Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 തിമിത്തോസു 6:12 - സാമി സേദി

12 ജുദ്ദ ഗേവ ഒന്റു പട്ടളഗാറാന് പിന്ന്‌കാല് മെ്ട്ടാദെ ജുദ്ദ ഗേവ പാസെ നിന്ന് നമ്പിക്കെ പോഗാദിര്‌ക്ക്യ ബേ്ണ്ടി നീ നിന്നാവാദ് ഓരാഡുഡൊ. എഞ്ചോ ആള്‌ഗാള് മുന്നുക്കു നീ ഏസ്സ്‌ന നമ്പ്‌ന്റായി എന്റ് സൊല്ലിര്‌ക്ക്‌ന്റായല്ല? അദ്‌നാലെ നീ എന്നാല്‌ക്ക്‌മ് ഇര്‌ക്കുവ സാഗാത്ത പെ്ളേപ്പ്‌ന കയി ബ്‌ഡാദെ സൂസാരിത്ത് ബെയി. ഈ പെ്ളേപ്പ് കെ്ഡേക്ക്യ ബേ്ണ്ടിത്തെ സാമി നിനാന ബ്‌ളിത്ത്‌റ്‌ക്കുവാദ്.

အခန်းကိုကြည့်ပါ။ ကော်ပီ




1 തിമിത്തോസു 6:12
39 ပူးပေါင်းရင်းမြစ်များ  

എമ്മ സത്ത്യനത്തെ പഡ്‌സ്‌ന്റേമ്, സാമി സക്‌തില്‌ത്തെ എമ്മ എല്ലാ കാര്യഗാള്‌മ് ഗേന്റേമ്. പട്ടളഗാറാര്‌ക്ക് ഒന്റു കയില് ബാള്‌മ് ഒന്റു കയില് തഡ്‌ക്കുവ ജാദിമ് ഇര്‌ക്കുവ പാസെ എമ്മ് ഇ്ഡ കയില്‌മ് ബല കയില്‌മ് നേര്‌മെ എന്നുവ ബാള്‌മ് തഡ്‌ക്കുവ ജാദിമ് പ്‌ഡിത്ത്‌കൊണ്ടു പെ്ളേക്ക്‌ന്റേമ്.


നിമ്മ ഏസ്സ് ക്‌റ്‌സ്‌ത്ത്‌ന നമ്പുവാദ് താനേമല്ല, നിമാക്ക് ഇര്‌ക്കുവാദ്‌ന സാമിക്ക് പട്ടവാര്‌ക്ക് ദറ്‌മ്മ ഗേന്ത് ക്‌റ്‌സ്‌ത്ത്‌ത്ത് നല്ല സേദ്യോഡ നിമാക്ക് ഇര്‌ക്കുവ പൊറുപ്പുന നിമ്മ കാട്ടുവാദ്‌നാലെ എഞ്ചോ ആള്‌ഗാള് സാമിന പെരിമെപഡ്‌ന്റാര്.


നാന് പട്ട കജട്ടനാമ് കൊഡിമെനാമ് നിമ്മ കണ്ട്‌റ്‌ക്ക്‌ന്റ്‌റ്. നാന് ഇന്നാല് പഡുവ കജട്ടനാമ് കൊഡിമെനാമ് നിമ്മ കേ്ട്ട്‌റ്‌ക്ക്‌ന്റ്‌റ്. അദേ കജട്ടാമ് കൊഡിമേമ് നിമാക്ക്‌മ് ഇര്‌ക്ക്‌ന്റല്ല.


ഒന്റു സരിഗലാത്ത്‌ലിര്‌ക്കുവ പല മൂട്ടുമുറിഗാള്‌ന ഒന്റുക്കു മൂട്ടി ബെത്ത്‌റ്‌ക്കുവ പാസെ സാമി നിമാന ഒന്റുക്കു മൂട്ടി ബെക്കുവാദ്‌നാലെ ക്‌റ്‌സ്‌ത്ത് നിമ്മ്‌ദ്യോഡ ബെക്കുവ പെ്ളേപ്പ്‌ല് നിമ്മ പിര്യരിമോഡ പെ്ളേന്. അദ്‌നാലെ നിമ്മ സാമിക്ക്‌മ് അഡ്‌ത്തവാര്‌ക്ക്‌മ് നണ്ണ്യുള്ളവാര് ആയിര്‌ന്.


നിമാന കാപാറ്റി നമ്മ് ആണ്ടവാന് ഏസ്സ് ക്‌റ്‌സ്‌ത്ത് മദ്‌പ്പ്‌ക്ക് പങ്ക്‌ഗാറാര് ആയ ബേ്ണ്ടിത്തെ സാമി നിമാന ബ്‌ളിത്ത്‌റ്‌ക്കുവാദ്. അദ്‌ക്ക് ബേ്ണ്ടിത്തെ എമാന ബെത്ത് സാമി നിമാക്ക് ഈ നല്ല സേദിന സൊന്നാദ്.


എന്ന് മഗാന് തിമിത്തോസെ, സാമി ആള്‌ഗാള്‌ന ബെത്ത് നിനാന പറ്റി മുന്നുക്കു സൊന്ന കാര്യഗാള്‌ക്ക് ഒത്തു ബരുവ പാസെ താനെ നാന്‌മ് നിനാക്ക് ഈ കാര്യന സൊന്റെ. ഈ നല്ല സേദിക്ക് ബേ്ണ്ടി ഒന്റു പട്ടളഗാറാന്‌ന പാസെ ജുദ്ദ ഗേയ ഈ നായഗാള് നിനാക്ക് കയി താങ്കായിര്‌ക്കുഡൊ.


അദ്‌താനെ അല്ല, ഏസ്സ് ക്‌റ്‌സ്‌ത്തോഡ ഇര്‌ക്കുവ നമ്പിക്കേല് നീ ഒറേപ്പുള്ളവാനായിര്‌ക്ക്യാമ്, മനേസ്സ് നേരെന്റ് സൊല്ലുവ കാര്യഗാള്‌ന ഗേയാമ് ഇദ് നിനാക്ക് ഉവഗര പഡുഡൊ. മനേസ്സ് നേരെന്റ് സൊല്ലുവ കാര്യഗാള്‌ന ബെലേക്കെ്ഡ്‌ക്കാത്ത ലേസ ആള്‌ഗാള് സാമ്യോഡിര്‌ക്കുവ നമ്പിക്കേന ബ്‌ട്ട് തള്ള്‌നാര്.


ഏസ്സ്‌ഗാറാര് കൂട്ട മൂപ്പനാമ് കയി ബെക്കാട്ടി സാമി അവാര്‌ന ബെത്ത് നിന്നോഡ നായനൊഡിന്ത് നിനാക്ക് ഒന്റു ബരാമ് തന്താന്. അയി ബരാന നീ സ്‌ന്നാദെന്റ് നെനേക്കാദെ.


എല്ലാദ്‌ക്ക്‌മ് ഉജുരു കൊഡുക്കുവ സാമി കേ്ട്ട്‌കൊണ്ട്‌റ്‌ക്കാട്ടി താനേമ് പൊന്തിയോസു പീലത്തോസു മുന്നുക്കു താന് ആരെന്റ് ദയിരത്തോഡ സൊന്ന ക്‌റ്‌സ്‌ത്ത് ഏസ്സ് കേ്ട്ട്‌കൊണ്ട്‌റ്‌ക്കാട്ടി താനേമ് നാന് നിനാക്ക് സൊല്ലുവാദ് എന്തെന്റ് സൊന്നദാന,


ഇത്തെ ഗേവാദ്‌നാലെ ബര്യ പോവ കാലാക്ക് എന്നാല്‌ക്ക്‌മ് അളിന്ത് പോഗാത്ത സൊത്തുന അവാര്‌ക്ക് സേത്തി ബെക്ക്യ മുഡിമ്. അത്തെ അവാര്‌ക്ക് സത്ത്യമാന ഉജുരുന കെ്ഡേസ്യ മുഡിമ്.


സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.


എഞ്ചോ ആള്‌ഗാള്‌ക്ക് മുന്നുക്കു നാന് സൊന്ന കാര്യഗാള്‌ന നീ കേ്ട്ട്‌റ്‌ന്റായി. അദ്‌നൊട്ടുക്കു അഡ്‌ത്തവാര്‌ക്ക് സൊല്ലി കൊഡു. അവാര് നിനാക്ക് നമ്പ്യ മുഡിവ ആള്‌ഗാള്‌മ് ആള്‌ഗാള്‌ന പഡിസ്യ മുഡിവ ആള്‌ഗാള്‌മ് ആയിര്‌ക്കുഡൊ.


ഒരുത്താന് ജൂദുപ്‌ഡിത്ത് ഓഡുഗാട്ടി നലമായി ഓഡുവ പാസെ എനാക്ക് ഗേയ തന്ത കാര്യഗാള്‌നെല്ല സാമിക്ക് ബേ്ണ്ടി നാന് നലമായി ഗേന്തെ, ഇന്നി ഗേന്ത് മുഡിക്ക്യ ഒന്റുമില്ലെ. ഏസ്സോഡ എനാക്കിര്‌ക്കുവ നമ്പിക്കേന ബ്‌ഡാദിന്തെ.


ഏസ്സ്‌ഗാറാന് ആയിര്‌ക്കുവ നമ്മ് തിമിത്തോസു ജെയില്‌ലിന്ത് ഇ്റാഗ്‌നാന് എന്റ് നിമ്മ തെരിഡൊ എന്റ് നാന് ആസെപഡ്‌ന്റെ. അയാള് സട്ടന ബന്തദാന നാന് അയാളോഡ ബന്ത് നിമാന കാണുവെ.


എന്ത്‌ക്കെന്റ് സൊന്ന നമാക്ക് മുദാലിന്ത അദേ നമ്പിക്കേന കഡേസി മാട്ട്‌മ് ബ്‌ഡാദിന്തദാന നമ്മ ക്‌റ്‌സ്‌ത്തോഡ പങ്ക്‌ഗാറാര് ആല.


സാമി ബാക്ക് കൊഡുത്താദ്‌മ് സത്ത്യ ഗേന്താദ്‌മ് മാറ്റ്യ മുഡ്യാത്ത റാഡ് കാര്യഗാള്‌ത്തെ. എന്ത്‌ക്കെന്റ് സൊന്ന സാമിക്ക് പൊയി സൊല്ല്യ മുഡ്യാമാട്ട. അദ്‌നാലെ പാദ്‌ഗാപ്പ്‌ക്ക് ബേ്ണ്ടി സാമി പട്ട്‌ക്ക് പോവ നമാക്ക് ഈ റാഡ് കാര്യഗാള് നമ്മ ബെത്ത്‌റ്‌ക്കുവ നെഞ്ചഡേല് ഒറേത്ത് നില്ല്യ ദയിരപഡ്‌സ്‌ന്റ്.


നിമാക്ക് കെ്ട്ടാദ് ഗേന്റവാര്‌ക്ക് കെ്ട്ടാദ് ഗേഗാദേന്. നിമാന നൊഡിന്റവാര്‌ന നിമ്മ നൊഡ്യാദേന്. അദ്‌ക്ക് ബദ്‌ല അവാര്‌ക്ക് നല്ലാദ് ബരുഡൊ എന്റ് സൊല്ലുനു. എന്ത്‌ക്കെന്റ് സൊന്ന സാമി തരുവ ബാക്ക്‌വരഗാള്‌ക്ക് പങ്ക്‌ഗാറാര് ആയ ബേ്ണ്ടിത്തെ നിമാന ബ്‌ളിത്ത്‌റ്‌ക്കുവാദ്.


എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്‌ക്ക്‌മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്.


എന്ത്‌ക്കെന്റ് സൊന്ന ക്‌റ്‌സ്‌ത്ത്‌ന പാസെ എന്നാല്‌ക്ക്‌മ് ഇര്‌ക്കുവ പെ്ളേപ്പ് പെ്ളേക്കുവുറു എന്റ്‌ത്തെ സാമി നമാക്ക് ബാക്ക് തന്ത്‌റ്‌ക്കുവാദ്.


എനാക്ക് മെച്ച്‌പ്‌ഡിത്തവാരെ, ഏസ്സ് ക്‌റ്‌സ്‌ത്ത്‌ന ബെത്ത് സാമി നമ്മ് പെ്ളേപ്പ്‌ന എത്തെ കാപാറ്റ്‌ന്റാന് എന്നുവ കാര്യന പറ്റി നിമാക്ക് എ്ള്‌ദ്യ ബേ്ണ്ടി നാന് മുദാല് ആസെപട്ടിന്തെ. അത്തെ നാന് ആസെപട്ട്‌റ്‌ക്കാട്ടി ഏസ്സ്‌ന നമ്പി സാമിക്ക് പട്ടവാര് ആനവാര് ഏസ്സ് സൊന്ന നായഗാള്‌ന ഉറുദ്ദ്യായി നമ്പി പെ്ളേക്കുഡൊ എന്നുവ കാര്യന പറ്റി എ്ള്‌ദുവാദ്‌ത്തെ ദൊഡ്ഡ കാര്യ എന്റ് നാന് നെനേത്തെ. അദ്‌നാലെ അദ്‌ന പറ്റി എ്ള്‌ദ്യ നാന് ആസെപട്ടെ.


അദ്‌നാലെ നീ പഡിത്താദ്‌നാമ് കേ്ട്ടാദ്‌നാമ് മറാക്കാദെ. അദ്‌ക്ക് നീ കെ്ട്ട്‌പട്ട് നഡ. നീ ഗേവ പാവഗാള്‌ന തള്ളി സാമിസാരി തിര്‌ഗ്. നീ ഇ്ളാഗാദെ പോന, നാന് ഒന്റു ത്‌റ്‌ട്ടാന് ബരുവ പാസെ ബരുവേന്. ഏദ് ഗളിഗേക്ക് നാന് നിന്ന് പട്ട്‌ക്ക് ബരുവേന് എന്റ് നിനാക്ക് തെര്യാമ് മാട്ട.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ