2 കൊരിന്ത്യഗാറാര് 11:1 - സാമി സേദി

¹ സെറ്റെ നേരാക്ക് നാന് ബുദ്ദില്ലത്തവാന്‌ന പാസെ നായനൊഡിവാദ്‌ന നിമ്മ സെറ്റെ പൊറുക്കുഡൊ എന്റ് നാന് ആസെപഡ്‌ന്റെ. ഇ്, സെറ്റെ പൊറുക്കുഡൊ.

2 കൊരിന്ത്യഗാറാര് 11:1 ပူးပေါင်းရင်းမြစ်များ

മത്തായി 17:17

അദുക്കുള ഏസ്സ് അവാര്‌ക്ക്: <<നമ്പിക്കെ ഇല്ലത്തവാര്‌മ് നേരെമൊറെ പെ്ളേക്കാത്തവാര്‌മ് ആന ഈ കാലാത്ത്‌ല ആള്‌ഗാളെ, നാന് ഇന്നി എഞ്ച് ഗളിഗെ നിമ്മോഡ ഇര്‌ക്കുവെ? നിമാക്ക് നമ്പിക്കെ ഇല്ലാദിര്‌ക്കുവാദ്‌ന നാന് എഞ്ച്‌കെ്ട്ട താങ്കുവെ? അവാന്‌ന ഈങ്ക് എന്ന് പട്ട്‌ക്ക് എ്ഡ്‌ത്ത് ബാന്>> എന്റ് സൊന്നാന്.

അപ്പോസുത്തലാര് 18:14

പവുലോസു തിരിക്കി സൊല്ല്യ നെനേക്കാട്ട്യെല്ല ഗല്ല്യോനു എഗുദാര്‌ക്ക്: <<അല്ല എഗുദാരെ, ഈ കാര്യ എന്തൊന്റു തെറ്റൊ കുറ്റഗൊ ആയിന്തദാന നാന് നിമ്മ് സാഡിന പൊറിമോഡ കേ്ട്ടിന്തിറ്‌ക്കുവെ.

അപ്പോസുത്തലാര് 26:29

അദുക്കുള പവുലോസു: <<സട്ടനഗൊ മെല്ലാഗൊ ആനാല്‌മ് ഇന്റ് എന്ന് നായന കേ്ട്ട്‌കൊണ്ടു ഇര്‌ക്കുവ ആള്‌ഗാള് ഒട്ടുക്കുമു നീയിമ് ഈ എല്ലാ കാര്യാത്ത്‌ല്‌മ് എനാന പാസെ ആഡൊ എന്റ്‌ത്തെ നാന് സാമിക്ക് പരേസ്‌ന്റേന്. ആന എനാന പാസെ നിമാനാമ് കയി കുട്ടെ ഇക്കി ബെക്കബേ്ഡ എന്റ് നാന് ആസെപഡ്‌ന്റേന്>> എന്റ് സൊന്നാന്.

1 കൊരിന്ത്യഗാറാര് 1:21

തമാക്കിര്‌ക്കുവ അറുവുലുമു ബുദ്ദില്‌മ് ഉലഗാത്ത്‌ല ആള്‌ഗാള്‌ക്ക് സാമിന നെപ്പ്‌കെ്ഡേസ്യ മുഡ്യാമാട്ട എന്റ് സാമി തന്ന് അറുവുലുമു ബുദ്ദില്‌മ് മുഡിവെ്ഡ്‌ത്താന്. അദ്‌നാലെ ബുദ്ദിഗെ്ട്ട നായ എന്റ് ആള്‌ഗാള് നെനേക്കുവ സേദിന നമ്പുവ ആള്‌ഗാള്‌ന കാപാറ്റ്യ സാമിക്ക് പിര്യ പ്‌ഡിത്ത്‌ദ്.

1 കൊരിന്ത്യഗാറാര് 3:18

നിമ്മ ആര്‌മ് നിമാന താനെ സദിക്കാദേന്. മന്‌സാന് കണ്ണ്‌മുന്നുക്കു <<നാന് ബുദ്ദിമ് അറുവുമ് ഉള്ളവാന്>> എന്റ് നിമ്മ ആരാറ്റ നെനേത്തദാന അയാള് ബുദ്ദിഗെ്ട്ടവാന് ആഡൊ. എന്റദാനത്തെ അയാള് സാമി കണ്ണ്‌മുന്നുക്കു ബുദ്ദിമ് അറുവുമ് ഉള്ളവാന് ആവാന്.

1 കൊരിന്ത്യഗാറാര് 4:10

ക്‌റ്‌സ്‌ത്ത്‌ന പറ്റി സൊല്ലുവാദ്‌നാലെ മന്‌സാര് കണ്ണ്‌ക്ക് എമ്മ ബുദ്ദിഗെ്ട്ടവാര്‌ത്തെ. ആന നിമ്മ ക്‌റ്‌സ്‌ത്ത്‌ക്ക് എ്ണേന്ത്‌റ്‌ക്കുവാദ്‌നാലെ നിമ്മ ബുദ്ദിസാലിഗാള് എന്റ് നെനേക്ക്‌ന്റ്‌റ്. എമാക്ക് അദിഗര ഒന്റുമില്ലെ, ആന നിമാക്ക് സാമിലിന്ത് അദിഗര കെ്ഡേത്ത്‌റ്‌ക്ക്‌ന്റ് എന്റ്‌മ് നിമ്മ നെനേക്ക്‌ന്റ്‌റ്. നിമ്മ മദ്‌പ്പ് കെ്ഡേത്തവാര് എന്റ്‌മ് നിമ്മ നെനേക്ക്‌ന്റ്‌റ്, ആന എമ്മ മദ്‌പ്പ് കെ്ഡേക്കാത്തവാര്.

1 കൊരിന്ത്യഗാറാര് 4:8

ഇന്നാല് താനെ ഇന്നി ഒന്റുമു ബേ്ഡ എന്റ്‌മ് നിമാക്ക് ബേ്ഡ്‌മാനാദെല്ല ഇര്‌ക്ക്‌ന്റ് എന്റ്‌മ് നിമ്മ നെനേക്ക്‌ന്റ്‌റ? എമ്മ ഇല്ലാദെ നിമ്മ രാജാവുഗാള് ആന്‌റ? ഇവ്യാവോ! അത്ത്യാന നിമ്മോഡൊപ്പ എമ്മാമ് രാജാവുഗാളായ നിമ്മ സെരിക്ക്‌മ് രാജാവുഗാള് ആയിന്ത്‌റാന സെരിത്തെ ആയിന്ത്‌ദ്?

2 കൊരിന്ത്യഗാറാര് 11:19

നിമ്മ ദൊഡ്ഡ ബുദ്ദിഗാറാര് ആനാദ്‌നാലെ ബുദ്ദിഗെ്ട്ടവാര് ഗേവ കാര്യഗാള്‌ന പിര്യപിര്യാത്ത് പൊറുക്കുന്റുറല്ല?

2 കൊരിന്ത്യഗാറാര് 11:21

ആന എമാക്ക് അത്തെ ഗേയ മുഡ്യാലെ എന്നുവാദ്‌ന നാണനാണാത്ത് സമ്മദിക്ക്‌ന്റേമ്. ആന ഒരുത്താന് പെരിമെപഡ്‌വ കാര്യഗാള്‌ല് നാന് ബുദ്ദിഗെ്ട്ടവാന്‌ന പാസെ സൊന്റെ, എനാക്ക്‌മ് അദ്‌ല് പെരിമെപഡ്യ ഇര്‌ക്ക്‌ന്റ്.

2 കൊരിന്ത്യഗാറാര് 11:4

എന്ത്‌ക്കെന്റ് സൊന്ന ബേ്റെ ഒന്റൊരുത്താന് ബന്ത് എന്ത്‌ന സൊന്നാല്‌മ് നിമ്മ അദ്‌ന കേ്ള്‌ക്ക്‌ന്റ്‌റ്. അവാര് സൊല്ലുവ ഏസ്സ് ആരെന്റൊ അവാര് സൊല്ലുവ നിഗാല് ഏദെന്റൊ അവാര് സൊല്ലുവ സേദി നല്ല സേദി എന്റൊ പൊല്ല സേദി എന്റൊ നിമ്മ നെപ്പ്‌കെ്ഡേസാദെ അദ്‌നെല്ല കാദ്‌ക്ക് ഇക്ക്‌ന്റ്‌റ്.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 5:13

എമ്മ ബുദ്ദിബോദ ഇല്ലത്തവാര്‌ന പാസെ ഗേവദാന അദ് സാമിക്ക് ബേ്ണ്ടിത്തെ. എമ്മ ബുദ്ദിബോദ ഉള്ളവാര്‌ന പാസെ ഗേവദാന അദ് നിമാക്ക് ബേ്ണ്ടിത്തെ.

എവുറായാര് 5:2

എഗുദാര് ദൊഡ്ഡ പൂസാരിമ് കൊറേവുള്ളവാന്‌ത്തെ. അദ്‌നാലെ അയാള് അറുവില്ലത്തവാര്‌നാമ് തപ്പ് ഗേന്റവാര്‌നാമ് കറ്‌മ്മ പട്ട് നഡാക്ക്യ മുഡിന്റവാന്‌ത്തെ.