1 തിമിത്തോസു 6:10 - സാമി സേദി

¹⁰ പണാക്ക് ബേ്ണ്ടി ആസെപഡുവാദ്‌ത്തെ എല്ലാ ദിന്‌സ് കെ്ട്ടാദ് ബര്യ ബെക്കുവ ഒന്റേ ഒന്റു ബട്ടെ. ലേസ ആള്‌ഗാള് മൊത്തന പണാക്ക് ആസെപട്ട് സാമ്യോഡിര്‌ക്കുവ നമ്പിക്കേന ബ്‌ട്ട്‌തള്ളി തമാക്ക് താനെ പല ദിന്‌സ്‌ല കജട്ടഗാള്‌ന ബരിസ്സി ബെക്ക്‌ന്റാര്.

1 തിമിത്തോസു 6:10 ပူးပေါင်းရင်းမြစ်များ

1 തിമിത്തോസു 6:9

ആന പണഗാറാനായ ആസെപഡ്‌ന്റവാന് പാവ ഗേവാദ്‌ക്കുള്ള സോദിമേക്ക്‌മ് പല ദിന്‌സ്‌ല സദിക്ക്‌മ് സിക്കുവാന്. അയാള് ബുദ്ദില്ലാത്ത കാര്യഗാള്‌നാമ് നാസ മാഡുവ കാര്യഗാള്‌നാമ് ആസെപഡുവാദ്‌നാലെ അയാള് അഡിമുഡി അളിന്ത് പോവാന്.

തീത്തോസു 1:11

അവാര്‌ന നീ മ്‌ണ്ട്യ ബ്‌ഡാദെ. എന്ത്‌ക്കെന്റ് സൊന്ന അവാര് ആള്‌ഗാള്‌ന ഏമാത്തി പണ സമ്പാരിക്ക്യ ബേ്ണ്ടി അവാര് പഡുസുവാദ്‌ക്കല്ലാത്ത കാര്യഗാള്‌ന ആള്‌ഗാള്‌ക്ക് പഡിസി എഞ്ചോ ബീ്ഡ്‌ലവാര്‌നൊട്ടുക്കു നേര്‌മാന ബുദ്ദിനായന നമ്പാത്തവാര് മാഡ്‌ന്റാര്.

ജൂദാന് 1:11

എത്തെന്റ് സൊന്ന, തന്ന് തമ്പി കാണിക്കെ സാമിക്ക് മെച്ച്‌പ്‌ഡിത്ത്‌ദ്, ആന തന്ന് കാണിക്കെ സാമിക്ക് മെച്ച്‌പ്‌ഡിക്കാലെ. അദ്‌നാലെ അയാളോഡ കണ്ണ്‌കഡി ബെത്ത് പാവ ഗേന്ത കയീന്‌ന പാസേമ് സാമിന ബ്‌ഡ പണ ദൊഡ്ഡാദെന്റ് നെനേത്ത് പാവ ഗേന്ത ബിലെയാമ്‌ന പാസേമ് തനാക്ക് സാമി ബെത്ത തലെവാന് മോസെന എദ്‌റ്‌ത്ത് സൊല്ലി കെ്ട്ട് പോന കോരാഗ്‌ന പാസേമ് ഇവാര് അളിന്ത് പോവ പെ്ളേപ്പ് പെ്ളേക്ക്‌ന്റാര്. ഇവാര്‌ക്ക് ബരുവ ആവാത്ത് ദൊഡ്ഡ ആവാത്ത്‌ത്തെ.

2 തിമിത്തോസു 4:10

ദേമാസ് ഈ ഉലഗാത്ത്‌ല് പെ്ളേക്കുവ ദിന്‌സ്‌ല് പെ്ളേക്ക്യ ബേ്ണ്ടി ആസെപട്ടിന്താന്. അദ്‌നാലെത്തെ അയാള് എനാന തള്ളി തെസലോനിക്ക്യാക്ക് പോനാദ്. ക്‌റേസ്‌കേസ് ഗലാത്ത്യാക്ക്‌മ് തീത്തോസു ദല്‌മാത്ത്യാക്ക്‌മ് പോനാന്.

1 തിമിത്തോസു 3:3

അയാള് ഊറബെത്ത മുന്തിരി സാരന മൊത്തനാക്ക് കുഡിക്കാത്തവാന്‌മ്, അഡിന്തഡിഗാറാന്‌മ് ആയ പാങ്കില്ലെ. ആന അയാള് പൊറിമെഗാറാന് ആയിര്‌ക്കുഡൊ. ആള്‌ഗാളോഡ തറ്‌ക്കത്തവാന്‌മ് പണാക്ക് ബേ്ണ്ടി ആസെപാഡ് ഇല്ലത്തവാന്‌മ് ആയിര്‌ക്കുഡൊ.

മത്തായി 23:13

<<ബക്‌തിഗാറാരായി നഡിക്കുവ ബേദബാത്ത്യനാമ്‌ഗാള്‌മ് പരിസാര്‌ഗാള്‌മ് ആയിര്‌ക്ക്‌ന്റവാരെ, നിമാക്ക് എത്ത്‌റ കജട്ട. നിമ്മ ആള്‌ഗാള്‌ന സാമി ആളുവാദ്‌ക്ക് കഡാക്ക്യ ബ്‌ഡുവാദില്ലെ. നിമ്മ സാമി ആള്‌ന്റവാര് ആയ മനേസ്സ് ബെക്കുവാദ്‌മില്ലെ. സാമി ആള്‌ന്റവാര് ആയ ഓരാഡ്‌ന്റവാര്‌ന നിമ്മ അദ്‌ക്ക് ബ്‌ഡുവാദ്‌മില്ലെ.

ആക്കോവു 5:19

ഏസ്സ്‌ഗാറാരെ, നിമ്മ് കൂട്ടാത്ത്‌ല് ഒന്റൊരുത്താന് കുറ്റ ഗേന്ത് സാമിന ബ്‌ട്ട് പ്‌റ്‌ന്ത് പോന അയാള് തിരിഗി സാമിസാരി ബര്യ നിമ്മ കയിതാങ്കുഡൊ.

1 തിമിത്തോസു 6:21

സില ആള്‌ഗാള് ഇത്തവ നായഗാള്‌ന കേ്ട്ട് അദേപാസെ ഗേന്ത് നഡാന്ത് തമാക്ക് സാമ്യോഡിര്‌ക്കുവ നമ്പിക്കേന ബ്‌ട്ട് തള്ള്‌നാര്. സാമി നിമാക്ക് നല്ലാദ് ഗേഡൊ.

ബെ്ളിപട്ട കാര്യ 18:13

ലവാങ്കെ, ഏല, ബാഡെ കോലുഗാള്, മൂരു, തുമ്മ, ഊറബെത്ത മുന്തിരി സാര, എ്ണ്ണെ, നല്ല മാവു, ഗോദിമ്പെ, മാഡ്‌ഗാള്, കൊറ്യാഡ്‌ഗാള്, കുദുറെഗാള്, കുദുറെ ബണ്ടിഗാള്, അഡിമെഗാള് എന്റ് സൊന്ന ഉജുരുള്ള മന്‌സാര്‌ഗാള് എന്നുവാദ്‌ഗാളെല്ലത്തെ അവാര് സാമനഗാള്.

മത്തായി 6:19

<<സിദാല് തിന്നുവാദ്‌മ് തുരുമ്പുപ്‌ഡിക്കുവാദ്‌മ് ത്‌റ്‌ട്ടാര് ഓട്ടെ മാഡി ത്‌റ്‌ഡിമ് എ്ഡ്‌ക്കുവ ഈ ബൂമില് നിമാക്കുള്ള സൊത്തു സേത്തി ബെക്കാദേന്.

മത്തായി 13:22

മുള്ളു ഗുമ്പു പട്ട്‌ക്ക് അലേന്ത ബെദെ അര്‌ത്ത മാഡുവാദ് സാമി സൊല്ലുസുലാക്കന കേ്ട്ട് തങ്കാരിക്ക്‌ന്റവാന്‌നത്തെ. എന്റാല്‌മ് ഈ ഉലഗാത്ത്‌ല് ബരുവ കജട്ടനജട്ടഗാള്‌മ് പണാസേമ് കേ്ട്ട സാമി സൊല്ലുസുലാക്കന നെജിക്കി ഉവഗര ഇല്ലത്താദ് മാഡ്‌ന്റ്.

മര്‌ക്കോസു 4:19

ഈ ഉലഗാത്ത്‌ല് ബരുവ കജട്ടനജട്ടഗാള്‌മ്, പണാസേമ്, ബേ്റെ പല കെ്ട്ട ആസെഗാള്‌മ് സാമി സൊല്ലുസുലാക്കന നെജിക്കി ഇല്ലാദെ മാഡ്‌ന്റ്. അവാര് ഒന്റുക്കുമു ഉവഗരപഡമാട്ടാര്.

കൊലേസ്യഗാറാര് 3:5

അദ്‌നാലെ ബേസ്യാഡി നഡാക്കുവാദ്‌നാമ്, മെലിങ്കി നഡാക്കുവാദ്‌നാമ്, ഗൊഡ്ഡുക്കിക്കി നഡാക്കുവാദ്‌നാമ്, കെ്ട്ട കാര്യഗാള് ഗേയ ആസെപഡുവാദ്‌നാമ്, സെലെന കുമ്മുഡുവ പാസെ പണാക്ക് ബേ്ണ്ടി അളാവുക്കു മീ്റി ആസെപഡുവാദ്‌നാമ് ഇത്തെ നിമ്മ ബൂമില് ഗേവാദ്‌ന ഒട്ടുക്കു ബ്‌ട്ട് തള്ള്‌ന്.

2 തിമിത്തോസു 3:2

അയി കാലാത്ത്‌ല് ആള്‌ഗാള് അവനവാന് കാര്യഗാള്‌ന താനെ നോഡി നഡാക്ക്‌ന്റവാര്‌മ്, പണാക്ക് ബേ്ണ്ടി ആസെപഡ്‌ന്റവാര്‌മ്, ഏസ്സി നഡാക്ക്‌ന്റവാര്‌മ്, പെരിമെനായ സൊല്ലുന്റവാര്‌മ്, സാമിന കുറ്റ സൊല്ലുന്റവാര്‌മ്, അപ്പാനവ്വെ സൊല്ലുപഡിക്ക് നഡാക്കാത്തവാര്‌മ്, നണ്ണില്ലത്തവാര്‌മ്, സാമിന മദ്‌സാത്തവാര്‌മ്,