1 തിമിത്തോസു 6:17 - സാമി സേദി17 ദൊഡ്ഡവാര് എന്റ് നെനേക്ക ബേ്ഡ എന്റ്‌മ് സട്ടന അളിന്ത് പോവ സൊത്തുലു നെഞ്ചഡെ ബെക്കബേ്ഡ എന്റ്‌മ് ഈ ഉലഗാത്ത്‌ല പെ്ളേപ്പ്‌ഗാറാര്‌ക്ക് നീ സൊല്ലു. ആന നമ്മ പിര്യപിര്യാത്തിര്‌ക്ക്യ ബേ്ണ്ടി നമാക്ക് ബേ്ഡ്‌മാനാദെല്ല എക്കസക്ക തരുവ സാമിനത്തെ നെഞ്ചഡെ ബെക്കുഡൊ എന്റ് അവാര്‌ക്ക് സൊല്ലു. အခန်းကိုကြည့်ပါ။ |
1 തിമിത്തോസു 6:17
62 ပူးပေါင်းရင်းမြစ်များ
അവാര് അന്തോക്ക്യ പട്ടണാക്ക് എജ്ജ്‌ന പ്‌റ അദ്‌ല ഏസ്സ്‌ഗാറാര് കൂട്ടാത്ത്‌ല് ഇര്‌ക്കുവ ആള്‌ഗാള്‌ന ഒട്ടുക്കു ബ്‌ളിത്ത് ബര്‌സ്സ്‌നാര്. അദ്‌ക്ക് പ്‌റ അവാര് തമ്മോഡ ഇന്ത് സാമി ഗേന്ത എല്ലാ കാര്യഗാള്‌ന പറ്റിമ് എഗുദാര് അല്ലാത്ത ജാദിഗാള് ഏസ്സ്‌ന നമ്പ്യ സാമി ഉദാവി ഗേന്താദ്‌ന പറ്റിമ് അയി കൂട്ടാക്ക് സൊക്കാന സൊന്നാര്.
അദ്‌താനേമല്ല, ഏസ്സ് ക്‌റ്‌സ്‌ത്ത് സൊന്ന സൊല്ലുസുലാക്കാത്ത്‌ല് നിമാക്ക് ഇര്‌ക്കുവ അറുവുന ദൊഡ്ഡ അറുവായി എ്ഡ്‌ക്കുവാദ്‌നാലെ അയി അറുവുന ബെത്ത് സാമി നിമാന ഗവപഡുവാദ്‌ന പറ്റി പാഡുവ പാട്ട്‌ഗാള്‌മ് സാമിക്ക് നണ്ണി സൊല്ലുവ പാട്ട്‌ഗാള്‌മ് തെറ്റ്‌കുറ്റ ഗേഗാദിര്‌ക്ക്യ അഡ്‌ത്തവാര്‌ക്ക് ബുദ്ദി സൊല്ലുവ പാട്ട്‌ഗാള്‌മ് പാഡി സാമിന ഉജാത്ത്‌ന്.
എമ്മ നിമ്മ് പട്ട്‌ക്ക് ബര്‌ഗാട്ടി നിമ്മ എത്തെ എമാന തങ്കാരിത്ത്‌റ് എന്റ്‌മ് സെലെഗാള്‌ന കുമ്മുഡുവാദ്‌ന തള്ളി സത്ത്യമുള്ളവാന്‌മ് ഉജുരുള്ളവാന്‌മ് ആയിര്‌ക്കുവ സാമിന കുമ്മുഡുന്റുറു എന്റ്‌മ് അവാര് താനെ സൊന്റാരല്ല. സാമി സത്തവാര്‌ലിന്ത് ഉജുര്‌ളാക്ക്‌ന തന്ന് മഗാന്‌മ് സാമിക്ക് മന്‌സാനോഡ ഇര്‌ക്കുവ മൊനേന ഇല്ലാദെ മാഡ്‌ന്റവാന്‌മാന ഏസ്സ് നമാന കാപാറ്റ്യ ബേ്ണ്ടി മേലോഗാത്ത്‌ലിന്ത് ബരുവാദ്‌ന നിമ്മ കാത്ത്‌റ്‌ക്ക്‌ന്റ്‌റ് എന്റ്‌മ് അവാര് താനെ സൊന്റാരല്ല.
ഇത്തെ സാമി ഗവ പട്ടാദ്‌നാലെ സാമിന മദിസ്യ ഉവഗരപഡാത്ത കാര്യഗാള്‌ന ഗേഗാദിര്‌ക്കുഡൊ എന്റ്‌മ്, ഉലഗാത്ത്‌ല ജനഗാള് പെ്ളേക്കുവ പാസെ പെ്ളേക്ക്യ ആസെപഡാദിര്‌ക്കുഡൊ എന്റ്‌മ് നമാന പഡ്‌സ്‌ന്റ്. അദ്‌താനേമല്ല ഈ ഉലഗാത്ത്‌ല് ബുദ്ദ്യുള്ളവാര് ആയിര്‌ക്ക്യാമ്, നേര്‌മെഗാറാര് ആയിര്‌ക്ക്യാമ്, സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്ക്‌ന്റവാര് ആയിര്‌ക്ക്യാമ് നമാന പഡ്‌സ്‌ന്റ്.
ကြော်ငြာတွေ