1 തിമിത്തോസു 5:17 - സാമി സേദി17 ഏസ്സ്ഗാറാര് കൂട്ടന നലമായി നോഡിനഡാത്തുവ മൂപ്പനാമ്ഗാള്ന, മുക്ക്യമായി സാമി സൊല്ലുന പഡിസ്യ ബേ്ണ്ടിമ് സൊല്ലി കൊഡുക്ക്യ ബേ്ണ്ടിമ് പാഡ്പഡുവ മൂപ്പനാമ്ഗാള്ന മദിസ്യ ബേ്ണ്ടി അവാര്ക്ക് അളാവുക്കു മീ്റി കൂലി കൊഡുക്കുഡൊ. အခန်းကိုကြည့်ပါ။ |
അവാര്ക്ക് അത്തെ ഗേയ മനേസ്സ് ബന്താദ് താനേമല്ല, അവാര് അത്തെ ഗേയ കഡാമെ പട്ടവാര്മ്ത്തെ. എന്ത്ക്കെന്റ് സൊന്ന എഗുദാരല്ലാത്ത ജാദിഗാള് എഗുദാര്ക്ക് കെ്ഡേത്ത സാമി ബാക്ക്വരഗാള്ക്ക് പങ്ക്ഗാറാര് ആനാദ്നാലെ അവാര് ഈ ലോഗാത്ത്ല് തമാക്കിര്ക്കുവ സൊത്തുസുഗാത്ത്ലിന്ത് എഗുദാര്ക്ക് പങ്ക് കൊഡുക്ക്യ കഡാമെ പട്ടവാര്ത്തെ.
എനാക്ക് തൊണെ ഇര്ക്കുവ എന്ന് പൊന്നാ, ഈ പെ്ണ്ണ്മക്കാള്ന നീ കയിതാങ്കുഡൊ എന്റ് നിനാക്ക് നാന് സൊന്റെ. എന്ത്ക്കെന്റ് സൊന്ന ഈ പെ്ണ്ണ്മക്കാള് നല്ല സേദിന സൊല്ല്യ ബേ്ണ്ടി എന്നോഡൊപ്പ മ്ഗ്ന്ത പാഡ്പട്ട്റ്ന്റാര്. ക്ളിമെന്റോഡാമ് എന്നോഡ ഗിലാസ ഗേന്ത ബേ്റെ ആള്ഗാളോഡാമ് ഈ പെ്ണ്ണ്മക്കാള് ഗിലാസ ഗേന്ത്റ്ന്റാര്. എന്നാല്ക്ക്മ് പെ്ളേക്ക്ന്റവാര് പേര് എ്ള്ദിര്ക്കുവ ബൊക്കുലു ഇവാര് പേര്ഗാള്നൊട്ടുക്കു സാമി സേത്തിര്ക്ക്ന്റാന്.
നിമാന നോഡി നഡാക്ക്ന്റവാര് സൊല്ലുവാദ്ന കേ്ട്ട് അവാര്ക്ക് കെ്ട്ട്പട്ട് ഇര്ന്. നിമാന പറ്റ്യുള്ള കണാക്ക് അവാര് സാമിക്ക് കൊഡുക്കുഡൊ. അദ്നാലെ നിമാന അവാര് സൊക്കാന പാദ്ഗാത്ത് ബെത്ത്റ്ന്റാര്. അവാര് സൊല്ലുവാദ്ന കേ്ട്ട് അദേപാസെ നഡാക്കുവാദാന അവാര് പിര്യപിര്യാത്തോഡ തമ്മ് ഗിലാസ ഗേവാര്. ഇല്ലാദെ പോന അവാര് സങ്കഡത്തോഡ തമ്മ് ഗിലാസാന ഗേവാര്. അദ് നിമാക്ക് ഒന്റു ഉവഗരാമ് ആഗമാട്ട.