1 തിമിത്തോസു 3:1 - സാമി സേദി

¹ ഇത്തെ ഒന്റു സൊല്ലു ഇര്‌ക്ക്‌ന്റ്: <<ഒന്റൊരുത്താന് ഏസ്സ്‌ഗാറാര് കൂട്ടാക്ക് മൂപ്പാനായ ആസെപഡുവദാന ദൊഡ്ഡൊന്റു ഗിലാസ ഗേയാത്തെ ആസെപഡ്‌ന്റാന്.>> ഈ സൊല്ലു നേര്‌മ് നമ്പ്യ മുഡിവാദ്‌മ്‌ത്തെ.

1 തിമിത്തോസു 3:1 ပူးပေါင်းရင်းမြစ်များ

ലൂക്കോസു 15:10

അദേപാസെത്തെ പാവ ഗേവാദ്‌ന തെ്റിന്ത് തള്ളി സാമിസാരി തിര്‌ഗുവ ഒന്റു പാവ ഗേന്റവാന്‌ന നെനേത്ത് സാമിദൂദാര് പട്ട്‌ല് പിര്യപൊങ്കുവാര് എന്റ് നാന് നിമാക്ക് സൊന്റെ.>>

അപ്പോസുത്തലാര് 1:20

<<സാമി പാട്ട് ബൊക്കുലു, <അയാള് ബീ്ഡ് ഒന്റുമില്ലാദായി തള്ളുഡൊ. അയാള് ബീ്ഡ്‌ല് ആര്‌മ് ഇര്‌ക്കാദിര്‌ക്കുഡൊ.> എന്റ്‌മ് <അയാള്‌ക്ക് ഇന്ത പദാവിപട്ടന ബേ്റെ ആള്‌ക്ക് കൊഡുക്കുഡൊ> എന്റ്‌മ് എ്ള്‌ദിര്‌ക്ക്‌ന്റ്.

അപ്പോസുത്തലാര് 20:28

നിമ്മ നിമാന താനേമ് സൂസാരിത്ത് സാമിനിഗാല് നോഡി നഡാത്ത്യ ബേ്ണ്ടി നിമാക്ക് തന്ത്‌റ്‌ക്കുവ ആള്‌ഗാള്‌നാമ് നിമ്മ പാദ്‌ഗാക്കുഡൊ. ആഡ്‌മേസ്‌ന്റവാന് തന്ന് ആഡ്‌ഗാള്‌ന നോഡുവ പാസെ സാമി തന്ന് സൊന്തമഗാന് ഉജുരുന കൊഡുത്തു ബാങ്കിര്‌ക്കുവ ഏസ്സ്‌ഗാറാര് കൂട്ടന നിമ്മ നോഡി നഡാത്തുഡൊ.

റോമഗാറാര് 11:13

ആന എഗുദാരല്ലാത്ത ജാദിഗാളായിര്‌ക്കുവ നിമാക്ക് ഇന്നാല് ഇത്തെ സൊന്റെ. നിമാക്ക് അപ്പോസുത്തലാനായി ഗിലാസ ഗേവാദ്‌ന പറ്റി നാന് പെരിമെപഡ്‌ന്റെ.

പിലിപ്പ്യഗാറാര് 1:1

ക്‌റ്‌സ്‌ത്ത് ഏസ്സ്‌ന നമ്പി സാമിക്ക് പട്ടവാരായിര്‌ക്കുവ പിലിപ്യ എന്നുവ പട്ടണാത്ത്‌ല നിമാക്കൊട്ടുക്കുമു നിമ്മ് കൂട്ടാത്ത്‌ല മൂപ്പനാമ്‌ഗാള്‌ക്ക്‌മ് മൂപ്പനാമോഡ എ്ണേന്ത് നിമ്മ് കാര്യഗാള്‌ന നോഡുന്റവാര്‌ക്ക്‌മ് ക്‌റ്‌സ്‌ത്ത് ഏസ്സ് ഗിലാസഗാറാനാന പവുലോസുമ് തിമിത്തോസുമു എ്ള്‌ദുവ എ്ള്‌ത്ത്.

1 തെസെലോനിക്ക്യഗാറാര് 5:14

ഏസ്സ്‌ഗാറാരെ, കള്ള ബ്‌ന്ത് നഡാക്ക്‌ന്റവാര്‌ന നിമ്മ മെ്റ്‌ട്ട്‌ന്, ദയിരില്ലത്തവാര്‌ന ദയിരപഡ്‌സ്‌ന്, കുറ്റകൊറേവു ഇര്‌ക്ക്‌ന്റവാര്‌ന കയിതാങ്ക്‌ന്, എല്ലാ ആള്‌ഗാളോഡാമ് മ്‌ഗ്‌ന്ത പൊറിമോഡ ഇര്‌ന്.

1 തിമിത്തോസു 1:15

ഇത്തെ ഒന്റു സൊല്ലു ഇര്‌ക്ക്‌ന്റ്: <<പാവ ഗേന്റവാര്‌ന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ബൂമിക്ക് ബന്താന്.>> ഈ സൊല്ലു നേര്‌മ് നമ്പ്യ മുഡിവാദ്‌മ്‌ത്തെ. ആന അയി കുറ്റ ഗേന്തവാര്‌ല് മ്‌ഗ്‌ന്ത കുറ്റഗാറാന് നാന്‌ത്തെ.

1 തിമിത്തോസു 4:9

നാന് സൊന്ന ഈ സൊല്ലു നേര്‌മ് നമ്പ്യാമ് മുഡിവ ഒന്റു സൊല്ലുത്തെ.

2 തിമിത്തോസു 2:11

ഇത്തെ ഒന്റു സൊല്ലു ഇര്‌ക്ക്‌ന്റ്: ഇദ് നേര്‌മ് നമ്പ്യ മുഡിവാദ്‌മ്‌ത്തെ. അദ് എത്തെ എന്റ് സൊന്ന: നമ്മ അയാളോഡ സത്തിന്തദാന നമ്മ അയാളോഡ പെ്ളേക്ക്‌ല.

തീത്തോസു 1:7

ഏസ്സ്‌ഗാറാര് കൂട്ടാത്ത്‌ല മൂപ്പനാമ്‌ഗാള്‌ന കയിതാങ്ക്‌ന്റവാന് സാമി കൊഡുത്ത്‌റ്‌ക്കുവ ഗിലാസാന നോഡിനഡാത്ത്‌ന്റവാന് ആയിര്‌ക്കുവാദ്‌നാലെ കുറ്റകൊറേവു ഇല്ലത്തവാന് ആയിര്‌ക്കുഡൊ. അയാള് താന്‌ത്തെ ദൊഡ്ഡവാനെന്റ് നെനേക്ക്‌ന്റവാന്‌മ് മുട്ടു മൊനെഗാറാന്‌മ് ആയിര്‌ക്ക്യ പാങ്കില്ലെ. അയാള് കുഡിഗാറാന്‌മ് ഒപ്പ മല്ല്‌ക്ക് പോന്റവാന്‌മ് അദിഗ പണ സമ്പാരിക്ക്യ ഏമാത്ത്‌ന്റവാന്‌മ് ആയിര്‌ക്ക്യ പാങ്കില്ലെ.

തീത്തോസു 3:8

നാന് സൊന്ന ഈ കാര്യഗാളെല്ല നേര്‌മ് നമ്പ്യ മുഡിവാദ്‌മ്‌ത്തെ. അദ്‌നാലെ ഈ കാര്യഗാള്‌നെല്ല കണ്ടിപ്പായി ആള്‌ഗാള്‌ക്ക് പഡുസുഡൊ എന്റ് നാന് ആസെപഡ്‌ന്റെ. അത്ത്യാന സാമിന നമ്പിര്‌ക്കുവ ആള്‌ഗാള് നല്ല കാര്യഗാള് ഗേയ ബേ്ണ്ടി നല്ല ഓരാഡുവാര്. ഈ കാര്യഗാള് നല്ലാദ്‌മ് എല്ലാ ആള്‌ഗാള്‌ക്ക്‌മ് ഉവഗരപഡുവാദ്‌മ്‌ത്തെ.

എവുറായാര് 12:15

സാമി ഗേന്ത്‌റ്‌ക്കുവ പ്‌ണ്ണ്യ കെ്ഡേക്കാത്തവാര് ആഗാദെ ഇര്‌ക്ക്യ നിമ്മ എല്ലാവാര്‌മ് നോഡുഡൊ. ആര്‌മ് കീ്ട്ട്‌ഗ ബെത്ത് അദ്‌ന ദൊഡ്ഡാദ് മാഡാദെ ഇര്‌ക്ക്യ നോഡുഡൊ. അത്തവാള്‌ക്ക് എഞ്ചോ ആള്‌ഗാള്‌ന കെ്ഡിസ്യ മുഡിമ്.

1 പത്ത്‌റോസു 2:25

നിമ്മ അലാന്ത് നഡാക്കുവ കൊറ്യാഡ്‌ഗാള്‌ന പാസെത്തെ ഇന്ത്‌റ്. ആന നിമ്മ ഇന്നാല് നിമ്മ് നിഗാല് കുട്ടിക്ക് മാട്ട്യാന്‌മ് മൂപ്പാന്‌മ് ആയിര്‌ക്ക്‌ന്റവാന് പട്ട്‌ക്ക് തിരിഗി ബന്ത്‌റ്‌ക്ക്‌ന്റ്‌റ്.

1 പത്ത്‌റോസു 4:15

നിമ്മ കൊലെഗാറാനായൊ, ത്‌റ്‌ട്ടാനായൊ, കെ്ട്ട കാര്യ ഗേന്റവാനായൊ, മല്ലുണ്ടാക്ക്‌ന്റവാനായൊ കജട്ട പഡുവ ഗെദി നിമാക്ക് ബര്യ പാങ്കില്ലെ.

1 പത്ത്‌റോസു 5:2

സാമിന നമ്പി നഡാക്ക്‌ന്റവാര് കൂട്ടന സാമി നിമ്മ് കയിക്ക് നോഡ്യ തന്ത്‌റ്‌ക്ക്‌ന്റാന്. അദ് ആരാറ്റ നത്തുവ നത്ത്‌ക്ക് ബേ്ണ്ടി ഗേഗാദെ സാമി ആസെപഡുവ പാസെ മനേസ്സാറ ഗേന്. ഇത്തെ ഗേഗാട്ടി എന്താറ്റ ഉവഗര കെ്ഡേക്ക്‌മെന്റ് നെനേത്ത് ഗേഗാദെ അവാര്‌ന കയിതാങ്ക്യ ബേ്ണ്ടി ഒരുക്ക ഉള്ളവാര് ആയിര്‌ക്കുഡൊ.