1 തിമിത്തോസു 1:7 - സാമി സേദി

⁷ അവാര് സൊല്ലുവാദ് എന്തെന്റ് അവാര്‌ക്ക് താനെ തെര്യ. അവാര് ഒറേപ്പായി പഡുസുവ കാര്യഗാള് ഇന്നാദെന്റ്‌മ് അവാര്‌ക്ക് തെരിവാദില്ലെ. എന്റിന്ത് ഗുഡി ഇവാര് സാമി സട്ടാന പഡിസ്യാത്തെ ആസെപഡ്‌ന്റാര്.

1 തിമിത്തോസു 1:7 ပူးပေါင်းရင်းမြစ်များ

മത്തായി 15:14

അവാര്‌ന പറ്റി നിമ്മ നെനേക്ക ബേ്ഡ. അവാര് കുറുഡാരായിര്‌ക്കുവ തലെവാര്‌ഗാള്‌ത്തെ. ഒന്റു കുറുഡാന് ബേ്റെ ഒന്റു കുറുഡാന്‌ക്ക് ബട്ടെ കാട്ടി പോന റാഡാള്‌മ് കുയിക്ക് ബീ്വാരല്ല>> എന്റ് സൊന്നാന്.

മത്തായി 21:27

അത്തെ അവാര് ഏസ്സ്‌ക്ക്: <<എമാക്ക് തെര്യ>> എന്റ് സൊന്നാര്. അദുക്കുള ഏസ്സ് അവാര്‌ക്ക്: <<അന്നാപ്പ് നാന് എന്ത് അദിഗരാത്ത്‌ല് ഇദെല്ല ഗേന്റേന് എന്റ് നാന്‌മ് നിമാക്ക് സൊല്ലുവാദില്ലെ>> എന്റ് സൊന്നാന്.

ലൂക്കോസു 2:46

മൂറാവാദ് നാള് അവാര് അവാന്‌ന സാമിബീ്ഡ്‌ല് ബെത്ത് കണ്ടാര്. അദുക്കുള അവാന് ബേദബാത്ത്യനാമ് പഡുസുവാദ്‌ന കേ്ട്ട് കൊണ്ടുമു അവാരോഡ കേ്ള്‌വി കേ്ട്ട് കൊണ്ടുമു അവാര് കൂട്ടാത്ത്‌ലിന്താന്.

അപ്പോസുത്തലാര് 15:1

എഗുദ നാഡ്‌ലിന്ത് ലേസ ഗണ്ടാള്‌ഗാള് അന്തോക്ക്യ പട്ടണാക്ക് ബന്ത് ഏസ്സ്‌ഗാറാര്‌ന ഇത്തെ പഡിസ്യ പ്‌ഡിത്താര്. <<നിമ്മ മോസെ ബെത്ത സാമി സട്ടപഡി പരിസേദനെ സാത്ത്‌റ ഗേഗാദെ പോന സാമിക്ക് നിമാന കാപാറ്റ്യ മുഡ്യാമാട്ട.>>

റോമഗാറാര് 1:22

തമ്മ അറിവാളിഗാളെന്റ് അവാര് സൊല്ലി നഡാക്ക്‌ന്റാര്. ആന അവാര് ബുദ്ദില്ലത്തവാര് ആനാര്.

ഗലാത്ത്യഗാറാര് 3:2

നാന് നിമാന ഒന്റു കാര്യ കേ്ള്‌ക്ക്‌ന്റെ, നിമാക്ക് സാമിനിഗാല് ബന്താദ് മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേന്താദ്‌നാലെഗ ഇല്ലെ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന കേ്ട്ട് അദ്‌ന നമ്പ്‌നാദ്‌നാലെത്തേഗ? കണ്ടിപ്പായിമ് ക്‌റ്‌സ്‌ത്ത്‌ന നമ്പ്‌നാദ്‌നാലെത്തെ സാമിനിഗാല് നിമാക്ക് ബന്താദ്.

ഗലാത്ത്യഗാറാര് 3:5

സാമി നിമാക്ക് തന്ന് നിഗാല്‌ന തന്താദ്‌മ് നിമ്മ് പട്ട്‌ല് അദിസ്യഗാള് ഗേന്താദ്‌മ് മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന നിമ്മ ഗേന്താദ്‌നാലെത്തേഗ, അല്ല ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിന കേ്ട്ടാദ്‌നാലെഗ?

ഗലാത്ത്യഗാറാര് 4:21

മോസെ ബെത്ത സാമി സട്ടപഡി നഡാക്ക്യ നോഡുന്റവാരെ, നാന് നിമാന ഒന്റു കാര്യ കേ്ള്‌ക്ക്‌ന്റെ: മോസെ ബെത്ത സാമിസട്ട എന്ത് സൊന്റെന്റ് നിമ്മ കേ്ള്‌ക്കാലേഗ?

1 തിമിത്തോസു 6:4

ഒന്റുമു തെര്യാത്തവാന്‌മ് താന്‌ത്തെ ദൊഡ്ഡവാനെന്റ് നെനേത്ത് നഡാക്ക്‌ന്റവാന്‌മ്‌ത്തെ. അയാള് തലേക്ക് സുഗ ഇല്ലത്തവാന്‌ന പാസെ ഒന്റൊന്റു നായഗാള്‌ന സൊല്ലി തറ്‌ക്കി നഡാക്ക്‌ന്റാന്. അദ്‌നാലെ കണ്ണ്‌കഡി, മല്ല്, ആഗാത്ത നായ സൊല്ലി മാനഗെ്ഡ്‌സുവാദ്, ഇല്ലാത്ത കാര്യന ഉണ്ടുമാഡുവാദ് എല്ലാ ബന്റ്.

2 തിമിത്തോസു 3:7

എഞ്ച്‌ക്ക് പഡിത്താല്‌മ് സത്ത്യന തെര്യാത്തവാര്‌മ്‌ത്തെ.

ആക്കോവു 3:1

ഏസ്സ്‌ഗാറാരെ, സാമി സട്ടാന പഡിസി കൊഡുക്കുവ നമാനാത്തെ സാമി സേത്തി കുറ്റ ബിദിക്കുവാന് എന്റ് നിമ്മ തെരിന്ത്‌റ്‌ക്കുഡൊ. അദ്‌നാലെ നിമ്മ് കൂട്ടാത്ത്‌ല് ഇര്‌ന്റവാര്‌ല് മൊത്തന ആള്‌ഗാള് സാമി സട്ടാന പഡ്‌സ്‌ന്റവാരായ പാങ്കില്ലെ.

2 പത്ത്‌റോസു 2:12

ആന ഇവാര് തമാക്ക് തെര്യാത്ത കാര്യഗാള്‌ന പറ്റി ഗുഡി കുറ്റ സൊന്റാര്. അവാര് ബുദ്ദില്ലാത്ത ബേ്ണ്ട്‌ഗാള്‌ന പാസെത്തെ. അയി ബേ്ണ്ട്‌ഗാള് എന്ത് നെനേക്ക്‌ന്റൊ അദ്‌നാത്തെ അയി ബേ്ണ്ട്‌ഗാള് ഗേന്റ്. ഒന്റു ബേ്ണ്ട്‌ന പ്‌ഡിത്ത് എത്തെ കൊല്ലുന്റാമൊ അദേപാസെത്തെ സാമിമ് ഇവാര്‌ന അളിക്കുവാന്.