2 കൊരിന്ത്യഗാറാര് 11:12 - സാമി സേദി

¹² എമ്മ ഗേവ നല്ല സേദി ഗിലാസാന പാസെത്തെ തമ്മാമ് ഗേവാദ് എന്റ് പെരിമെപട്ട് നഡാക്കുവ ബേ്റെ ആള്‌ഗാള് ഇര്‌ക്ക്‌ന്റാരല്ല. അവാര് അത്തെ സൊല്ലാദിര്‌ക്ക്യ ബേ്ണ്ടി നാന് ഇന്നാല് ഗേവാദ്‌ന ഇന്നിമ് ഗേന്ത്‌കൊണ്ടേ ഇര്‌ക്കുവേന്.

2 കൊരിന്ത്യഗാറാര് 11:12 ပူးပေါင်းရင်းမြစ်များ

മത്തായി 26:16

അയി ഗളിഗേലിന്ത് ഏസ്സ്‌ന കാട്ടി കൊഡുക്കുവ സദുവു കെ്ഡേക്ക്യ ബേ്ണ്ടി അയാള് നോഡി കൊണ്ടിന്താന്.

1 കൊരിന്ത്യഗാറാര് 5:6

നിമ്മ ബക്‌തിഗാറാര് എന്റ് പെരിമെപഡുവാദ്‌ല് എന്ത് അര്‌ത്ത ഇര്‌ക്ക്‌ന്റ്? <<ഒന്റു സൊട്ടു പുളിമാവു മാവുനൊട്ടുക്കു പുളിത്ത മാവു മാഡ്‌ന്റ്>> എന്റ് നിമാക്ക് തെരിവാദില്ലേഗ?

1 കൊരിന്ത്യഗാറാര് 9:12

നിമാന നഡാത്തുവ ബേ്റെ ആള്‌ഗാള്‌ക്ക് ഇത്തെ കേ്ള്‌ക്ക്യ ഉരിമെ ഇന്തദാന എമാക്ക് എത്ത്‌റ അദിഗ ഉരിമെ ഇര്‌ക്ക്‌മ്? ആന അയി ഉരിമേക്ക് തഗ്‌ന്ത പഡി എമ്മ ഗേഗാലെ. അദ്‌ക്ക് ബദ്‌ല ക്‌റ്‌സ്‌ത്ത്‌ന പറ്റ്യുള്ള നല്ല സേദിക്ക് തഡേസ ഒന്റുമു ബരാദിര്‌ക്ക്യ ബേ്ണ്ടി എമ്മ എല്ലാദ്‌നാമ് താങ്ക്‌നേമ്.

2 കൊരിന്ത്യഗാറാര് 1:17

ഈ കാര്യാത്ത്‌ല് നാന് സൊന്ന സൊന്നപാസെ ഗേഗാത്ത ഒന്റു മന്‌സാന്‌ത്തെ എന്റ് നിമ്മ എനാന പറ്റി നെനേക്ക്‌ന്റ്‌റ? മനേസ്സ്‌ല് ഒന്റു ബെത്ത് കൊണ്ടു ബെ്ളിഗെ ഒന്റു നായ സൊല്ലുവ ഈ ഉലഗാത്ത്‌ല മന്‌സാര്‌ഗാള്‌ന പാസെത്തെ നാന് ഒന്റൊന്റു കാര്യഗാള് ഗേയ ഓസണെ എ്ഡ്‌ക്ക്‌ന്റേന?

2 കൊരിന്ത്യഗാറാര് 10:17

ആന <<പെരിമെപഡ്‌ന്റവാന് ആണ്ടവാന് ഗേന്ത കാര്യന പറ്റി പെരിമെപഡുഡൊ>> എന്റ് സാമി സൊല്ലുസുലാക്കാത്ത്‌ല് സൊല്ലിര്‌ക്ക്‌ന്റല്ല.

2 കൊരിന്ത്യഗാറാര് 11:18

ഈ ഉലഗാത്ത്‌ല ലേസ ആള്‌ഗാള് പെരിമെപഡുവ കാര്യഗാള്‌ല് എനാക്ക്‌മ് പെരിമെപഡ്യ ഇര്‌ക്ക്‌ന്റ്.

2 കൊരിന്ത്യഗാറാര് 11:9

നിമ്മ് പട്ട്‌ല് ഗിലാസ ഗേഗാട്ടി എന്ന് സിലാവുക്കു ബേ്ണ്ടി നിമാന ആര്‌നാമ് നാന് ബുദ്ദിമുട്ടുസാലെ. അദുക്കുള എനാക്ക് ബേ്ഡ്‌മാനദെല്ല മക്കെദോന്യാല ഏസ്സ്‌ഗാറാര്‌ത്തെ തന്താദ്. നിമാക്ക് ഏദ് ദിന്‌സ്‌ല്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി നാന് ഓരാഡ്‌നെ. ഇന്നിമ് ഓരാഡുവെ.

2 കൊരിന്ത്യഗാറാര് 5:12

എമ്മ പിന്നേമ് എമാന താനെ നിമ്മ് മുന്നുക്കു ബെത്ത് പെരിമെപഡ്യ നോഡുവാദില്ലെ. അദ്‌ക്ക് ബദ്‌ല മനേസ്സ്‌ന നോഡാദെ ആള്‌ന നോഡികൊണ്ടു പെരിമെപഡ്‌ന്റവാര്‌ക്ക് എമാന പറ്റി ബദ്‌ല് സൊല്ലുവ കാര്യഗാള് നിമാക്ക് ഗേന്ത് തര്യാത്തെ എമ്മ നോഡുവാദ്.

ഗലാത്ത്യഗാറാര് 1:7

നേര്‌മായി സൊന്ന അത്തെല്ല സൊല്ലുവാദ് നല്ല സേദ്യല്ല, ആന അവാര് നിമാക്ക് പഡുസുവ കാര്യഗാള്‌ന ബെത്ത് നിമ്മ് മനേസ്സ്‌ന സന്തേഗ പഡിസി ക്‌റ്‌സ്‌ത്ത്‌ത്ത് നല്ല സേദിന മോസമാഡ്യത്തെ നോഡുന്റാര്.

1 തിമിത്തോസു 5:14

അദ്‌നാലെ ബയിസ്സാഗാത്ത മ്‌ണ്ടേസ്യാര്‌ഗാള് മറിസി ആളാന് സേന്ത് മക്കാള്‌മറി പ്‌റാത്തി ബീ്ഡ്‌കാര്യഗാള് നോഡി നഡാത്തുഡൊ എന്റ് നാന് ആസെപഡ്‌ന്റെ. അത്തെ ഗേന്തദാന പോട്ടിഗാറാര്‌ക്ക് നമാന പറ്റി കുറ്റ സൊല്ല്യ എ്ഡെ കെ്ഡേക്കാദാമ്.