1 തിമിത്തോസു 3:5 - സാമി സേദി

⁵ തന്ന് ബീ്ഡ്‌കാഡ് കാര്യന നോഡി നഡാത്ത്യ മുഡ്യാത്തവാന്‌ക്ക് ഏസ്സ്‌ഗാറാര് കൂട്ടന എത്തെ നോഡി നഡാത്ത്യ മുഡിമ്?

1 തിമിത്തോസു 3:5 ပူးပေါင်းရင်းမြစ်များ

അപ്പോസുത്തലാര് 20:28

നിമ്മ നിമാന താനേമ് സൂസാരിത്ത് സാമിനിഗാല് നോഡി നഡാത്ത്യ ബേ്ണ്ടി നിമാക്ക് തന്ത്‌റ്‌ക്കുവ ആള്‌ഗാള്‌നാമ് നിമ്മ പാദ്‌ഗാക്കുഡൊ. ആഡ്‌മേസ്‌ന്റവാന് തന്ന് ആഡ്‌ഗാള്‌ന നോഡുവ പാസെ സാമി തന്ന് സൊന്തമഗാന് ഉജുരുന കൊഡുത്തു ബാങ്കിര്‌ക്കുവ ഏസ്സ്‌ഗാറാര് കൂട്ടന നിമ്മ നോഡി നഡാത്തുഡൊ.

1 കൊരിന്ത്യഗാറാര് 10:32

എഗുദാര്‌ക്കൊ എവനഗാറാര്‌ക്കൊ സാമിഗാറാര് കൂട്ടാക്കൊ തൊന്തറെ ബര്‌സ്സാത്ത ദിന്‌സ്‌ല് നിമ്മ പെ്ളേക്ക്‌ന്റവാര് ആയിര്‌ന്.

എപസോസുഗാറാര് 1:22

സാമിപ്‌ള്ളെഗാള് എന്നുവ ഉരിമെ കെ്ഡേസിര്‌ക്കുവ ഏസ്സ്‌ഗാറാര് കൂട്ടാത്ത്‌ലവാര്‌ക്ക് ഒട്ടുക്കു ക്‌റ്‌സ്‌ത്ത്‌ന തലെവാന് മാഡി ബാക്കി എല്ലാ അദിഗരനാമ് സാമി ക്‌റ്‌സ്‌ത്ത് കാല്‌കഡി മാഡിബെത്താന്.

എപസോസുഗാറാര് 5:24

അദ്‌നാലെ ഏസ്സ്‌ഗാറാര് കൂട്ടാത്ത്‌ലവാര് എല്ലാ കാര്യഗാള്‌ല്‌മ് തമ്മ് തലെവാനായിര്‌ക്കുവ ക്‌റ്‌സ്‌ത്ത്‌ക്ക് കെ്ട്ട്‌പട്ട് നഡാക്കുവ പാസെ പെ്ണ്ടച്ച്യാമ് തമ്മ് ആളനച്ചനാമ്‌ക്ക് കെ്ട്ട്‌പട്ട് നഡാക്കുഡൊ.

എപസോസുഗാറാര് 5:32

നാന് സൊല്ലി ബരുവാദ് ക്‌റ്‌സ്‌ത്ത്‌ന പറ്റിമ് ഏസ്സ്‌ഗാറാര് കൂട്ടന പറ്റിമ്‌ത്തെ. അദ്‌നാലെ ഈ സൊല്ലുസുലാക്കാത്ത്‌ല് സൊല്ലിര്‌ക്കുവ ഉറാവുന പറ്റി ഇന്നമാട്ട്‌ക്ക് ആര്‌ക്ക്‌മ് സൊക്കാന തെര്യാലെ.