1 തിമിത്തോസു 5:5 - സാമി സേദി5 ആര്‌മ് കയിതാങ്ക്യ ഇല്ലാത്ത ഒന്റു മ്‌ണ്ടേസി സാമിന നെഞ്ചഡെബെത്ത് കൊണ്ടു സാമി അവാള്‌ന കയിതാങ്ക്യ ബേ്ണ്ടി ഇ്റ്‌ട്ട്‌പഗാല് പരേസി കൊണ്ട്‌റ്ക്കുഡൊ. အခန်းကိုကြည့်ပါ။ |
1 തിമിത്തോസു 5:5
27 ပူးပေါင်းရင်းမြစ်များ
അദ്‌നാലെ പത്ത്‌റോസു അവാരോഡൊപ്പ ഓപ്പാക്ക് പോനാന്. അയാള് അദ്‌ക്ക് എജ്ജ്‌ഗാട്ടി അവാര് അയാള്‌ന മേല്‌മാളിഗേക്ക് കൂട്ടി പോനാര്. അദ്‌ല് ഇന്ത ആള്‌ഗാള്‌ല് മ്‌ണ്ടേസ്യാരെല്ല പത്ത്‌റോസുക്കു സുറ്റീല് നിന്റ് കേ്യ്‌ന്തിന്താര്. തവീദ പെ്ളേത്ത് ഇര്‌ക്കാട്ടി മാഡ്‌ന കമ്‌സ്‌ഗാള്‌നാമ് മേല് ഇക്കുവ കോട്ടുഗാള്‌നാമ് പത്ത്‌റോസുക്കു കാട്ട്‌നാര്.
പെ്ണ്ട് കാര്യാമ് ആണ്ടവാന് കാര്യാമ് അയാള്‌ന ആങ്കീങ്ക് ഗ്‌ണ്ണഗ്‌ണ്ണ മാഡി ബലേക്ക്‌ന്റ്. അദേപാസെ ആളാന് സേന്തവാള്‌മ് ആളാന് സേരാത്തവാള്‌മ് റാഡ് ദിന്‌സ്‌ല് ഇര്‌ക്ക്‌ന്റവാര്‌ത്തെ. ആളാന് സേരാത്തവാള് സരിഗലാത്ത്‌ല്‌മ് നിഗാല്‌ല്‌മ് സുത്താപ്പോഡ ഇര്‌ക്ക്യ ബേ്ണ്ടി ആണ്ടവാന്‌ക്ക് ഗേവ കാര്യഗാള്‌ന പറ്റി നെനേക്ക്‌ന്റാള്. ആന ആളാന് സേന്തവാള് ആളാന്‌ന എത്തെ പിര്യപഡ്‌സുഡൊ എന്റ് നെനേത്ത് ഈ ഉലഗാത്ത്‌ലിര്‌ക്കുവ കാര്യഗാള്‌ന പറ്റി നെനേക്ക്‌ന്റാള്.
അദ്‌താനേമല്ല, സാമിനിഗാല് നിമാക്ക് തരുവ നെനേവുഗാള്‌ന താനെ മനേസ്സ്‌ല് ബെത്ത് കൊണ്ടു എല്ലാ കാര്യഗാള്‌ക്ക്‌മ് ബേ്ണ്ടി ഏദ് നേരാമ് പരേസികൊണ്ടു ഇര്‌ക്കുഡൊ. ഉലഗാത്ത്‌ല് നഡാക്കുവ എല്ലാ കാര്യഗാള്‌നാമ് നോഡികൊണ്ടു ക്‌റ്‌സ്‌ത്ത്‌ന നമ്പി പെ്ളേക്ക്‌ന്റവാര്‌ക്ക് ഒട്ടുക്കുമു ബേ്ണ്ടി എന്നാല്‌ക്ക്‌മ് പരേസികൊണ്ടു ഇര്‌ന്.
ഏസ്സ്‌ന നമ്പുവ ഒന്റൊരുത്തിക്ക് തന്ന് കുഡുമാക്ക് പട്ട മ്‌ണ്ടേസ്യാര്‌ഗാള് ഇന്തദാന അവാള് താനെ അയി മ്‌ണ്ടേസ്യാര്‌ക്ക് ബേ്ഡ്‌മാന കാര്യഗാള്‌ന ഗേന്ത് കൊഡുക്കുഡൊ. അവാര് കാര്യന നോഡ്യ ഏസ്സ്‌ഗാറാര് കൂട്ടാക്ക് സൊല്ലുവാദ് സെര്യല്ല. അത്തെ ഗേന്തദാന ആര്‌മ് കയിതാങ്ക്യ ഇല്ലാത്ത മ്‌ണ്ടേസ്യാര്‌ന ഏസ്സ്‌ഗാറാര് കൂട്ടാക്ക് നോഡ്യ മുഡിമ്.
ကြော်ငြာတွေ