1 തെസെലോനിക്ക്യഗാറാര് 5:9 - സാമി സേദി

⁹ സാമി മൊനെ ബന്ത് ദെ്ണ്ടിക്കുവ ദെ്ണ്ടണേക്ക് സിക്ക്യ സാമി നമാന തെരിന്തെ്ഡ്‌ക്കാലെ. ആന നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ന ബെത്ത് തപ്പിസി കഡാക്ക്യത്തെ സാമി നമാന തെരിന്തെ്ഡ്‌ത്ത്‌റ്‌ക്കുവാദ്.

1 തെസെലോനിക്ക്യഗാറാര് 5:9 ပူးပေါင်းရင်းမြစ်များ

മത്തായി 26:24

മന്‌സാനായി പ്‌റാന്തവാന് എത്തെ സാഡൊ എന്റ് സാമി ബൊക്കുലു എ്ള്‌ദിര്‌ക്കുവ പാസെത്തെ അദ് നഡാക്ക്‌മ്. എന്റാല്‌മ് മന്‌സാനായി പ്‌റാന്തവാന്‌ന കാട്ടി കൊഡുക്കുവ മന്‌സാന്‌ക്ക് കജട്ട കജട്ടാത്തെ. അയാള് പ്‌റാക്കാദെ ഇന്തിന്ത അവാന്‌ക്ക് നല്ലാദ്‌ത്തെ ആയിന്ത്‌ദ്>> എന്റ് സൊന്നാന്.

അപ്പോസുത്തലാര് 1:20

<<സാമി പാട്ട് ബൊക്കുലു, <അയാള് ബീ്ഡ് ഒന്റുമില്ലാദായി തള്ളുഡൊ. അയാള് ബീ്ഡ്‌ല് ആര്‌മ് ഇര്‌ക്കാദിര്‌ക്കുഡൊ.> എന്റ്‌മ് <അയാള്‌ക്ക് ഇന്ത പദാവിപട്ടന ബേ്റെ ആള്‌ക്ക് കൊഡുക്കുഡൊ> എന്റ്‌മ് എ്ള്‌ദിര്‌ക്ക്‌ന്റ്.

അപ്പോസുത്തലാര് 13:48

എഗുദാര് അല്ലാത്ത ജാദിഗാള് ഇദ്‌ന കേ്ട്ട് പിര്യപട്ട് ആണ്ടവാന് സേദി സെരിക്ക്‌മ് നല്ലാദ്‌ത്തെ എന്റ് സാമിന ബാര്‌ദിക്ക്‌നാര്. എന്നാല്‌ക്ക്‌മ് ഇര്‌ക്കുവ ഉജുരു കെ്ഡേക്ക്യ തെരിന്തെ്ഡ്‌ത്ത ആള്‌ഗാള് ഏസ്സ്‌ന നമ്പ്‌നാര്.

റോമഗാറാര് 11:30

മുന്നുക്കു നിമ്മ സാമി സൊല്ലുപഡിക്ക് നഡാക്കാദിന്ത്‌റ്. ആന എഗുദാര് സാമി സൊല്ലുപഡിക്ക് നഡാക്കാത്താദ്‌നാലെ സാമി നിമാന ഇന്നാല് ഗവപട്ടാന്.

റോമഗാറാര് 11:7

അദ്‌നാലെ എന്താറ്റ്? ഇസ്‌റവേല്‌ഗാറാര് നേര്‌മെഗാറാര് ആയ ഓരാഡി നോഡുനാര്, അവാര്‌ക്ക് മുഡ്യാലെ. ആന സാമി തെരിന്തെ്ഡ്‌ത്തവാര്‌ക്ക് അദ് കെ്ഡേത്ത്‌ദ്. മിച്ച ഇന്തവാര് മരനെഞ്ച്‌ഗാറാര് ആനാര്.

1 തെസെലോനിക്ക്യഗാറാര് 3:3

ആന കൊഡിമെഗാള്‌പഡ്യാത്തെ സാമി നമാന എ്ഡ്‌ത്ത് ബെത്ത്‌റ്‌ക്കുവാദ് എന്റ് നിമാക്ക് താനെ തെരിമല്ല.

1 തിമിത്തോസു 1:13

നാന് ഏസ്സ്‌ന നമ്പാത്താദ്‌ക്ക് മുദാല് ക്‌റ്‌സ്‌ത്ത് ഏസ്സ്‌ന കുറ്റ സൊല്ലികൊണ്ടുമു, ഏസ്സ്‌ന നമ്പി നഡാക്ക്‌ന്റവാര്‌ന കൊഡിമെ പഡിസികൊണ്ടുമു, അട്ടുളി ഗേന്ത് കൊണ്ടുമു ഇന്തേന്. ആന ഇത്തെ ഗേവാദെല്ല തപ്പ് എന്റ് തെര്യാത്താദ്‌നാലേമ് ഏസ്സ്‌ന നമ്പാത്ത മുദാല് ഗേന്താദ്‌നാലേമ് സാമിക്ക് എനാന ബേ്റ്‌വെന്ത്‌ദ്.

1 തിമിത്തോസു 1:16

എന്റിന്ത് ഗുഡി സാമി എനാന ഗവപട്ടാന്. എഞ്ച്‌കെ്ട്ട ക്‌റ്‌സ്‌ത്ത് ഏസ്സ് പൊറുക്കുന്റാന് എന്നുവാദ്‌ന എനാക്ക് കാട്ടി തര്യ ബേ്ണ്ടിത്തെ സാമി അത്തെ ഗവ പട്ടാദ്. ഏസ്സ്‌ന നമ്പി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ പോന്റവാര്‌ക്ക്‌മ് ഇദേപാസെ പൊറിമെ കെ്ഡേക്ക്‌മെന്റ് കാട്ട്യ ബേ്ണ്ടി സാമി എനാന എ്ഡ്‌ത്ത് ബെത്ത്‌റ്‌ന്റാന്.

2 തിമിത്തോസു 2:10

അദ്‌നാലെ സാമി തെരിന്തെ്ഡ്‌ത്ത ആള്‌ഗാള് ക്‌റ്‌സ്‌ത്ത് ഏസ്സ്‌ന നമ്പി തപ്പിസി കഡാക്ക്യാമ് എന്നാല്‌ക്ക്‌മ് മദ്‌പ്പോഡാമ് അമ്‌സത്തോഡാമ് ഇര്‌ക്ക്യ നാന് ഈ കജട്ടഗാളെല്ല താങ്ക്‌ന്റേന്.

1 പത്ത്‌റോസു 2:10

മുന്നുക്കു നിമ്മ സാമിക്ക് പട്ട ജനഗാള് ആയിര്‌ക്കാലെ. ആന ഇന്നാല് നിമ്മ സാമിക്ക് പട്ട ജനഗാള് ആയിര്‌ക്ക്‌ന്റ്‌റ്. മുന്നുക്കു നിമ്മ സാമി ഗവപഡുവാദ്‌ന കാണാലെ. ആന ഇന്നാല് നിമ്മ സാമി ഗവപഡുവാദ്‌ന കണ്ട്‌റ്‌ക്ക്‌ന്റ്‌റ്.

1 പത്ത്‌റോസു 2:8

<<അദ് അവാര്‌ക്ക് കാല് തട്ടി ബീ്വ തഡേസ കല്ല്‌മ്, ബെജിക്കി ബീ്വ ബെജ്‌ക്ക കല്ല്‌മ് ആയിര്‌ക്ക്‌മ്.>> സാമി സൊല്ലുസുലാക്കാന കേ്ള്‌ക്കത്താദ്‌നാലെ അവാര് കാല് തട്ടി ബീ്ന്റാര്. അദ്‌ക്കായി സാമി അവാര്‌ന എ്ഡ്‌ത്ത് ബെത്ത്‌റ്‌ന്റാന്.

2 പത്ത്‌റോസു 1:1

ഏസ്സ് ക്‌റ്‌സ്‌ത്ത് അപ്പോസുത്തലാന്‌മ് ഗിലാസഗാറാന്‌മ് ആന സീമോനു പത്ത്‌റോസു നമ്മ് സാമിമ് കാപാറ്റ്‌ന്റവാന്‌മ് ആന ഏസ്സ് ക്‌റ്‌സ്‌ത്ത്‌ത്ത് നേര്‌മെനാലെ എമാക്ക് ബന്ത ദൊഡ്ഡ നമ്പിക്കേന പാസെ നമ്പിക്കെ ബന്ത്‌റ്‌ക്കുവ നിമാക്ക് എ്ള്‌ദുവ എ്ള്‌ത്ത്.

2 പത്ത്‌റോസു 2:3

അവാര് പണാക്ക് ബേ്ണ്ടി പേരാസെപട്ട്‌കൊണ്ടു ഇല്ലാത്ത കദെന നിമാക്ക് സൊല്ലി നിമാന ബെത്ത് അവാര് പണ സമ്പാരിക്കുവാര്. അവാര്‌ന ദെ്ണ്ടിക്കുവ ദെ്ണ്ടണെന മുന്നുക്കു താനെ സാമി മുഡിവു മാഡിര്‌ന്റാന്. അവാര്‌ക്ക് ബരുവ അളിവുക്കു ഗളിഗെ ആഗമാട്ട.

ജൂദാന് 1:4

എന്ത്‌ക്കെന്റ് സൊന്ന ഏസ്സ് ക്‌റ്‌സ്‌ത്ത്‌ന ബെത്ത് സാമി നമാന ഗവപഡുവാദ്‌നാലെ മൊറെ തപ്പി നഡാന്താല്‌മ് സാമി നമാന ദെ്ണ്ടിക്കമാട്ടാന് എന്റ് സൊല്ലുന്റവാര്‌ഗാള് ഏസ്സ്‌ഗാറാര് കൂട്ടായിര്‌ക്കുവ നിമ്മ് കൂട്ടാക്ക് ഓസണോഡ എ്ണേന്റാര്. അത്തവാള്‌ഗാള് സാമിനാമ് ഏസ്സ് ക്‌റ്‌സ്‌ത്ത്‌ന ബെത്ത് സാമി നമാക്ക് ഗേന്ത കാര്യഗാള്‌നാമ് ആള്‌ഗാള്‌ക്ക് തപ്പായി സൊല്ലി കൊഡുക്കുന്റവാര്‌ത്തെ. അത്തവാള്‌ഗാള്‌ക്ക് എത്തവ ദെ്ണ്ടണെ കെ്ഡേക്ക്യ പോന്റെന്റ് സാമി ബൊക്കുലു മുന്നുക്കെ എ്ള്‌ദിര്‌ക്ക്‌ന്റ്.