1 തിമിത്തോസു 6:15 - സാമി സേദി

¹⁵ സാമി മുഡിവു മാഡിര്‌ക്കുവ അദേ നേരാക്ക് താനെ അയാള് മറിസി ബരുവാന്. അയി സാമി ബാഗ്യകേ്ട്ടവാന്‌മ് ഒന്റേ ഒരുത്താനിന്ത് ആള്‌ന്റവാന്‌മ് എല്ലാ രാജാവുഗാള്‌ക്ക് രാജാവുമു ആണ്ട്‌റ്‌ന്റവാര്‌ഗാള്‌ക്ക് ആണ്ടവാന്‌മ്‌ത്തെ.

1 തിമിത്തോസു 6:15 ပူးပေါင်းရင်းမြစ်များ

മത്തായി 6:13

പാവ ഗേവ ആസേക്ക് എമാന സിക്ക്‌സാദെ കെ്ട്ടവാന് കയിലിന്ത് എമാന കാപാറ്റുഡോമെ. എന്ത്‌ക്കെന്റ് സൊന്ന എന്നാല്‌ക്ക്‌മ് എല്ലാ നാഡ്‌ന ആള്‌ന്റവാന്‌മ് മ്‌ഗ്‌ന്ത ബില ഇര്‌ക്ക്‌ന്റവാന്‌മ് മ്‌ഗ്‌ന്ത മദ്‌പ്പിര്‌ക്ക്‌ന്റവാന്‌മ് നീത്തെ, ആമേന്.>

1 തിമിത്തോസു 1:11

ആള്‌ഗാള്‌ന പഡിസ്യ ബേ്ണ്ടി സാമി എനാക്ക് ഒപ്പിസി തന്ത്‌റ്‌ക്കുവ നല്ല സേദില് ഈ ബുദ്ദിനായഗാള് ഒട്ടുക്കു ഇര്‌ക്ക്‌ന്റ്. ഈ നല്ല സേദിന ബാഗ്യകേ്ട്ടവാന്‌മ് അമ്‌സത്തോഡ ഇര്‌ക്ക്‌ന്റവാന്‌മ് ആയിര്‌ക്കുവ സാമിത്തെ എനാക്ക് സൊല്ലി തന്താദ്.

1 തിമിത്തോസു 1:17

എല്ലാ കാലാക്ക് ആളുവ രാജാവുമു, എല്ലാ കാലാക്ക് അളിവില്ലാത്തവാന്‌മ്, ആര്‌ക്ക്‌മ് കാണ്യ മുഡ്യാത്തവാന്‌മ് ആയിര്‌ക്കുവ ഒന്റേ ഒന്റു സാമി എന്നാല്‌ക്ക്‌മ് ദൊഡ്ഡവാന്‌മ് പേര്‌പെരിമെ ഇര്‌ക്ക്‌ന്റവാന്‌മ് ആയിര്‌ക്കുഡൊ. ആമേന്.

1 തിമിത്തോസു 2:6

എല്ലാ മന്‌സാര്‌ഗാള്‌ക്ക്‌മ് അവനവാന് ഗേവ പാവാക്ക് കെ്ഡേക്കുവ ദെ്ണ്ടണേക്ക് ബഡ്ഡി അയാള് തനാന താനെ കുരുസുക്കു ഒപ്പുസുനാന്. ഇദെല്ല സാമി മുഡിവാക്കിന്ത സമ്യാത്ത്‌ല് താനെ നഡാന്ത്‌ദ്. എല്ലാ ആള്‌ഗാള്‌നാമ് കാപാറ്റുഡൊ എന്റ് സാമിക്കിര്‌ക്കുവ ആസേക്ക് തെ്ള്‌വുത്തെ ഇദ്.

ബെ്ളിപട്ട കാര്യ 17:14

അവാര് കൊറ്യാഡ് കുട്ട്യോഡ ജുദ്ദ ഗേവാര്. ആന കൊറ്യാഡ് കുട്ടി അവാര്‌ന സോലുസുവാന്. എന്ത്‌ക്കെന്റ് സൊന്ന അയാള് ആണ്ട്‌റ്‌ന്റവാര്‌ഗാള്‌ക്ക് ആണ്ടവാന്‌മ് രാജാവുഗാള്‌ക്ക് രാജാവുമുത്തെ. അയാളോഡ ഇര്‌ക്ക്‌ന്റവാര് സാമി ബ്‌ളിത്തവാര്‌മ് തെരിന്തെ്ഡ്‌ത്തവാര്‌മ് നമ്പ്യ മുഡിന്റവാര്‌മ്‌ത്തെ>> എന്റ് സൊന്നാന്.

ബെ്ളിപട്ട കാര്യ 19:16

രാജാവുഗാള്‌ക്ക് രാജാവുമു ആണ്ട്‌റ്‌ന്റവാര്‌ഗാള്‌ക്ക് ആണ്ടവാന്‌മ് എന്നുവ പേര് അയാള് ഉഡുപ്പുലുമു തൊഡേല്‌മ് എ്ള്‌ദിര്‌ക്ക്‌ന്റ്.