1 തിമിത്തോസു 4:11 - സാമി സേദി

¹¹ ഈ കാര്യഗാള്‌നെല്ല നീ അവാര്‌ക്ക് പഡിസി കൊഡുത്തു അദ്‌ന അദേപാസെ ഗേയ അവാര്‌ക്ക് കല്‌പനേമ് കൊഡുക്കുഡൊ.

1 തിമിത്തോസു 4:11 ပူးပေါင်းရင်းမြစ်များ

1 തിമിത്തോസു 5:7

ആര്‌മ് കുറ്റ സൊല്ലാത്ത ദിന്‌സ്‌ല് ഏസ്സ്‌ഗാറാര് പെ്ളേക്ക്യ ബേ്ണ്ടി ഈ കാര്യഗാള്‌നെല്ല ഗുഡി നീ അവാര്‌ക്ക് സൊല്ലുഡൊ.

1 തിമിത്തോസു 6:2

ഏദാറ്റ പണ്ണ്യഗിലാസ ഗേവ ഏസ്സ്‌ഗാറാന്‌ക്ക് ഏസ്സ്‌ഗാറാനായിര്‌ക്കുവ പണ്ണാഡി ഇന്തദാന നമ്മെല്ല ഏസ്സ്‌ഗാറാര്‌ത്തെന്റ് സൊല്ലി പണ്ണാഡി സൊല്ലുപഡിക്ക് നഡാക്കാദിര്‌ക്കാദേന്. അദ്‌ക്ക് ബദ്‌ല താന് ഗിലാസ ഗേവാദ്‌ക്കുള്ള ഉവഗര ഏസ്സ്‌ഗാറാനായിര്‌ക്കുവ തന്ന് പണ്ണാഡിക്ക് കെ്ഡേക്കുവാദ്‌നാലേമ് അയി പണ്ണാഡി തനാക്ക് മെച്ച്‌പ്‌ഡിത്തവാന് ആയിര്‌ക്കുവാദ്‌നാലേമ് അയാള്‌ക്ക് ബേ്ണ്ടി നലമായി ഗിലാസ ഗേഡൊ. ഈ കാര്യഗാള്‌ന നീ അവാര്‌ക്ക് കണ്ടിപ്പായി പഡിസിമ് കൊഡുക്കുഡൊ, സൊല്ലിമ് കൊഡുക്കുഡൊ.

2 തിമിത്തോസു 4:2

ആള്‌ഗാള്‌ക്ക് സാമി സൊല്ലുസുലാക്കന സൊല്ലി കൊഡുക്കുഡൊ. ഏദ് നേരാമ് ആള്‌ഗാള്‌ക്ക് നീ സാമി സൊല്ലുസുലാക്കന സൊല്ലി കൊഡുക്ക്യ ഒരുക്കത്തോഡ ഇര്‌ക്കുഡൊ. നീ പഡ്‌സ്‌ഗാട്ടി മ്‌ഗ്‌ന്ത പൊറിമോഡ ആള്‌ഗാള് ഗേവ കുറ്റഗാള്‌ന കാട്ടി കൊഡുക്കുഡൊ, ആള്‌ഗാള്‌ന നൊഡിഡൊ, ആള്‌ഗാള്‌ന ദയിരാമ് പഡുസുഡൊ.

തീത്തോസു 2:15

ഈ കാര്യഗാള്‌ന നീ പഡിസി കൊഡുക്കുഡൊ. എല്ലാ അദിഗരത്തോഡ അവാര്‌ന ദയിരപഡുസുഡൊ, എല്ലാ അദിഗരത്തോഡ അവാര്‌ന നൊഡിഡൊ. നിനാന ബെലെ ഇല്ലത്തവാനായി കാണ്യ ആര്‌നാമ് ബ്‌ഡാദെ.

തീത്തോസു 3:8

നാന് സൊന്ന ഈ കാര്യഗാളെല്ല നേര്‌മ് നമ്പ്യ മുഡിവാദ്‌മ്‌ത്തെ. അദ്‌നാലെ ഈ കാര്യഗാള്‌നെല്ല കണ്ടിപ്പായി ആള്‌ഗാള്‌ക്ക് പഡുസുഡൊ എന്റ് നാന് ആസെപഡ്‌ന്റെ. അത്ത്യാന സാമിന നമ്പിര്‌ക്കുവ ആള്‌ഗാള് നല്ല കാര്യഗാള് ഗേയ ബേ്ണ്ടി നല്ല ഓരാഡുവാര്. ഈ കാര്യഗാള് നല്ലാദ്‌മ് എല്ലാ ആള്‌ഗാള്‌ക്ക്‌മ് ഉവഗരപഡുവാദ്‌മ്‌ത്തെ.