2 കൊരിന്ത്യഗാറാര് 10:2 - സാമി സേദി

² എമ്മ ഈ ഉലഗാത്ത്‌ലവാര് പെ്ളേക്കുവ പാസെത്തെ പെ്ളേക്കുവാദ് എന്റ് സൊന്റവാരോഡ കഡ്‌പ്പത്തോഡ നായ സൊല്ല്യത്തെ നാന് ആസെപഡ്‌ന്റെ. ആന നാന് നിമ്മ് പട്ട്‌ക്ക് ബര്‌ഗാട്ടി എനാന അത്തവ നായ സൊല്ല്യ ബെക്കാദേന് എന്റ് നാന് നിമാന ബേ്ണ്ടികൊള്ളുന്റെ.

2 കൊരിന്ത്യഗാറാര് 10:2 ပူးပေါင်းရင်းမြစ်များ

റോമഗാറാര് 8:1

അദ്‌നാലെ ഇന്നാല് ക്‌റ്‌സ്‌ത്ത് ഏസ്സോഡ ഒന്റായി പെ്ളേക്ക്‌ന്റവാര്‌ക്ക് പാവാക്ക് കെ്ഡേക്കുവ ദെ്ണ്ടണെ ഇല്ലെ.

റോമഗാറാര് 8:4

അത്തെ നമ്മോഡിര്‌ക്കുവ പാവ പളാക്കാക്ക് കെ്ട്ട്‌പട്ട് നഡാക്കാദെ സാമിനിഗാല്‌ക്ക് കെ്ട്ട്‌പട്ട് നഡാക്കുവ നമാക്ക് സാമി സട്ടാത്ത്‌ല് സൊല്ലിര്‌ക്കുവ നേര്‌മെ ഉള്ള കാര്യഗാള്‌ന ഗേയ മുഡിമ്.

റോമഗാറാര് 8:5

പാവ പളാക്കാത്ത്‌ല് പെ്ളേക്ക്‌ന്റവാര് തമ്മ് പാവ പളാക്കാക്ക് തഗ്‌ന്ത ആസെപഡി നഡാക്ക്‌ന്റാര്. സാമിനിഗാല് സൊല്ലുപഡിക്ക് പെ്ളേക്ക്‌ന്റവാര് സാമിനിഗാല് ആസെപട്ട കാര്യഗാള്‌നത്തെ നെനേക്ക്‌ന്റാര്.

2 കൊരിന്ത്യഗാറാര് 1:17

ഈ കാര്യാത്ത്‌ല് നാന് സൊന്ന സൊന്നപാസെ ഗേഗാത്ത ഒന്റു മന്‌സാന്‌ത്തെ എന്റ് നിമ്മ എനാന പറ്റി നെനേക്ക്‌ന്റ്‌റ? മനേസ്സ്‌ല് ഒന്റു ബെത്ത് കൊണ്ടു ബെ്ളിഗെ ഒന്റു നായ സൊല്ലുവ ഈ ഉലഗാത്ത്‌ല മന്‌സാര്‌ഗാള്‌ന പാസെത്തെ നാന് ഒന്റൊന്റു കാര്യഗാള് ഗേയ ഓസണെ എ്ഡ്‌ക്ക്‌ന്റേന?

2 കൊരിന്ത്യഗാറാര് 11:21

ആന എമാക്ക് അത്തെ ഗേയ മുഡ്യാലെ എന്നുവാദ്‌ന നാണനാണാത്ത് സമ്മദിക്ക്‌ന്റേമ്. ആന ഒരുത്താന് പെരിമെപഡ്‌വ കാര്യഗാള്‌ല് നാന് ബുദ്ദിഗെ്ട്ടവാന്‌ന പാസെ സൊന്റെ, എനാക്ക്‌മ് അദ്‌ല് പെരിമെപഡ്യ ഇര്‌ക്ക്‌ന്റ്.

2 കൊരിന്ത്യഗാറാര് 13:10

ആണ്ടവാന് എനാക്ക് തന്ത അദിഗര നിമ്മ് നമ്പിക്കേന കെ്ഡിസ്യല്ല, നിമ്മ് നമ്പിക്കേന ഒറേപ്പ് മാഡ്യത്തെ. നാന് ബര്‌ഗാട്ടി അയി അദിഗരാന ബെത്ത് കഡ്‌പ്പത്തോഡ നിമാന നഡാത്ത്യ ബെക്കാദേന്. അദ്‌നാലെത്തെ ദൂര ഇന്ത്‌കൊണ്ടു നാന് ഈ കാര്യഗാള്‌ന എ്ള്‌ദുവാദ്.

2 കൊരിന്ത്യഗാറാര് 13:2

നാന് റണ്ടാവാദ്‌മ് നിമ്മ് പട്ട്‌ക്ക് ബന്ത്‌റ്‌ക്കാട്ടി പാവ ഗേന്തവാര്‌ക്ക്‌മ് ബേ്റെ എല്ലാവാര്‌ക്ക്‌മ് നാന് ഇന്നി ബന്ത പൊറുക്കമാട്ടെ എന്റ് സൊല്ലിന്തെ. ഇന്നാല് നാന് ദൂരാത്ത്‌ലിന്ത് കൊണ്ടുമു പൊറുക്കമാട്ടെ എന്റ് അദേ കാര്യന താനെത്തെ സൊന്റെ.