2 കൊരിന്ത്യഗാറാര് 10:12 - സാമി സേദി

¹² തമ്മാത്തെ ദൊഡ്ഡവാര് എന്റ് നെനേക്ക്‌ന്റവാരോഡ എ്ണേയഗൊ ഇല്ലെ അവാര്‌ക്ക് എ്ണേത്ത് നോഡ്യഗൊ എമ്മ ഒഗേവാദില്ലെ. അവാര് തമ്മ് നെനേപ്പ്‌ല് തമ്മ നല്ലവാര് എന്റ് കണാക്ക് മാഡ്‌ന്റാര്. അദ്‌നാലെ അവാര് ബുദ്ദില്ലത്തവാര്‌ത്തെ.

2 കൊരിന്ത്യഗാറാര് 10:12 ပူးပေါင်းရင်းမြစ်များ

ലൂക്കോസു 18:11

പരിസാന് അലാക്ക നിന്റ് കൊണ്ടു ഇത്തെ പരേസ്‌നാന്: <ദെയിവമേ, നാന് പ്‌ഡിങ്കിപറ്‌ത്ത് എ്ഡ്‌ക്ക്‌ന്റവാര്‌ന പാസേഗൊ, കേ്ഡ്‌ഗെ്ട്ടവാര്‌ന പാസേഗൊ, ബേസ്യാഡ്‌ന്റവാര്‌ന പാസേഗൊ, ഈ കന്ത്യ കെ്ട്ടുവ കാസ് പിരിക്ക്‌ന്റവാന്‌ന പാസേഗൊ അല്ലത്താദ്‌നാലെ നാന് നിനാക്ക് നണ്ണി സൊന്റെ.

റോമഗാറാര് 15:18

എഗുദാരല്ലാത്ത ജാദിഗാള്‌ന സാമി സൊല്ലുപഡിക്ക് നഡാക്ക്‌ന്റവാര് മാഡ്യ ബേ്ണ്ടി ക്‌റ്‌സ്‌ത്ത് ഏസ്സ് എനാന ബെത്ത് ഗേസ്‌ന കാര്യഗാള്‌നാമ് സൊന്ന കാര്യഗാള്‌നാമ് അല്ലാദെ ബേ്റൊന്റുനാമ് പറ്റി നാന് സൊല്ല്യ തുണിവാദില്ലെ.

2 കൊരിന്ത്യഗാറാര് 10:11

എമ്മ ദൂരാത്ത്‌ല് ഇര്‌ക്കാട്ടി കത്ത്‌ല് എന്ത് കാര്യന എ്ള്‌ദ്‌നേമൊ അദേ എ്ണ്ണത്തോഡത്തെ എമ്മ നിമ്മ് പട്ട്‌ക്ക് ബന്ത് ഇര്‌ക്കാട്ടിമ് ഗേവാദ് എന്റ് അവാര് തെരിന്ത്‌റ്‌ക്കുഡൊ.

2 കൊരിന്ത്യഗാറാര് 10:18

തനാന താനെ ദൊഡ്ഡവാന് എന്റ് സൊല്ലുന്റവാനല്ല, ആണ്ടവാന് മദ്‌സ്‌ന്റവാന്‌ക്ക്‌ത്തെ മദ്‌പ്പ് ഇര്‌ക്ക്‌ന്റ്.

2 കൊരിന്ത്യഗാറാര് 3:1

ബേ്റെ ആള്‌ഗാള് ഗേവ പാസെ എമ്മ നിമ്മ് പട്ട്‌ക്ക് ബര്‌ഗാട്ടി എമാന പറ്റി ഉജാത്തി കാട്ടുവ എ്ള്‌ത്ത് ആരാറ്റോഡ ബാങ്കി ബരുഡൊ എന്റ്‌റ്‌ന്റ? അല്ല ബേ്റെ ആള്‌ഗാള് പട്ട്‌ക്ക് എമ്മ പോഗാട്ടി നിമ്മോഡിന്ത് അത്തവ എ്ള്‌ത്ത് ബാങ്കി പോഡൊ എന്റ്‌റ്‌ന്റ?

2 കൊരിന്ത്യഗാറാര് 5:12

എമ്മ പിന്നേമ് എമാന താനെ നിമ്മ് മുന്നുക്കു ബെത്ത് പെരിമെപഡ്യ നോഡുവാദില്ലെ. അദ്‌ക്ക് ബദ്‌ല മനേസ്സ്‌ന നോഡാദെ ആള്‌ന നോഡികൊണ്ടു പെരിമെപഡ്‌ന്റവാര്‌ക്ക് എമാന പറ്റി ബദ്‌ല് സൊല്ലുവ കാര്യഗാള് നിമാക്ക് ഗേന്ത് തര്യാത്തെ എമ്മ നോഡുവാദ്.