2 കൊരിന്ത്യഗാറാര് 1:9 - സാമി സേദി

⁹ കൊല്ല്യ ബേ്ണ്ടി ബിദിത്ത്‌റ്‌ക്കുവ ആള്‌ഗാള് എന്റ് എമ്മ എമാന പറ്റി താനെ നെനേക്കുവാദ്‌ക്കായി ബന്ത്‌ദ്. ആന എമാക്ക് ബന്ത ഈ കജട്ടഗാള്‌ന തീര്‌ക്ക്യ എമാക്ക് എന്തൊന്റു ഗേയ മുഡിമ് എന്റ് നെനേക്കാദെ സത്തവാര്‌ന ഉജുര്‌ളാക്ക്‌ന സാമിക്ക് താനെ അണ്ട്‌നേമ്.

2 കൊരിന്ത്യഗാറാര് 1:9 ပူးပေါင်းရင်းမြစ်များ

ലൂക്കോസു 18:9

തമ്മ നേര്‌മെഗാറാര് എന്റ് പെരിമെപട്ട് അഡ്‌ത്തവാര്‌ന നാണഗെ്ഡ്‌സുവ ലേസ ആള്‌ഗാള്‌ക്ക് ഏസ്സ് ഒന്റു കദെ സൊന്നാന്:

റോമഗാറാര് 8:36

<<നിനാക്ക് ബേ്ണ്ടി എമ്മ ഉജുരുക്കു ബരുവ ആവാത്ത്‌ഗാള്ന നാള്‌ക്ക് താങ്കി കൊണ്ടു ഇര്‌ക്ക്‌ന്റേമ്, അറ്‌ക്ക്യ ബെത്ത്‌റ്‌ക്കുവ കൊറ്യാഡ്‌ഗാള്‌ന പാസെത്തെ എമാന നെനേക്ക്‌ന്റാര്>> എന്റ് എ്ള്‌ദിര്‌ക്ക്‌ന്റല്ല.

2 കൊരിന്ത്യഗാറാര് 1:10

ഉജുരുക്കു ബന്ത ഇത്ത്‌റ ദൊഡ്ഡ ആവാത്ത്‌ഗാള്‌ലിന്ത്‌ത്തെ സാമി എമാന കാപാറ്റ്‌നാദ്. സാമി എമാന കാപാറ്റുവാന്. ഇന്നിമ് എമാന കാപാറ്റുവാന് എന്റ് എമ്മ സാമിന നെഞ്ചഡെ ബെത്ത്‌റ്‌ക്ക്‌ന്റേമ്.

2 കൊരിന്ത്യഗാറാര് 1:8

ഏസ്സ്‌ഗാറാരെ, ആസ്യ നാഡ്‌ല് എമാക്ക് ബന്ത കജട്ടഗാള്‌ന നിമാക്ക് സൊല്ലുഡൊ എന്റ് എമ്മ ആസെപഡ്‌ന്റേമ്. എമ്മ ഉജുരോഡ ഇര്‌ക്കുവേമ് എന്റ് എമ്മ നെനേക്കാലെ, എമാക്ക് താങ്കുവാദ്‌ക്കായി ബന്ത കജട്ടഗാള് അത്ത്‌റാക്ക് മ്‌ഗ്‌ന്താദ്‌മ് ആരബാര ഉള്ളാദ്‌മ് ആയിന്ത്‌ദ്.

2 കൊരിന്ത്യഗാറാര് 3:5

എന്ത്‌ക്കെന്റ് സൊന്ന എമാക്ക് ഇര്‌ക്കുവ തിരമെനാലെ എമ്മ താനെത്തെ ഈ കാര്യഗാള് ഗേന്റേമ് എന്റല്ല എമ്മ സൊല്ലുവാദ്. സാമിത്തെ ഈ കാര്യഗാള്‌ന ഗേയ എമാന തിരമെസാലിഗാള് മാഡ്‌നാദ്.

2 കൊരിന്ത്യഗാറാര് 4:7

എന്റാല്‌മ് ഈ ദൊഡ്ഡ സക്‌തി എമ്മ് സൊന്തല്ല, സാമിത്ത്‌ത്തെ എന്റ് കാട്ടി കൊഡുക്ക്യ ബേ്ണ്ടി ഈ സൊത്തു ബില ഇല്ലാത്ത മണ്ണ് സട്ടിന പാസെ ഇര്‌ക്കുവ എമ്മ് നെഞ്ച് കുള്ളുക്കുത്തെ തന്ത്‌റ്‌ക്കുവാദ്.

എവുറായാര് 11:19

മന്‌സാന്‌ന സത്തവാര് പട്ട്‌ലിന്ത് ഉജുര്‌ളാക്ക്യ സാമിക്ക് മുഡിമ് എന്റ് അവുറഗാമ് നമ്പ്‌നാന്. ഒന്റു കണാക്ക്‌ല് സൊന്ന അവുറഗാമ്‌ക്ക് സാവുലിന്ത് ഇസഗാക്ക്‌ന തിരിക്കി കെ്ഡേത്ത്‌ദ്.