2 കൊരിന്ത്യഗാറാര് 10:8 - സാമി സേദി8 ആണ്ടവാന് എമാക്ക് അദിഗര തന്ത്‌റ്‌ക്കുവാദ് നിമ്മ് നമ്പിക്കേന കെ്ഡിസ്യല്ല, അദ്‌ന ഒറേപ്പ് മാഡ്യത്തെ. ഈ അദിഗരാത്ത്‌ല് നാന് സെറ്റെ പെരിമെപട്ടാല്‌മ് നാണഗെ്ഡമാട്ടെ. အခန်းကိုကြည့်ပါ။ |
2 കൊരിന്ത്യഗാറാര് 10:8
12 ပူးပေါင်းရင်းမြစ်များ
ഈ ഉലഗാത്ത്‌ലവാര് തമ്മ് പോട്ടിഗാറാരോഡ ജുദ്ദ ഗേയ എ്ഡ്‌ക്കുവ ജാദിഗാളല്ല എമ്മ എ്ഡ്‌ക്കുവാദ്. എമാക്ക് ഇര്‌ക്കുവ ജാദിഗാള് മ്‌ഗ്‌ന്ത സാമി സക്‌ത്യുള്ളാദ്‌ത്തെ. പട്ടളഗാറാര് തമ്മ് പോട്ടിഗാറാര് കോട്ടെഗാള്‌ന ഇ്ഡിത്ത് തള്ളുവ പാസെ അദ്‌ന ബെത്ത് എമ്മ പോട്ടിഗാറാര് സക്‌തിന ദൂളു പറാത്ത്‌ന്റേമ്. മന്‌സാന് തപ്പായി ബാദിക്കുവ എല്ലാ കാര്യഗാള്‌നാമ് ഇല്ലാദെ മാഡ്‌ന്റേമ്.
എമ്മ ഇന്നാല്‌മ് എമാന നിമ്മ് കണ്ണ്‌ക്ക് കുറ്റ ഇല്ലത്തവാര് എന്റ് ബാദിക്ക്യ ബേ്ണ്ടി ഓരാഡ്‌ന്റേമ് എന്റ് നിമ്മ നെനേക്ക്‌ന്റ്‌റ? ഇല്ലെഗേ ഇല്ലെ. സാമി കണ്ണ്‌ക്ക് എമ്മ എത്തെ നായ നൊഡിഡൊ എന്റ് ക്‌റ്‌സ്‌ത്ത് ആസെപഡ്‌ന്റാനൊ അദേപാസെത്തെ എമ്മ നായനൊഡിവാദ്. എനാക്ക് മെച്ച്‌പ്‌ഡിത്ത എ്ണേവുഗാറാരെ, എമ്മ ഈ ഗേവാദെല്ല നിമ്മ് നമ്പിക്കേല് നിമാന ഒറേപ്പ് മാഡ്യത്തെ.
ഗലാത്ത്യ നാഡ്‌ല ഏസ്സ്‌ഗാറാര് കൂട്ടഗാള്‌ക്ക്, അപ്പോസുത്തലാന് പവുലോസു എന്നുവ നാന് എ്ള്‌ദുവ എ്ള്‌ത്ത്. ഈ എ്ള്‌ത്ത്‌ല് എ്ള്‌ദിര്‌ക്കുവ കാര്യഗാള്‌ക്ക് ഇദ്‌ല് എന്നൊപ്പ ഇര്‌ക്കുവ ഏസ്സ്‌ഗാറാര്‌മ് ഒത്തുപട്ട്‌ര്‌ന്റാര്. നല്ല സേദിന സൊല്ല്യ ബേ്ണ്ടി എനാന അപ്പോസുത്തലാനായി തെരിന്തെ്ഡ്‌ത്ത് ബെത്താദ് ഏസ്സ് ക്‌റ്‌സ്‌ത്ത്‌മ് ഏസ്സ് ക്‌റ്‌സ്‌ത്ത്‌ന ഉജുര്‌ളാക്ക്‌ന അപ്പാനായിര്‌ക്കുവ സാമിമ്‌ത്തെ. അല്ലാദെ മന്‌സാനല്ല.
അദ്‌നാലെത്തെ നാന് ഇന്നാലീ കജട്ട പഡുവാദ്. എന്റാല്‌മ് അത്തെ കജട്ട പഡുവാദ്‌ല് നാന് നാണപഡുവാദില്ലെ. എന്ത്‌ക്കെന്റ് സൊന്ന നാന് ആര്‌ന നമ്പിര്‌ന്റേന് എന്റ് എനാക്ക് തെരിമ്. ആണ്ടവാന് തിരിഗി ബരമാട്ട്‌ക്ക്, എനാക്ക് ഒപ്പിസി തന്ത്‌റ്‌ക്കുവ ഈ കാര്യന പാദ്‌ഗാത്ത് ബെക്ക്യ അയാള്‌ക്ക് മുഡിമെന്റ് എനാക്ക് ഒറേപ്പിര്‌ക്ക്‌ന്റ്.
ကြော်ငြာတွေ