1 തിമിത്തോസു 4:12 - സാമി സേദി12 നീ ബീ്ണാനായി ഇര്‌ക്കുവാദ്‌നാലെ നീ പഡുസുവ കാര്യഗാള്‌ന നെനേത്ത് ആര്‌മ് നിനാന മദ്‌സാദിര്‌ക്ക്യ പാങ്കില്ലെ. എത്തെ നായ നൊഡിഡൊ, എത്തെ ആള്‌ഗാളോഡ നഡാന്ത്‌പ്‌ഡിത്ത് ഗേഡൊ, എത്തെ സീവാന്‌ബെത്ത് നഡാക്കുഡൊ, എത്തെ ക്‌റ്‌സ്‌ത്ത്‌ന നമ്പുഡൊ, എത്തെ പാവ ഗേഗാദെ പെ്ളേക്കുഡൊ എന്റെല്ല നീ താനെ ഏസ്സ്‌ഗാറാര്‌ക്ക് കാട്ടി കൊഡുക്കുഡൊ. အခန်းကိုကြည့်ပါ။ |
1 തിമിത്തോസു 4:12
19 ပူးပေါင်းရင်းမြစ်များ
കഡേസില്, ഏസ്സ്‌ഗാറാരെ, നാന് ഒന്റു കാര്യ ഗുഡി നിമാക്ക് സൊന്റെ. നിമ്മ സത്ത്യമാന കാര്യഗാള്‌ന പറ്റിമ്, എല്ലാവാര്‌മ് നല്ലാദെന്റ് സൊല്ലുവ കാര്യഗാള്‌ന പറ്റിമ്, ആര്‌മ് കുറ്റ സൊല്ലാത്ത കാര്യഗാള്‌ന പറ്റിമ്, എല്ലാവാര്‌ക്ക്‌മ് മെച്ച്‌പ്‌ഡിത്ത കാര്യഗാള്‌ന പറ്റിമ്, എല്ലാവാര്‌മ് പെരിമെപഡുവ കാര്യഗാള്‌ന പറ്റിമ്‌ത്തെ നെനേക്കുഡൊ.
നമ്മ് ആണ്ടവാന് എന്നാല്‌ക്ക്‌മ് എനാന അളാവുക്കു മീ്റി ഗവപഡ്‌ന്റാന്. അദേപാസെ അളാവുക്കു മീ്റി എന്നോഡ സീവാന്‌മ് ബെത്ത്‌റ്‌ന്റാന്. അത്തെ തനാന നമ്പ്യാമ്, അഡ്‌ത്തവാരോഡ സീവാന്‌ബെത്ത് നഡാക്ക്യാമ് എനാന കയിതാങ്ക്‌ന്റാന്. ഇദൊട്ടുക്കു നമാക്ക് കെ്ഡേത്താദ് എത്തെന്റ് സൊന്നദാന, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെത്തെ കെ്ഡേത്താദ്.
ആന സാമിലിന്ത് കെ്ഡേക്കുവ അറുവു കവാഡില്ലാത്താദ്‌ത്തെ. അയി അറുവിര്‌ക്ക്‌ന്റവാര് അഡ്‌ത്തവാരോഡ സീവാന്‌ബെത്ത് നിമ്മ്‌ദ്യോഡ ഇര്‌ക്കുവാര്, അഡ്‌ത്തവാന് മനേസ്സ്‌ലിര്‌ക്കുവാദ്‌ന തെരിന്ത് തണിന്ത് കൊഡുത്തു പെ്ളേക്കുവാര്, അവാര് മനേസ്സാറ ഗവപട്ട് അഡ്‌ത്തവാര്‌ക്ക് നല്ലാദ് ഗേവാര്, അവാര് ദൊഡ്ഡവാര് സ്‌ന്നവാര് എന്റ് പ്‌റ്‌ത്ത് നോഡമാട്ടാര്. അവാര് ബക്‌തിഗാറാരെന്റ് നഡിക്കമാട്ടാര്.
ကြော်ငြာတွေ