2 കൊരിന്ത്യഗാറാര് 11:13 - സാമി സേദി13 അവാര് ക്‌റ്‌സ്‌ത്ത്‌ത്ത് അപ്പോസുത്തലാര് എന്റ് നഡിക്ക്‌ന്റവാര്‌മ്, ഏമാത്തുവ ഗിലാസഗാറാര്‌മ്, ത്‌റ്‌ഡുവ അപ്പോസുത്തലാര്‌മ്‌ത്തെ. အခန်းကိုကြည့်ပါ။ |
2 കൊരിന്ത്യഗാറാര് 11:13
36 ပူးပေါင်းရင်းမြစ်များ
എന്റിന്ത്‌മ് ഏസ്സ്‌ഗാറാര് എന്റ് സൊല്ലി നഡിക്കുവ ബേ്റാള്‌ഗാള്‌ത്തെ തീത്തോസുന പരിസേദനെ സാത്ത്‌റ ഗേസുഡൊ എന്റ് ആസെപട്ടാദ്. ക്‌റ്‌സ്‌ത്ത്‌ന നമ്പി നഡാക്കുവാദ്‌നാലെ നമ്മ മോസെ ബെത്ത സാമി സട്ടാക്ക് അഡിമ്യാഗാദെ പെ്ളേക്ക്‌ന്റാമ്. അത്തെ പെ്ളേക്കുവ നമാന പിന്നേമ് അയി സട്ടാക്ക് അഡിമെഗാള് മാഡി കെ്ഡിസ്യ ബേ്ണ്ടി അവാര് ഓസണോഡ നമ്മ് കൂട്ടാക്ക് ബന്ത്‌റ്‌ന്റാര്.
സത്ത്യാക്ക് എ്ണേഗാത്ത കാര്യഗാള്‌ന പഡുസുവ ആള്‌ഗാള് നിമാന തമ്മോഡൊപ്പ സേത്ത്യ ബേ്ണ്ടിത്തെ നിമാന പിര്യപട്ട് ഊഡെ നുങ്കുവാദ്. അദ് നിമാക്ക് നല്ലാദ് കെ്ഡേക്ക്യ ബേ്ണ്ട്യല്ല, അദ്‌ക്ക് ബദ്‌ല നിമാന എന്നോഡിന്ത് പ്‌റ്‌ത്ത് നിമ്മ താനെ അവാര്‌ക്ക് എ്ണേന്ത് നിമ്മ അവാര്‌ന പിര്യപട്ട് ഊഡെ നുങ്ക്യത്തെ അവാര് അത്തെ ഗേവാദ്.
അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.
എന്ത്‌ക്കെന്റ് സൊന്ന ലേസ ആള്‌ഗാള് ക്‌റ്‌സ്‌ത്ത് കുരുസുലു സാഗാട്ടി അവാര്‌ക്ക് ബേ്ണ്ടി എന്ത് ഗേന്ത് കൊഡുത്താന് എന്നുവാദ്‌ന തെ്റിന്ത് തള്ളി കെ്ട്ട കാര്യഗാള് ഗേന്ത്‌കൊണ്ടുത്തെ പെ്ളേക്ക്‌ന്റാര്. അവാര്‌ന പറ്റി നിമാക്ക് എഞ്ചോ ജമ്പ് നാന് സൊല്ലിര്‌ക്ക്‌ന്റെ. അവാര്‌ന പറ്റി പിന്നേമ് നിമാക്ക് സൊല്ലുഗാട്ടി എനാക്ക് കേ്സിത്തെ ബന്റ്.
എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.
ആന ബേ്ണ്ട്‌ന പ്‌ഡിത്ത് കെ്ട്ട്‌നാന്. സാമി സൊന്റു എന്റ് സൊല്ലി ഉറുട്ടു സൊല്ലുവ സാമിദാസ് അയി ബേ്ണ്ട് മുന്നുക്കു ബെത്ത് അദിസ്യഗാള് ഗേന്ത് കാട്ടി മന്‌സാര്‌ഗാള്‌ന ഏമാത്തിന്താന്. അത്തെ മന്‌സാര് ബേ്ണ്ട് പേര്‌ന കാട്ടുവ അഡ്യാളനാമ് ബെത്തിന്താര്. ബേ്ണ്ട് സെലെനാമ് കുമ്മുഡിന്താര്. അയി സാമിദാസ്‌നാമ് ബേ്ണ്ടോഡൊപ്പ പ്‌ഡിത്ത് കെ്ട്ടി ഗെന്തഗ കത്തി എരേവ തീ കഡാല്‌ക്ക് ഉജുരോഡ എ്റിന്ത് ബ്‌ട്ടാന്.
നീ ഗേവ കാര്യഗാള്‌ന എനാക്ക് തെരിമ്. നീ നല്ല പാഡ്‌പട്ട് ഗേവാദ്‌മ് നീ പൊറിമോഡ ഇര്‌ക്കുവാദ്‌മ് എനാക്ക് തെരിമ്. കെ്ട്ടവാര്‌ന പൊറുക്ക്യ നിനാക്ക് മുഡ്യ എന്റ്‌മ് എനാക്ക് തെരിന്റ്. അപ്പോസുത്തലനാമ് അല്ലാദിന്ത് ഗുഡി, അപ്പോസുത്തലനാമ് എന്റ് നഡിക്ക്‌ന്റവാര്‌ന നീ സോദണെ ഗേന്ത് അവാര് പൊയി സൊന്റവാര് എന്റ് കണ്ട്‌പ്‌ഡിത്ത്‌റ്‌ന്റായി.
എന്റാല്‌മ് നിനാന പറ്റി ഈ കുറ്റ എനാക്ക് സൊല്ല്യ ഇര്‌ക്ക്‌ന്റ്. താനൊന്റു സാമിദാസി എന്റ് താന്‌താനെ സൊല്ലികൊണ്ടു എന്ന് ഗിലാസഗാറാര്‌ന കണ്ടപഡിക്ക് നഡാന്ത് ബേസ്യാഡ്യാമ് സെലെഗാള്‌ക്ക് മേല്‌സ ബെത്താദ്‌ന തിന്ന്യാമ് ബുദ്ദി സൊല്ലി കൊഡുത്തു ഏമാത്തി തള്ളുവ ഈസവേല് എന്നുവ പെ്ണ്ണ്‌പ്‌ളെന നീ അത്തേഗേ ഗേയ ബ്‌ട്ട്‌റ്‌ക്ക്‌ന്റായി.
ကြော်ငြာတွေ