ആന നിമ്മ നിമാന താനെ സൂസാരിക്കുഡൊ. അവാര് നിമാന പ്‌ഡിത്ത് എഗുദാര് കോഡിദിക്ക് എ്ഡ്‌ത്ത് പോവാര്. അവാര് എഗുദാര് പരേസുവ ബീ്ഡ്‌ക്ക്‌റാഗ ബെത്ത് നിമാന സാട്ടെവാര്‌ല് അഡിക്കുവാര്. എന്ന് പേര്‌ന സൊല്ലി അവാര് നിമാന നാഡ് തലെവാര്‌ഗാള് പട്ട്‌ക്ക്‌മ് രാജാവുഗാള് പട്ട്‌ക്ക്‌മ് എ്ഡ്‌ത്ത് പോയി നില്ല്‌സുവാര്. അദുക്കുള നിമ്മ എനാന പറ്റി അവാര്‌ക്ക് സൊല്ലുവുറു.
1 തിമിത്തോസു 4:16 - സാമി സേദി16 നിന്ന് പെ്ളേപ്പ്‌ല്‌മ് നീ പഡുസുവ കാര്യഗാള്‌ല്‌മ് നീ കാര്യഗാറാന് ആയിര്‌ക്കുഡൊ. നാന് നിനാക്ക് സൊന്ന കാര്യഗാള്‌നെല്ല നീ ഗേന്ത്‌കൊണ്ടേ ഇര്‌ക്കുഡൊ. അത്തെ ഗേന്തദാന നിനാനാമ് നീ പഡുസുവാദ്‌ന കേ്ള്‌ക്ക്‌ന്റവാര്‌നാമ് സാമി കാപാറ്റുവാന്. အခန်းကိုကြည့်ပါ။ |
1 തിമിത്തോസു 4:16
38 ပူးပေါင်းရင်းမြစ်များ
അദ്‌നാലെ നിമ്മ ഇന്നി അറ്യാത്ത മക്കാള്‌ഗാള്‌ന പാസെ പെ്ളേക്കദേന്. കാറ്റഡിക്കാട്ടി ഒന്റു കട്ടെ ആങ്കീങ്ക് ആഡുവ പാസെ ഈ ഉലഗാത്ത്‌ല കാര്യഗാള്‌ക്ക് ബേ്ണ്ടിമ് സാമികാര്യഗാള്‌ക്ക് ബേ്ണ്ടിമ് നിമ്മ മനേസ്സ് ബെത്ത് നഡാക്ക്യ പാങ്കില്ലെ. അത്തെ പെ്ളേത്തദാന മന്‌സാന് ഏമാത്തുവ നായഗാള്‌ക്ക്‌മ് തന്ത്‌റഗാള്‌ക്ക്‌മ് സിക്ക്‌ല.
സാമി ദെ്ണ്ടിക്കുവ ദെ്ണ്ടണേലിന്ത് തപ്പിസി കഡാക്ക്യ ബേ്ണ്ടി എഗുദാരല്ലാത്ത ജാദിഗാള്‌ക്ക് എമ്മ സൊല്ലുവ നായന തഡ്‌ക്ക്‌ന്റവാര്‌മ്‌ത്തെ അവാര്. അത്തെ അവാര് ഗേന്ത് കൊണ്ട്‌റ്‌ക്കുവ പാവഗാള് കൂട്ടാക്ക് പിന്നേമ് പാവഗാള് ഗേന്ത് സേത്തി കൊണ്ട്‌റ്ക്ക്‌ന്റാര്. ആന സാമിക്ക് അവാരോഡ ഇര്‌ക്കുവ മൊനേന തീര്‌ക്കുവ കഡേസി നാള് ബന്ത്‌റ്‌ക്ക്‌ന്റ്.
അയാള് ഏസ്സ്‌ന പറ്റി പഡിത്ത്‌റ്‌ക്കുവ ബുദ്ദിനായന താന് പഡിത്ത്‌റ്‌ക്കുവ പാസെ താനെ ഒറേപ്പായി നമ്പി നഡാക്കുഡൊ. അയി ബുദ്ദിനായഗാള് നമ്പ്യ മുഡിവ ബുദ്ദിനായത്തെ. അത്തെ ആള്‌ഗാള്‌ക്ക് നേര് എന്തെന്റ് പഡിസി കൊഡുക്ക്യാമ് അവാര്‌ന ദയിരപഡിസ്യാമ് അയാള്‌ക്ക് മുഡിമ്. അദോഡൊപ്പ ഈ നായാക്ക് മുട്ടി നോഡ്യ ബന്റവാര്‌ക്ക് ബന്ത്‌റ്‌ക്കുവ തപ്പ് എന്തെന്റ് സൊല്ലി കൊഡുക്ക്യാമ് മുഡിമ്.
നിമാക്ക് തെര്യാത്ത പല ദിന്‌സ്‌ല ബുദ്ദി നായഗാള്‌ന നിമാക്ക് സൊല്ലി നേരാന കാര്യാത്ത്‌ലിന്ത് നിമാന ഏമാത്ത്യ ആര്‌നാമ് ബ്‌ഡാദേന്. തീനി തിന്നുവ കാര്യഗാള്‌ന പറ്റി സൊല്ലിര്‌ക്കുവ സട്ടപഡി നഡാക്കാദേന്. അത്തെ നഡാക്ക്‌ന്റവാര്‌ക്ക് അദ് ഒന്റുക്കുമു ഉവഗരപഡുവാദ്‌മില്ലെ. അദ്‌നാലെ സാമി പ്‌ണ്ണ്യാത്ത്‌ല് നിമ്മ് മനേസ്സ്‌ന ബിലപഡ്‌സ്‌ന്.
ကြော်ငြာတွေ