2 കൊരിന്ത്യഗാറാര് 1:12 - സാമി സേദി12 ഈ ഉലഗാത്ത്‌ല ആള്‌ഗാള് പട്ട്‌ല്, മുക്ക്യമായിമ് നിമ്മ് പട്ട്‌ല് പെ്ളേക്കാട്ടി സാമി എമാക്ക് തന്ത സുത്താപ്പുള്ള മനേസ്സോഡാമ് കവാഡില്ലാത്ത മനേസ്സോഡാമ്‌ത്തെ പെ്ളേത്തേമ്. ഈ ഉലഗാത്ത്‌ലിന്ത് കെ്ഡേത്ത അറുവുനാലെ അല്ല സാമി ഗേന്ത പ്‌ണ്ണ്യാത്ത്‌ല്‌ത്തെ എമാക്ക് അത്തെ പെ്ളേക്ക്യ മുഡിന്താദ്. ഇദ് നേര്‌ത്തെ എന്റ് എമ്മ് മനേസ്സ് ഒറേപ്പായിമ് സൊന്റു. ഇദ്‌നത്തെ എമ്മ പെരിമെപഡ്‌ന്റേമ്. အခန်းကိုကြည့်ပါ။ |
2 കൊരിന്ത്യഗാറാര് 1:12
40 ပူးပေါင်းရင်းမြစ်များ
ക്‌റ്‌സ്‌ത്ത് എനാന സൊല്ലി ബ്‌ട്ടാദ് നീര്‌ക്ക് മുളുഗുസ്യല്ല, നല്ല സേദിന പറ്റി സൊല്ല്യാത്തെ സൊല്ലി ബ്‌ട്ടാദ്. കുരുസുലു സത്ത ക്‌റ്‌സ്‌ത്ത്‌ന പറ്റ്യുള്ള സേദിക്ക് ആള്‌ഗാള്‌ന കാപാറ്റുവ സക്‌തി ഇര്‌ക്ക്‌ന്റ്. അയി സക്‌തി ഇല്ലാദാഗാദെ ഇര്‌ക്ക്യ ബേ്ണ്ടി നല്ല നായഗാറാന് എന്നുവ തിരമേല് അല്ല നാന് അയി നല്ല സേദിന സൊന്നാദ്.
നമ്മ് പെസഗെ നോമ്പി എന്നുവാദ് ക്‌റ്‌സ്‌ത്ത് നമാന ബ്‌ഡ്‌സ്‌നാദ്‌ന നെനേക്കുവാദ്‌ത്തെ. അയി നോമ്പി കെ്ട്ടാദ്‌മ് ആഗാത്താദ്‌മാന പളാക്കഗാള്‌ന ബെത്ത് കൊണ്ടല്ല ഗേവാദ്. അത്തെ ഗേന്ത അദ് പള്യ പുളിര്‌ക്കുവ അഡേല് ഗേവ നോമ്പിത്തെ. അദ്‌ക്ക് ബദ്‌ല കീ്ട്ട്‌ഗ ഇല്ലാത്ത മനേസ്സ്‌ഗാറാര്‌മ് സത്ത്യത്തോഡാമ് ഇര്‌ക്ക്‌ന്റവാര്‌മ് ആയിത്തെ അയി നോമ്പി ഗേഡൊ. അദ്‌ത്തെ പുളില്ലാത്ത അഡേല് ഗേവ നോമ്പി.
അദ് എത്തെന്റ് സൊന്ന, ജുദ്ദ ഗേവ ഒന്റു പട്ടളഗാറാന്‌ക്ക് ഇ്ഡ്‌പ്പ്‌ക്ക് കച്ചെ കെ്ട്ടുവാദ് എത്ത്‌റ മുക്ക്യമാന കാര്യഗൊ അദേപാസെ നമ്മ് പെ്ളേപ്പ്‌ല് സെയിത്താന് നമ്മ് കണ്ണ്‌ക്ക് തെര്യാദെ ഗേവ ജുദ്ദന സോലുസ്യ സത്ത്യത്തോഡ പെ്ളേക്കുവ പെ്ളേപ്പ് അത്ത്‌റാക്ക്‌മ് മുക്ക്യമാനാദ്. ജുദ്ദ ഗേവ ഒന്റു പട്ടളഗാറാന്‌ക്ക് മാര്‌കച്ചെ കെ്ട്ടുവാദ് എത്ത്‌റ മുക്ക്യമാന കാര്യഗൊ അദേപാസെ നേര്‌മെഗാറാന് എന്നുവ ഒറേപ്പിര്‌ക്കുവ മനേസ്സ് മുക്ക്യമാന കാര്യ.
അദ്‌നാലെ സാമിന ബ്‌ട്ട് പ്‌റ്‌ന്ത് പോഗാദിര്‌ക്ക്യ ആസെപഡ്‌ന്റവാര്‌ന സാമി അപ്പാര ഗവപഡ്‌ന്റാന്. എന്ത്‌ക്കെന്റ് സൊന്ന <<പെരിമെനായ സൊല്ലിനഡാക്ക്‌ന്റവാര്‌ന സാമി പോട്ടിഗാറാരായി കണാക്ക് മാഡ്‌ന്റാന്. സാമി കണ്ണ്‌ക്ക് തണിന്ത് പെ്ളേക്ക്‌ന്റവാര്‌ന സാമി അപ്പാര ഗവപഡ്‌ന്റാന്>> എന്റ് സാമി ബൊക്കുലു എ്ള്‌ദിര്‌ക്കുവാദ്‌നാലെത്തെ.
ကြော်ငြာတွေ