Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 തിമിത്തോസു 6:20 - സാമി സേദി

20 തിമിത്തോസെ, നീ ഗേയ ബേ്ണ്ടി സാമി നിന്ന് കയിക്ക് ഒപ്പിസി തന്ത്‌റ്‌ക്കുവ കാര്യഗാള്‌ന നീ സൂസാരിത്ത് ഗേഡൊ. സാമിന മദിസ്യ ഉവഗരപഡാത്ത ബുദ്ദില്ലാത്ത നായഗാള്‌ന ഇദ്‌ത്തെ അറുവു എന്റ് ഉറുട്ടുസൊല്ലികൊണ്ടു സില ആള്‌ഗാള് പഡ്‌സ്‌ന്റാര്. ഈ നായഗാള്‌ന നീ കേ്ള്‌ക്കാദെ.

အခန်းကိုကြည့်ပါ။ ကော်ပီ




1 തിമിത്തോസു 6:20
30 ပူးပေါင်းရင်းမြစ်များ  

പവുലോസു ദെ്റുവ പട്ടണാക്ക്‌മ് അദ്‌ലിന്ത് ലുസുറ പട്ടണാക്ക്‌മ് പോനാന്. അദ്‌ല് തിമിത്തോസു എന്നുവ ഏസ്സ് സൊല്ലുപഡി നഡാക്ക്‌ന്റവാന് ഇന്തിന്താന്. അയാള് അവ്വേസി എഗുദാര് ജാദിക്ക് പട്ട ഒന്റൊരുത്തിത്തെ ആയിന്താള്. അവാള് ഏസ്സ്‌ന നമ്പിന്താള്. ആന അയാള് അപ്പനച്ചാന് ഒന്റു എവന നാഡ്‌ഗാറാന് ആയിന്താന്.


എപ്പികൂര്യാര് എന്റ്‌മ് ഇസ്‌ത്തോയിഗാറാര് എന്റ്‌മ് സൊല്ലിന്ത ബാത്ത്യനാമ്‌ഗാള്‌ല് ലേസ ആള്‌ഗാള് പവുലോസോഡ തറ്‌ക്ക്‌നാര്. <<ഇയാള് സൊല്ലുവാദ് എന്തെന്റ് ഇയാള്‌ക്ക് താനെ തെരിവാദില്ലെ. ഇയാള് എന്ത്‌ന പറ്റി സൊല്ല്യ ഓരാഡ്‌ന്റാന്?>> എന്റ് അവാര്‌ല് ലേസ ആള്‌ഗാള് കേ്ട്ടാര്. ഏസ്സ്‌നാമ്, ഏസ്സ് ഉജുര്‌ളാഗുവാദ്‌നാമ് പറ്റിത്തെ അയാള് സൊന്റാന്. അദ്‌നാലെ <<അയാള് ബേ്റെ സാമിഗാള്‌ന പറ്റിത്തെ സൊന്റാനാര്‌ക്കൊ?>> എന്റ് അവാര്‌ല് ബേ്റെ ലേസ ആള്‌ഗാള് സൊന്നാര്.


(ആദാന്‌സ്‌ഗാറാര്‌ക്ക്‌മ്, അയി പട്ടണാത്ത്‌ല് കുഡി ബന്തിന്ത ബേ്റെ നാഡ്‌ഗാറാര്‌ക്ക്‌മ് ഏദ്‌ഗളിഗേമ് പുദ്യ കാര്യഗാള് സൊല്ല്യാമ്, കേ്ള്‌ക്ക്യാമ്‌ത്തെ ആസെ ഇന്ത്‌ദ്.)


തമ്മ അറിവാളിഗാളെന്റ് അവാര് സൊല്ലി നഡാക്ക്‌ന്റാര്. ആന അവാര് ബുദ്ദില്ലത്തവാര് ആനാര്.


ഇര്‌ക്ക്‌ന്റ്, എല്ലാ ദിന്‌സ്‌ല്‌മ് എഞ്ചോ ഉവഗരഗാള് ഇര്‌ക്ക്‌ന്റ്. അയി ഉവഗരഗാള്‌ല് ഒണ്ണാവാദ് കാര്യ എന്നുവാദ് സാമി സൊല്ലുസുലാക്കഗാള്‌ന അവാര് കയിക്ക് കൊഡുത്തിര്‌ക്കുവാദ്‌ത്തെ.


ആന, ക്‌റ്‌സ്‌ത്തോഡ ബെത്ത്‌റ്‌ക്കുവ ബക്‌തില് നിമ്മ മ്‌ഗ്‌ന്ത്‌റ്‌ക്ക്‌ന്റവാരോഡ, എമ്മ അറുവുമ് ബുദ്ദിമ് ഉള്ള നായ സൊന്റേമ്. അയി അറുവുമു ബുദ്ദിമ് ഉള്ള നായ ഈ ഉലഗാക്ക് പട്ടാദൊ ഈ ഉലഗാന ആളുവ അളിന്ത് പോന്റവാര്‌ക്ക് പട്ടാദൊ അല്ല.


എന്ത്‌ക്കെന്റ് സൊന്ന മന്‌സാന് കണ്ണ്‌മുന്നുക്കു ബുദ്ദി എന്റ് നെനേക്കുവാദ് സാമി കണ്ണ്‌ക്ക് ബുദ്ദിഗെ്ട്ടാദ്‌ത്തെ. സാമി സൊല്ലുസുലാക്കാത്ത്‌ല്: <<അറിവാള്‌ഗാള്‌ന അവാര് ഗേവ തന്ത്‌റാത്ത്‌ല് സാമി സിക്ക്‌സ്‌ന്റാന്.>>


അദ്‌നാലെ ഒന്റു സരിഗല തലേക്ക് എ്ണേന്ത് അദ്‌ക്കിര്‌ക്കുവ പല മൂട്ടുമുറിഗാള് ഒട്ടുക്കുമു ഒന്റായി ദൊഡ്ഡുവ പാസെ സത്ത്യമാന ഏസ്സ് ക്‌റ്‌സ്‌ത്ത്‌ന തലെ മാഡി സാമ്യോഡ എ്ണേന്ത് ദൊഡ്ഡുനു. അദ്‌ന തള്ളി ഒന്റുക്കുമു ഉവഗരപഡാത്ത താന്‌താനെ നെനേക്കുവ നെനേവുഗാള്‌ന ബെത്ത്‌മ് താന് കണ്ട കാര്യഗാള്‌ന ബെത്ത്‌മ് തണിമോഡ പെ്ളേക്ക്‌ന്റേന് എന്റ് നെനേത്ത് പെരിമെപട്ട്‌കൊണ്ടു സാമിന കുമ്മുഡാദെ, ദൂദാര്‌ഗാള്‌ന കുമ്മുഡി നഡാക്ക്‌ന്റവാരോഡ എ്ണേന്ത സാമി നിമാക്ക് ബേ്ണ്ടി ബെത്ത്‌റ്‌ക്കുവ സൊത്തു നിമാക്ക് കെ്ഡേക്കമാട്ട.


ക്‌റ്‌സ്‌ത്ത് പഡ്‌സ്‌ന കാര്യഗാള്‌ന പറ്റി സൊല്ലാദെ ഈ ഉലഗാത്ത്‌ല് മന്‌സാന് ബെത്ത്‌റ്‌ക്കുവ അര്‌ത്തില്ലാത്ത സട്ട്‌മെ്ട്ട്‌ഗാള്‌നാമ് അര്‌ത്തില്ലാത്ത അര്‌ത്തപൊരുത്തഗാള്‌നാമ് സൊല്ലി നിമാന ഏമാത്താദിര്‌ക്ക്യ നിമ്മ സൂസാരിത്തിര്‌ന്.


അദ്‌നാലെ നിമ്മ പഡുവ എല്ലാ കൊഡിമെഗാള്‌നാമ് കജട്ടഗാള്‌നാമ് നിമ്മ പൊറിമോഡ താങ്കുവാദ്‌ന പറ്റിമ് ക്‌റ്‌സ്‌ത്തോഡ നിമാക്കിര്‌ക്കുവ നമ്പിക്കേന പറ്റിമ് എല്ലാ ഏസ്സ്‌ഗാറാര് കൂട്ടാക്ക്‌റാഗ എമ്മ ഉജാത്തി സൊന്റേമ്.


അദ്‌നാലെ ഏസ്സ്‌ഗാറാരെ, എമ്മ നിമാക്ക് സൊല്ലി തന്ത കാര്യഗാള്‌നാമ് കത്ത്‌ല് എ്ള്‌ദി തന്ത കാര്യഗാള്‌നാമ് ബ്‌ഡാദെ അയി സൊല്ലുസുലാക്കഗാള്‌ല് ഒറേപ്പായി നില്ലുഡൊ.


ആള്‌ഗാള്‌ന പഡിസ്യ ബേ്ണ്ടി സാമി എനാക്ക് ഒപ്പിസി തന്ത്‌റ്‌ക്കുവ നല്ല സേദില് ഈ ബുദ്ദിനായഗാള് ഒട്ടുക്കു ഇര്‌ക്ക്‌ന്റ്. ഈ നല്ല സേദിന ബാഗ്യകേ്ട്ടവാന്‌മ് അമ്‌സത്തോഡ ഇര്‌ക്ക്‌ന്റവാന്‌മ് ആയിര്‌ക്കുവ സാമിത്തെ എനാക്ക് സൊല്ലി തന്താദ്.


നേരല്ലാത്ത കദെഗാള്‌നാമ് മൂട്ടുമുറില്ലാത്ത കാല്‌കെ്ളെഗാള്‌നാമ് പറ്റി സൊല്ലുവാദ്‌ത്തെ അവാര്‌ക്ക് കാര്യ. ഇദെല്ല ആള്‌ക്കാള്‌ക്ക് തറ്‌ക്ക ബര്യാത്തെ എ്ഡെ ആമ്. അല്ലാദെ ഏസ്സ് ക്‌റ്‌സ്‌ത്തോഡെ ബെത്ത്‌റ്‌ക്കുവ നമ്പിക്കേല് ഗേവ സാമി ഗിലാസഗാളൊന്റുമല്ല. അദ്‌നാലെ അത്തവ കാര്യഗാള്‌ന സൊല്ലുവ നായഗാള്‌ന നീ പഡിസ്യാഗേ ബ്‌ഡാദെ.


ആന ലേസ ആള്‌ഗാള് ഇദ്‌ന തെ്റിന്ത് തള്ളി അര്‌ത്തില്ലാത്ത നായഗാള് സൊല്ലി നേര മാഡി നഡാക്ക്‌ന്റാര്.


ഈ സാമിസട്ട ബെത്ത്‌റ്‌ക്കുവാദ് സാമി പിര്യാക്ക് പെ്ളേക്ക്‌ന്റവാര്‌ക്ക് ബേ്ണ്ട്യല്ല എന്റ് നമാക്ക് തെരിമ്. പിന്നെ ഇദ് ബെത്ത്‌റ്‌ക്കുവാദ് ആര്‌ക്ക് ബേ്ണ്ടി എന്റ് സൊന്ന, സാമി സട്ടാക്ക് മീ്റി നഡാക്ക്‌ന്റവാര്‌ക്ക്‌മ്, സാമിക്കിര്‌ക്കുവ അദിഗരാക്ക് കെ്ട്ട്‌പട്ട് നഡാക്കാത്തവാര്‌ക്ക്‌മ്, സാമിന പറ്റി നെനേവു ഇല്ലത്തവാര്‌ക്ക്‌മ്, കുറ്റഗേന്റവാര്‌ക്ക്‌മ്, കീ്ട്ട്‌ഗഗാറാര്‌ക്ക്‌മ്, സാമി ബക്‌തി ഇല്ലത്തവാര്‌ക്ക്‌മ്, അവ്വ്യപ്പാന്‌ന കൊലെ ഗേന്റവാര്‌ക്ക്‌മ്, കൊലെഗാറാര്‌ക്ക്‌മ്,


സാമ്യോഡ ഉറാവു ബെത്ത് നഡാക്ക്യ ഉവഗരപഡാത്ത നേരല്ലാത്ത കദെഗാളൊന്റുനാമ് നീ കാദ്‌ക്കിക്കാദെ. അദ്‌ക്ക് ബദ്‌ല സാമി ആസെപഡി പെ്ളേക്ക്യ ഉവഗരപഡുവ കാര്യഗാള് നീ ഗേന്ത് പളാഗികൊണ്ടേ ഇര്‌ക്കുഡൊ.


ആന നീ സാമിക്ക് പട്ടവാന് ആയിര്‌ക്കുവാദ്‌നാലെ ഈ കാര്യഗാളെല്ല ഒന്റുമു ഗേഗാദിര്‌ക്കുഡൊ. അദ്‌ക്ക് ബദ്‌ല സാമി ഗേയ സൊന്ന പാസെ കാര്യഗാള് ഗേഡൊ, സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്കുഡൊ, സാമിന മലെന പാസെ നമ്പി നഡാക്കുഡൊ, അഡ്‌ത്തവാരോഡ സീവാന്‌ബെത്ത് നഡാക്കുഡൊ, എല്ലാ കജട്ടഗാള്‌നാമ് പൊറിമോഡ താങ്കുഡൊ, അഡ്‌ത്തവാരോഡ നിദാനത്തോഡ നഡാന്ത്‌പ്‌ഡിത്ത് ഗേഡൊ. ഇദെല്ല നീ മ്‌ഗ്‌ന്ത സുറുസറുപ്പോഡ ഗേഡൊ.


നമ്മ് ആണ്ടവാന് ഏസ്സ് ക്‌റ്‌സ്‌ത്ത് മറിസി ബരുവ നാള് മാട്ട്‌ക്ക് ആര്‌മ് നിനാന പറ്റി കുറ്റകൊറേവു സൊല്ലാത്ത ദിന്‌സ്‌ല് നിനാക്ക് തന്ത്‌റ്‌ക്കുവ ഈ കല്‌പനെഗാള്‌ക്ക് കെ്ട്ട്‌പട്ട് പെ്ളേക്കുഡൊ.


അദ്‌നാലെ എനാക്ക് മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സ് പ്‌ണ്ണ്യാത്ത്‌ല് നീ ബിലപട്ടവാനായി ഇര്.


ഉവഗരപഡാത്ത ബുദ്ദില്ലാത്ത നായഗാള്‌ന ലേസ ആള്‌ഗാള് സൊല്ലുവാര്. അദ്‌ന നീ കാദ്‌ക്കിക്കാദെ. അത്തവ നായഗാള് സൊല്ലുന്റവാര് സേത്തി സേത്തി സാമിന മദ്‌സാത്തവാര് ആവാര്.


അദ്‌താനേമല്ല, അവാര് എഗുദാര് സൊല്ലുവ നേരല്ലാത്ത കദെഗാള്‌നാമ് സത്ത്യാക്ക് ബേ്ണ്ടി പെ്ളേക്കത്തവാര് സൊല്ലുവ നായഗാള്‌നാമ് കേ്ള്‌ക്കമാട്ടാര്.


അയാള് ഏസ്സ്‌ന പറ്റി പഡിത്ത്‌റ്‌ക്കുവ ബുദ്ദിനായന താന് പഡിത്ത്‌റ്‌ക്കുവ പാസെ താനെ ഒറേപ്പായി നമ്പി നഡാക്കുഡൊ. അയി ബുദ്ദിനായഗാള് നമ്പ്യ മുഡിവ ബുദ്ദിനായത്തെ. അത്തെ ആള്‌ഗാള്‌ക്ക് നേര് എന്തെന്റ് പഡിസി കൊഡുക്ക്യാമ് അവാര്‌ന ദയിരപഡിസ്യാമ് അയാള്‌ക്ക് മുഡിമ്. അദോഡൊപ്പ ഈ നായാക്ക് മുട്ടി നോഡ്യ ബന്റവാര്‌ക്ക് ബന്ത്‌റ്‌ക്കുവ തപ്പ് എന്തെന്റ് സൊല്ലി കൊഡുക്ക്യാമ് മുഡിമ്.


ആന അര്‌ത്തില്ലാത്ത നായഗാള്‌ന പറ്റിമ് മൂട്ടുമുറില്ലാത്ത കാല്‌കെ്ളെഗാള്‌ന പറ്റിമ് തറ്‌ക്കുവ തറ്‌ക്കഗാള്‌ക്ക്‌മ്, മോസെ ബെത്ത സാമി സട്ടന പറ്റി തറ്‌ക്കുവ തറ്‌ക്കഗാള്‌ക്ക്‌മ് എ്ണേഗാദെ ഒയിന്ത് നില്ലുഡൊ. എന്ത്‌ക്കെന്റ് സൊന്ന ഇദ് ഒന്റുക്കുമു ഉവഗരപഡാത്താദ്‌മ് ബെലെ ഇല്ലത്താദ്‌മ്‌ത്തെ.


അദ്‌നാലെ നീ പഡിത്താദ്‌നാമ് കേ്ട്ടാദ്‌നാമ് മറാക്കാദെ. അദ്‌ക്ക് നീ കെ്ട്ട്‌പട്ട് നഡ. നീ ഗേവ പാവഗാള്‌ന തള്ളി സാമിസാരി തിര്‌ഗ്. നീ ഇ്ളാഗാദെ പോന, നാന് ഒന്റു ത്‌റ്‌ട്ടാന് ബരുവ പാസെ ബരുവേന്. ഏദ് ഗളിഗേക്ക് നാന് നിന്ന് പട്ട്‌ക്ക് ബരുവേന് എന്റ് നിനാക്ക് തെര്യാമ് മാട്ട.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ