2 കൊരിന്ത്യഗാറാര് 10:6 - സാമി സേദി

⁶ നിമ്മ സെരിക്ക്‌മ് ക്‌റ്‌സ്‌ത്ത് സൊല്ലുപഡിക്ക് നഡാക്ക്‌ന്റവാര് ആഗാട്ടി അയാള് സൊല്ലുപഡിക്ക് നഡാക്കാത്ത ഒന്റൊന്റാള്‌നാമ് ദെ്ണ്ടിക്ക്യ എമ്മ ഒരുങ്കുവേമ്.

2 കൊരിന്ത്യഗാറാര് 10:6 ပူးပေါင်းရင်းမြစ်များ

റോമഗാറാര് 2:23

മോസെ ബെത്ത സാമി സട്ടാത്ത്‌ല് പെരിമെപഡ്‌വ നീ അയി സട്ടപഡി നഡാക്കാദെ സാമിന നാണഗെ്ഡ്‌സ്‌ന്റായ?

1 കൊരിന്ത്യഗാറാര് 4:21

നാന് എത്തെ നിമ്മ് പട്ട്‌ക്ക് ബരുഡൊ എന്റ് നിമ്മ ആസെപഡ്‌ന്റ്‌റ്? ബഡ്യോഡ ബര്യാഗ? ഇല്ലെ സീവാന്‌പട്ട് കൊണ്ടുമു ഗവപട്ട് കൊണ്ടുമു ബര്യാഗ?

2 കൊരിന്ത്യഗാറാര് 13:10

ആണ്ടവാന് എനാക്ക് തന്ത അദിഗര നിമ്മ് നമ്പിക്കേന കെ്ഡിസ്യല്ല, നിമ്മ് നമ്പിക്കേന ഒറേപ്പ് മാഡ്യത്തെ. നാന് ബര്‌ഗാട്ടി അയി അദിഗരാന ബെത്ത് കഡ്‌പ്പത്തോഡ നിമാന നഡാത്ത്യ ബെക്കാദേന്. അദ്‌നാലെത്തെ ദൂര ഇന്ത്‌കൊണ്ടു നാന് ഈ കാര്യഗാള്‌ന എ്ള്‌ദുവാദ്.

2 കൊരിന്ത്യഗാറാര് 13:2

നാന് റണ്ടാവാദ്‌മ് നിമ്മ് പട്ട്‌ക്ക് ബന്ത്‌റ്‌ക്കാട്ടി പാവ ഗേന്തവാര്‌ക്ക്‌മ് ബേ്റെ എല്ലാവാര്‌ക്ക്‌മ് നാന് ഇന്നി ബന്ത പൊറുക്കമാട്ടെ എന്റ് സൊല്ലിന്തെ. ഇന്നാല് നാന് ദൂരാത്ത്‌ലിന്ത് കൊണ്ടുമു പൊറുക്കമാട്ടെ എന്റ് അദേ കാര്യന താനെത്തെ സൊന്റെ.

2 കൊരിന്ത്യഗാറാര് 2:9

നാന് സൊല്ലുവ നായഗാള്‌ക്ക് നിമ്മ കെ്ട്ട്‌പട്ട് നഡാക്ക്‌ന്റ്‌റ എന്റ് സോദണെ ഗേന്ത് കണ്ട്‌പ്‌ഡിക്ക്യ ബേ്ണ്ടിത്തെ നാന് അത്തെ എ്ള്‌ദ്‌നാദ്.

2 കൊരിന്ത്യഗാറാര് 7:15

നിമ്മ അയാള് സൊന്ന നായഗാള്‌ക്ക് കെ്ട്ട്‌പട്ടാദ്‌മ് അഞ്ചിക്കെപട്ട് സദ്‌റബെ്ട്ടികൊണ്ടു നിമ്മ അയാള്‌ന സേത്തി ബെത്താദ്‌നാമ് നെനേക്കാട്ടി അയാള് നിമാന സേത്തി സേത്തി സീവാന്‌പഡ്‌ന്റാന്.

1 തിമിത്തോസു 1:20

ഗുമിനോസുമു അലസാണ്ടാര്‌മ് ഈ കൂട്ടാക്ക് പട്ടവാര്‌ത്തെ. അവാര് സാമിന കുറ്റ സൊല്ലാദിര്‌ക്ക്യ പഡിക്ക്യ ബേ്ണ്ടി നാന് അവാര്‌ന സെയിത്താന് കയിക്ക് കൊഡുത്ത്‌റ്‌ന്റെ.

3 ഓഗന്നാന് 1:10

അദ്‌നാലെ നാന് നിമ്മ് പട്ട്‌ക്ക് ബര്‌ഗാട്ടി അവാന് ഗേവ കെ്ട്ട കാര്യഗാള്‌ന നാന് നിമാക്ക് സൊല്ലുവെ. അയാള് നമാന പറ്റി നേരല്ലാത്ത കാര്യഗാള്‌നത്തെ സൊല്ലി നഡാക്ക്‌ന്റാന്. അദ് പറ്റാദെ ഇദ്‌ക്ക്‌മ് മീ്റ്‌ന കാര്യഗാള്‌നാമ് അയാള് ഗേന്റാന്. ഏസ്സ് ക്‌റ്‌സ്‌ത്ത്‌ന പറ്റി പഡിസ്യ ബന്റവാര്‌ന സേത്തുവാദ്‌മില്ലെ, അവാര്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുക്കുവാദ്‌മില്ലെ. അത്തെ സേത്തി ബേ്ഡ്‌മാന കാര്യഗാള് ഗേന്ത് കൊഡുക്ക്യ മനേസ്സിര്‌ക്ക്‌ന്റവാര്‌ന അത്തെ ഗേയ ബ്‌ഡുവാദ്‌മില്ലെ. അത്തെ ഗേന്റവാര്‌ന ഏസ്സ്‌ഗാറാര് കൂട്ടാത്ത്‌ലിന്ത് മുഡിക്കിമ് ബ്‌ഡ്‌ന്റാന്.