1 തിമിത്തോസു 3:13 - സാമി സേദി

¹³ ഇത്തെ ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ന കയി താങ്ക്‌ന്റവാര് നലമായി തമ്മ് ഗിലാസാന ഗേവദാന അവാര്‌ക്ക് നല്ല മദ്‌പ്പ്‌മ് കെ്ഡേക്ക്‌മ്. ക്‌റ്‌സ്‌ത്ത് ഏസ്സോഡിര്‌ക്കുവ നമ്പിക്കേന ദയിരത്തോഡ അഡ്‌ത്തവാര്‌ക്ക് സൊല്ലി കൊഡുക്ക്യാമ് അവാര്‌ക്ക് മുഡിമ്.

1 തിമിത്തോസു 3:13 ပူးပေါင်းရင်းမြစ်များ

മത്തായി 20:28

മന്‌സാനായി പ്‌റാന്തവാന് ബന്താദ് ആള്‌ഗാള് തനാന നോഡ്യമാഡ്യല്ല, ആള്‌ഗാള്‌ന നോഡ്യമാഡ്യാമ് എഞ്ചോ ആള്‌ഗാള് ഉജുരുന കെ്ഡേസ്യ ബേ്ണ്ടി തന്ന് ഉജുരുന കൊഡുക്ക്യ ബേ്ണ്ടിമ്‌ത്തെ ബന്താദ്. നിമ്മാമ് അദേപാസെത്തെ ആയിര്‌ക്കുഡൊ>> എന്റ് സൊന്നാന്.

മത്തായി 25:21

അദുക്കുള പണ്ണാഡി: <അ, നല്ലവാന്‌മ് നമ്പ്യ മുഡിന്റവാന്‌മാന ഗിലാസഗാറാ, നീ നലമായി ഗേന്ത്‌റ്‌ന്റായി. നീ സ്‌ന്ന കാര്യാത്ത്‌ല് ഗുഡി നമ്പ്യ മുഡിന്റവാന് ആയിര്‌ക്കുവാദ്‌നാലെ എഞ്ചോ കാര്യഗാള്‌ന നോഡി നഡാത്ത്യ നാന് നിനാന ബെക്കുവെ. ബന്ത് നിന്ന് പണ്ണാഡ്യാന എന്നൊപ്പ എജേന്ത് പിര്യപൊങ്കു> എന്റ് സൊന്നാന്.

ലൂക്കോസു 19:17

അയാള് അയി ഗിലാസഗാറാന്‌ക്ക്: <അ, നല്ല ഗിലാസഗാറ, നീ നലമായി ഗേന്ത്‌റ്‌ന്റായി. നീ സ്‌ന്ന കാര്യാത്ത്‌ല് ഗുഡി നമ്പ്യ മുഡിന്റവാന് ആയിര്‌ക്കുവാദ്‌നാലെ നീ പത്ത് പട്ടണഗാള്‌ക്ക് തലെവാനായിര്> എന്റ് സൊന്നാന്.

അപ്പോസുത്തലാര് 21:35

പട്ടളഗാറാര് പവുലോസോഡ പട്ടളഗാറാര് തങ്കുവ കോട്ടെ മെ്ട്ട്‌പഡിഗേക്ക് അര്‌ഗെ എജ്ജ്‌സ്‌നാര്. ജനഗാള് മൊനേക്ക് തെ്ട്ടി ബെ്റെബെ്റേത്താദെ ഇന്താര്. അദ്‌നാലെ പട്ടളഗാറാര് പവുലോസുന തൂക്കി എ്ഡ്‌ത്ത് കൊണ്ടു പോനാര്.

അപ്പോസുത്തലാര് 6:15

കോഡിദിക്ക് കൂഡിന്തവാര് ഒട്ടുക്കു തെപാനോസുന സൊക്കാന നോഡുനാര്. അദുക്കുള അയാള് മൂഞ്ചി ഒന്റു ദൂദാന് മൂഞ്ചിന പാസെ ആയിര്‌ക്കുവാദ്‌ന അവാര് കണ്ടാര്.

അപ്പോസുത്തലാര് 6:5

അപ്പോസുത്തലാര് സൊന്നാദ്‌ന ആള്‌ഗാള് ഒട്ടുക്കു സെരി എന്റാര്. നല്ല നമ്പിക്കേമ്, സാമിനിഗാല്‌മ് ഇര്‌ക്കുവ തെപാനോസുനാമ്, പീലിപോസു, പ്‌റ്‌ഗറോസു, നിക്കാനോറു, തീമോനു, പറ്‌മ്മെനാസ്, എഗുദ മദാക്ക് എ്ണേന്തിന്ത അന്തോക്ക്യഗാറാന് നിക്കൊലാവോസു എന്നുവ ആള്‌ഗാള്‌നാമ് അയി ഗിലാസാക്ക് അവാര് തെരിന്തെ്ഡ്‌ത്താര്.

അപ്പോസുത്തലാര് 6:8

സാമിലിന്ത് തെപാനോസുക്കു മൊത്തന ബാക്ക്‌വരഗാള്‌മ് സക്‌തിമ് കെ്ഡേത്ത്‌ദ്. അയാള് ആള്‌ഗാള് പട്ട്‌ല് ദൊഡ്ഡുദൊഡ്ഡ അഡ്യാളഗാള്‌മ്, അദിസ്യഗാള്‌മ് ഗേന്താന്.

1 കൊരിന്ത്യഗാറാര് 16:15

ഏസ്സ്‌ഗാറാരെ, തേപാനോസുമു അയാള് ബീ്ഡ്‌ഗാറാര്‌മ് അഗായ നാഡ്‌ല് ബെത്ത് മുദാല് ഏസ്സ്‌ന നമ്പ്‌നവാര്‌ത്തെ. സാമിക്ക് പട്ടവാര് കാര്യഗാള് നോഡ്യ ബേ്ണ്ടി അവാര് തമാന താനെ ഒപ്പിസി കൊഡുത്ത്‌റ്ന്റവാര്‌മ്‌ത്തെ. ഇദെല്ല നിമാക്ക് തെരിമല്ല.

പിലിപ്പ്യഗാറാര് 1:14

അദ്‌താനേമല്ല, നാന് ജെയില്‌ല് ഇര്‌ക്കുവാദ്‌നാലെ ഏസ്സ്‌ഗാറാര് ആയിര്‌ക്കുവ എഞ്ചോ ആള്‌ഗാള്‌ന ആണ്ടവാന് ദയിരപഡിസി അത്തെ അവാര് അഞ്ചിക്കില്ലാദെ സാമി സൊല്ലുസുലാക്കാന സൊല്ലിമിര്‌ക്ക്‌ന്റാര്.

1 തെസെലോനിക്ക്യഗാറാര് 2:2

എമ്മ നിമ്മ് പട്ട്‌ക്ക് സാമി ഗിലാസാന ഗേയ ബരുവാദ്‌ക്ക് മുദാല് പിലിപ്യ പട്ടണാത്ത്‌ല് ഗേന്ത ഗിലാസഗാള്‌നാമ് എമ്മ പട്ട കജട്ടഗാള്‌നാമ് മാനകേ്ഡ്‌നാമ് പറ്റി നിമ്മ കേ്ട്ട്‌റ്‌ക്ക്‌ന്റ്‌റല്ല. അയി കജട്ടഗാള്‌ല് എമ്മ സോറ്റു പോഗാദിര്‌ക്ക്യ സാമി സക്‌തി തന്താദ്‌നാലെത്തെ എമ്മ നിമ്മ് പട്ടണാത്ത്‌ല് ബന്ത് അയി സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ എമാക്ക് ദയിര കെ്ഡേത്താദ്.

1 തിമിത്തോസു 3:14

നിന്ന് പട്ട്‌ക്ക് സട്ടന ബര്യ നാന് ആസെപഡ്‌ന്റെ. ആന നാന് ബര്യ നാളാനദാന നീ എന്തെല്ല തെരിന്ത്‌റ്‌ക്കുഡൊ എന്നുവ കാര്യഗാള്‌ന നാന് നിനാക്ക് എ്ള്‌ദ്‌ന്റെ. അത്തെ അയി കാര്യഗാള്‌ന തെരിന്തദാന ഉജുരുള്ള സാമിബീ്ഡായിര്‌ക്കുവ ഏസ്സ്‌ഗാറാര് കൂട്ടാത്ത്‌ല ആള്‌ഗാള് എത്തെ പെ്ളേക്കുഡൊ എന്റ്‌മ് നിനാക്ക് തെരിമ്. ഒറേപ്പുള്ള തറേമ് കമ്പ്‌മ് ഒന്റു ബീ്ഡ്‌ന ഒറേപ്പ് മാഡി നില്ല്‌സുവ പാസെ തറേമ് മൂലെകല്ല്‌മ് ആയിര്‌ക്കുവ ഏസ്സ്‌ഗാറാര് കൂട്ട സത്ത്യാന ഒറേപ്പ് മാഡി നില്ല്‌സ്‌ന്റാര്.

2 തിമിത്തോസു 2:1

അദ്‌നാലെ എനാക്ക് മഗാനായിര്‌ക്കുവ തിമിത്തോസെ, ക്‌റ്‌സ്‌ത്ത് ഏസ്സ് പ്‌ണ്ണ്യാത്ത്‌ല് നീ ബിലപട്ടവാനായി ഇര്.

എവുറായാര് 6:10

നിമ്മ ഗേന്ത കാര്യഗാള്‌നാമ് സാമ്യോഡ നിമ്മ ബെത്ത സീവാന്‌നാമ് മറാന്ത് തള്ള്യ സാമി നേര്‌മല്ലത്തവാന് അല്ല. സാമ്യോഡ സീവാന്‌ബെത്താദ്‌നാലെ സാമിക്ക് പട്ടവാര്‌ന നിമ്മ കയി താങ്കിര്‌ക്ക്‌ന്റ്‌റ്. ഇന്നാല്‌മ് അവാര്‌ന കയിതാങ്കി കൊണ്ടു ഇര്‌ക്ക്‌ന്റ്‌റ്.