യന പൊയി മാഡുവാദ്‌ന തെ്റ്യമാട്ടായ?

റോമഗാറാര് 2:6

സാമി <<ഒന്റൊന്റാള്‌ക്ക്‌മ് അവനവാന് ഗേവ ഗിലാസാക്ക് തഗ്‌ന്ത കൂലി കൊഡുക്കുവാന്.>>

റോമഗാറാര് 3:8

അത്ത്യായിന്തദാന <<നല്ലാദ് കെ്ഡേക്ക്യ ബേ്ണ്ടി കെ്ട്ടാദ് ഗേഡൊ>> എന്റ് സൊല്ലുവ പാസെത്തെ അദ്. എമ്മ അത്തെ സൊല്ലുന്റേമെന്റ് ലേസ ആള്‌ഗാള് എമാന പറ്റി നൊണ്ടു സൊന്റാരല്ല. ഇത്തവാള്‌ഗാള്‌ക്ക് ബരുവ ദെ്ണ്ടണെ കെ്ഡേക്ക്യുള്ളാദ്‌ത്തെ.

1 കൊരിന്ത്യഗാറാര് 9:11

നിമ്മ സാമി ബക്‌ത്യോഡ പെ്ളേക്ക്യ ബേ്ണ്ടി ബേ്ഡ്‌മാന കാര്യഗാള്‌ന നിമാക്ക് ഗേന്ത് തന്തിന്ത് എമ്മ് സരിഗലന പാദ്‌ഗാക്ക്യ ബേ്ഡ്‌മാന കാര്യഗാള് നിമ്മോഡിന്ത് കേ്ട്ടദാന അദ്‌ല് എന്തൊന്റു തപ്പ് ഇര്‌ക്ക്‌ന്റ?

2 കൊരിന്ത്യഗാറാര് 11:13

അവാര് ക്‌റ്‌സ്‌ത്ത്‌ത്ത് അപ്പോസുത്തലാര് എന്റ് നഡിക്ക്‌ന്റവാര്‌മ്, ഏമാത്തുവ ഗിലാസഗാറാര്‌മ്, ത്‌റ്‌ഡുവ അപ്പോസുത്തലാര്‌മ്‌ത്തെ.

2 കൊരിന്ത്യഗാറാര് 11:23

അവാര് ക്‌റ്‌സ്‌ത്ത് ഗിലാസഗാറാര? അത്ത്യാന പിരാന്താര് സൊല്ലുവ പാസെ നാന് സൊന്റെ, നാന് അവാര്‌ന ബ്‌ഡ മ്‌ഗ്‌ന്തവാന്‌ത്തെ, നാന് അവാര്‌ന ബ്‌ഡ മ്‌ഗ്‌ന്ത പാഡ്‌പട്ടെ, എനാന എഞ്ചോ ജമ്പ് ജെയില്‌ക്ക് ഇക്ക്‌നാര്, എഞ്ചോ അഡി കെ്ഡേസ്‌നവാന്, എഞ്ചോ ജമ്പ് ഉജുരുക്കു ബരുവ ആവാത്ത്‌ഗാള് ബന്തവാന്.

2 കൊരിന്ത്യഗാറാര് 3:9

പള്യ ഒപ്പന്ത ആള്‌ഗാള്‌ന കുറ്റഗാറാര് എന്റ് ബിദിക്ക്‌ന്റ്. അദ്‌ക്ക് മദ്‌പ്പ് ഇര്‌ക്ക്‌ന്റ്. ആന പുദ്യ ഒപ്പന്ത ആള്‌ഗാള്‌ന നേര്‌മെഗാറാര് മാഡ്‌ന്റ്. അദ് എത്ത്‌റാഗോ മദ്‌പ്പുള്ളാദ്‌ത്തെ.

എപസോസുഗാറാര് 6:12

എത്തെന്റ് സൊന്ന നമ്മ ജുദ്ദ ഗേവാദ് മന്‌സാരോഡല്ല. അദ്‌ക്ക് ബദ്‌ല കണ്ണ്‌ക്ക് കാട്ടാത്ത സെയിത്താന് പട്ടളഗാളോഡാമ് അവാര്‌ക്കിര്‌ക്കുവ അദിഗരഗാളോഡാമ് മാഗേലിന്ത് കൊണ്ടു തമാക്കിര്‌ക്കുവ ഏമാത്തുവ സക്‌തില് ഈ ഉലഗാന നഡാത്തി ബന്റവാരോഡാമ്‌ത്തെ ജുദ്ദ ഗേയ ഇര്‌ക്കുവാദ്.

പിലിപ്പ്യഗാറാര് 3:19

സാമി അവാര്‌ന ദെ്ണ്ടിക്കുവാന്. എന്ത്‌ക്കെന്റ് സൊന്ന അവനവാന് സുഗാക്ക് ബേ്ണ്ടി പെ്ളേക്കുവാദ്‌ത്തെ അവാര് സാമി. നാണഗെ്ട്ട കാര്യഗാള് ഗേവാദ്‌ല്‌ത്തെ അവാര് പെരിമെപഡ്‌ന്റാര്. ബൂമില കാര്യഗാള്‌ന പറ്റി താനെത്ത അവാര് നെനേക്ക്‌ന്റാര്.

2 പത്ത്‌റോസു 2:3

അവാര് പണാക്ക് ബേ്ണ്ടി പേരാസെപട്ട്‌കൊണ്ടു ഇല്ലാത്ത കദെന നിമാക്ക് സൊല്ലി നിമാന ബെത്ത് അവാര് പണ സമ്പാരിക്കുവാര്. അവാര്‌ന ദെ്ണ്ടിക്കുവ ദെ്ണ്ടണെന മുന്നുക്കു താനെ സാമി മുഡിവു മാഡിര്‌ന്റാന്. അവാര്‌ക്ക് ബരുവ അളിവുക്കു ഗളിഗെ ആഗമാട്ട.

ജൂദാന് 1:4

എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.

ബെ്ളിപട്ട കാര്യ 13:14

മുദാല്‌ല ബേ്ണ്ട് മുന്നുക്കു ബെത്ത് തനാന ഗേയ ബ്‌ട്ട അദിസ്യളഗാള് ഗേന്ത് കാട്ടി റണ്ടാവാദ് ബേ്ണ്ട് ബൂമില് ഇര്‌ക്കുവ ആള്‌ഗാള്‌ന ഒട്ടുക്കു ഏമാത്ത്‌റ്റ്. ബാള്‌ല് ബെ്ട്ട് കെ്ഡേസിമ് പെ്ളേക്കുവ ബേ്ണ്ട്‌ക്ക് ബേ്ണ്ടി ഒന്റു സെലെ ഉണ്ടാക്ക്യ ബൂമില ജനഗാള്‌ക്ക് സൊല്ലിമ് ഇര്‌ക്ക്‌ന്റ്.

ബെ്ളിപട്ട കാര്യ 13:2

നാന് കണ്ട അയി ബേ്ണ്ട് പുലിന പാസേമ്, അയി ബേ്ണ്ട് കാല്‌ഗാള് കറാഡി കാല്‌ന പാസേമ്, ബായി സിങ്ക ബായിന പാസേമ് ഇന്ത്‌ദ്. ദൊഡ്ഡ പാമ്പ് തന്ന് സക്‌തിനാമ്, തന്ന് കുറിഞ്ചിനാമ്, തനാക്ക് ഇര്‌ക്കുവ മ്‌ഗ്‌ന്ത അദിഗരനാമ് അയി ബേ്ണ്ട്‌ക്ക് കൊഡുത്തുദു.

ബെ്ളിപട്ട കാര്യ 9:11

അഡി അറ്റ ഇല്ലാത്ത കുയി ദൂദാന് അയി മുട്ടിരിഗാള്‌ക്ക് രാജാവു ആയിന്താന്. എവുറായ നായാത്ത്‌ല് അവദോനു എന്റ്‌മ് എവന നായാത്ത്‌ല് അപ്പോലുവോനു എന്റ്‌മ്‌ത്തെ അയാള് പേര്.