1 തിമിത്തോസു 6:16 - സാമി സേദി

¹⁶ സാമി എന്നാല്‌ക്ക്‌മ് പെ്ളേത്ത്‌റ്‌ന്റവാന്‌ത്തെ. ആര്‌ക്ക്‌മ് അര്‌ഗെ അണ്ട്യ മുഡ്യാത്തത്ത്‌റ ബെ്ള്‌സാത്ത്‌ല്‌ത്തെ സാമി ഇര്‌ക്കുവാദ്. സാമിന ആര്‌മ് കാണാഗേ ഇല്ലെ. ആര്‌ക്ക്‌മ് സാമിന കാണ്യ മുഡ്യാഗേ മാട്ട. അയി സാമിന എല്ലാ ആള്‌ഗാള് മദ്‌സുഡൊ. അയി സാമി ബില ഉള്ളവാനായി എല്ലാ ആള്‌ഗാള്‌നാമ് എന്നാല്‌ക്ക്‌മ് ആളുഡൊ. ആമേന്.

1 തിമിത്തോസു 6:16 ပူးပေါင်းရင်းမြစ်များ

ഓഗന്നാന് 1:18

സാമിന ആര്‌മ് ഒന്റു നാള്‌മ് കാണാഗേ ഇല്ലെ, ആന അപ്പാന് സാമി പട്ട്‌ല് ഇര്‌ക്കുവ ഒന്റേ ഒന്റു മഗാനാന സാമിത്തെ നമാക്ക് സാമിന കാട്ടി തന്ത്‌റ്‌ക്കുവാദ്.

ഓഗന്നാന് 14:9

ഏസ്സ് അയാള്‌ക്ക് ഇത്തെ സൊന്നാന്: <<നാന് ഇഞ്ചൊന്റു നാള് നിമ്മോഡ ഇന്ത് ഗുഡി നിനാക്ക് എനാന തെരിവാദില്ലേഗ പീലിപോസെ? എനാന കണ്ടവാന് അപ്പാന്‌ന കണ്ട്‌റ്‌ന്റാന്, പിന്നെ അപ്പാന്‌ന കാട്ടി തരുഡൊ എന്റ് നീ സൊല്ലുവാദ് എത്തെ?

ഓഗന്നാന് 6:46

ഇദ്‌ക്ക് അര്‌ത്ത ആരാറ്റ അപ്പാന് സാമിന കണ്ടാര് എന്റല്ല, സാമി പട്ട്‌ലിന്ത് ബന്തവാന് താനെത്തെ അപ്പാന്‌ന കണ്ട്‌റ്‌ക്കുവാദ്.

ഓഗന്നാന് 8:58

അദുക്കുള ഏസ്സ്: <<നാന് നിമാക്ക് സത്ത്യമായി സൊന്റെ, അവുറഗാമ് പ്‌റാക്കുവാദ്‌ക്ക് മുദാലെ നാന് അവാന്‌ത്തെ>> എന്റ് അവാര്‌ക്ക് സൊന്നാന്.

പിലിപ്പ്യഗാറാര് 4:20

സത്ത്യമായിമ് നമ്മ കുമ്മുഡുവ അപ്പാനായിര്‌ക്കുവ സാമിക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ.

കൊലേസ്യഗാറാര് 1:15

ഇന്നമാട്ട്‌ക്ക് ആര്‌ക്ക്‌മ് കാണ്യ മുഡ്യാത്ത സാമിത്ത് ഉരുവാത്തെ ക്‌റ്‌സ്‌ത്ത്. അദ്‌താനേമല്ല, ദ്‌ട്ടിസി ബെത്ത്‌റ്‌ക്കുവ എല്ലാദ്‌ക്ക്‌മ് അയാള്‌ത്തെ തലെകോഡി മഗാന്.

1 തിമിത്തോസു 1:17

എല്ലാ കാലാക്ക് ആളുവ രാജാവുമു, എല്ലാ കാലാക്ക് അളിവില്ലാത്തവാന്‌മ്, ആര്‌ക്ക്‌മ് കാണ്യ മുഡ്യാത്തവാന്‌മ് ആയിര്‌ക്കുവ ഒന്റേ ഒന്റു സാമി എന്നാല്‌ക്ക്‌മ് ദൊഡ്ഡവാന്‌മ് പേര്‌പെരിമെ ഇര്‌ക്ക്‌ന്റവാന്‌മ് ആയിര്‌ക്കുഡൊ. ആമേന്.

എവുറായാര് 13:8

ഏസ്സ് ക്‌റ്‌സ്‌ത്ത് നെന്നേമ്, ഇന്റ്‌മ്, എന്നാല്‌ക്ക്‌മ് ഒന്റേ പാസെത്തെ.

ആക്കോവു 1:17

നമാക്ക് ബേ്ഡ്‌മാന എല്ലാ നല്ല ബരഗാള്‌നാമ് തരുവാദ് മേലോഗാത്ത്‌ല് അപ്പാനായിര്‌ക്കുവ സാമിത്തെ. അയി സാമിലിന്ത് നല്ലാദ് കെ്ട്ടാദ് മാറി മാറി ബരാഗേ മാട്ട. അയി സാമില് ഒന്റു കൊറേവെ കാണമാട്ടാമ്.

1 ഓഗന്നാന് 1:5

ഏസ്സ് തന്നപ്പാന് സാമിന പറ്റി സൊന്നാദ് എന്തെന്റ് സൊന്ന, സാമി ബെ്ള്‌സത്തെ. ഇ്റ്‌ട്ടെന്നുവാദ് സെറ്റെ ഗുഡി ഇല്ലെ. ഇദ്‌ന എമ്മ നിമാക്ക് സൊന്റേമ്.

1 ഓഗന്നാന് 1:7

ആന സാമി ബെ്ള്‌സാത്ത്‌ലിര്‌ക്കുവ പാസെ നമ്മാമ് ബെ്ള്‌സാത്ത്‌ല് പെ്ളേക്ക്യ ആസെപട്ടദാന നമാക്ക് ആങ്കീങ്ക് നല്ല എ്ണേവിര്‌ക്ക്‌മ്. അത്തെ എ്ണേവിര്‌ക്കാട്ടി ഗേവ എല്ലാ പാവാനാമ് സാമിമഗാന് ഏസ്സ് സോരെ തീത്ത് നമാന ബെ്ഡിപ്പ് മാഡ്‌മ്.

1 ഓഗന്നാന് 4:12

സാമിന ആര്‌മ് കാണാഗേ ഇല്ലെ. ആന നമ്മ ആങ്കീങ്ക് സീവാന്‌ബെത്ത് നഡാക്കുവാദാന സാമി നമ്മോഡ ഇര്‌ക്കുവാന്. അദേപാസെ നമ്മ ആങ്കീങ്ക് സീവാന്‌ബെത്ത് നഡാന്ത് സാമിക്കിര്‌ക്കുവ സീവാന് എത്ത്‌റാക്കെന്റ് നേര്‌മായിമ് നമാക്ക് കാണ്യ മുഡിമ്.

ബെ്ളിപട്ട കാര്യ 1:6

അയാള് നമാന സാമി ആളുവ ആള്‌ഗാള് മാഡിമ് തന്ന് അപ്പാനാന സാമിക്ക് നമാന പൂസാരിഗാള് മാഡിമ് ബെത്ത്‌റ്‌ന്റാന്. അയി ഏസ്സ് ക്‌റ്‌സ്‌ത്ത്‌ക്ക് പേര്‌പെരിമേമ് എല്ലാദ്‌നാമ് ആളുവ അദിഗരാമ് എന്നാല്‌ക്ക്‌മ് ഇര്‌ക്കുഡൊ. ആമേന്.

ബെ്ളിപട്ട കാര്യ 1:8

<<നാന് ആദിലവാന്‌മ് കഡേസിലവാന്‌മ്‌ത്തെ>> എന്റ് ഇന്നാല് ഇര്‌ക്ക്‌ന്റവാന്‌മ് ഇന്തിന്തവാന്‌മ് ഇന്നി ബര്യ ഇര്‌ക്ക്‌ന്റവാന്‌മ് ആന എല്ലാ ബിലാമ് ഇര്‌ക്കുവ ആണ്ടവാനാന സാമി സൊന്നാന്.

ബെ്ളിപട്ട കാര്യ 21:3

കുറിഞ്ചിലിന്ത് ദൊഡ്ഡ ഒന്റു ജദ്ദ ഇത്തെ സൊല്ലുവാദ്‌ന നാന് കേ്ട്ടെ, <<ഇദാ, മന്‌സാരോഡ സാമി ഒന്റായി തങ്കുവ എ്ഡെ, അയാള് അവാരോഡ ഒന്റായി ഇര്‌ക്കുവാന്, അവാര് അയാള് ജനഗാള് ആയിര്‌ക്കുവാര്, സാമി താന്‌താനെ അവാരോഡൊപ്പ ഇന്ത് അവാര് സാമിമ് ആയിര്‌ക്കുവാന്.

ബെ്ളിപട്ട കാര്യ 22:5

അദ്‌ല് ഇന്നി ജാമ ഇര്‌ക്കമാട്ട. സാമ്യാന ആണ്ടവാന് അവാര്‌ക്ക് ബ്‌ളാക്ക് ആയിര്‌ക്കുവാദ്‌നാലെ ബ്‌ളാക്ക് ബെ്ള്‌സാഗൊ നേര ബെ്ള്‌സാഗൊ അവാര്‌ക്ക് തേവില്ലെ. അവാര് എന്നാല്‌ക്ക്‌മ് രാജാവുഗാള്‌ന പാസെ ആളുവാര്.

ബെ്ളിപട്ട കാര്യ 4:11

എമ്മ് ആണ്ടവാന്‌മ് സാമിമ് ആയിര്‌ന്റവാനെ, മാനാമ്, മദ്‌പ്പ്‌മ്, കെ്ഡേക്ക്യ നീ തഗ്‌ദ്യുള്ളവാന്‌ത്തെ. സക്‌തി ഇര്‌ക്ക്‌ന്റവാന്‌മ് നീത്തെ. എന്ത്‌ക്കെന്റ് സൊന്ന നീ എല്ലാദ്‌നാമ് ദ്‌ട്ട്‌സ്‌നായി. നിന്ന് പിര്യനാലെ അദ്‌ഗാള് ഉണ്ടായിമ് ബന്ത്‌ദ്, നീ അദ്‌ഗാള്‌ന ദ്‌ട്ടിസിമ് ഇര്‌ക്ക്‌ന്റായി.

ബെ്ളിപട്ട കാര്യ 7:12

<<ആമേന്, നമ്മ് സാമിക്ക് എന്നാല്‌ക്ക്‌മ് ഒഗെ, അയാള്‌ക്ക് എന്നാല്‌ക്ക്‌മ് പേര്‌പെരിമേമ്, അറുവുമു ബുദ്ദിമ്, മാനാമ്, സക്‌തിമ്, ബിലാമ് ഇര്‌ക്കുഡൊ അയാള്‌ക്ക് എന്നാല്‌ക്ക് നണ്ണി സൊന്റേമ്, ആമേന്>> എന്റ് സൊല്ലി സാമിന കുമ്മുഡുനാര്.