1 തെസെലോനിക്ക്യഗാറാര് 5:4 - സാമി സേദി

⁴ ആന ഏസ്സ്‌ഗാറാരെ, അയി നാള് ഒന്റു ത്‌റ്‌ട്ടാന് ബരുവ പാസെ നിമാക്ക് ബരമാട്ട. എന്ത്‌ക്കെന്റ് സൊന്ന, നിമ്മ ഇ്റ്‌ട്ട്‌ല് ഇര്‌ക്കുവ പാസെ കെ്ട്ടവാരായല്ല പെ്ളേക്കുവാദ്.

1 തെസെലോനിക്ക്യഗാറാര് 5:4 ပူးပေါင်းရင်းမြစ်များ

മത്തായി 10:15

സോദോമുഗാറാര്‌ക്ക്‌മ് ഗൊമോറഗാറാര്‌ക്ക്‌മ് കെ്ഡേത്ത ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ ബിദി സൊല്ലുവ നാള്‌ല് അയി പട്ടണാക്ക് ബര്‌മ് എന്റ് നാന് സത്ത്യമായി നിമാക്ക് സൊന്റെ.>>

ലൂക്കോസു 21:34

<<ഈ ഉലഗാത്ത്‌ല് നിമ്മ തിന്റ്‌കുഡിത്ത് ബോദേ്റി നഡാക്കുവ നെനേവോഡഗേ ഇര്‌ക്കാദേന്. എത്തെ പെ്ളേത്ത് പോല എന്റ് അര്‌ക്കപട്ട് നഡാക്കുവ നെനേവോഡാമ് ഇര്‌ക്കാദേന്. എന്ത്‌ക്കെന്റ് സൊന്ന അയി നാള് സദിപെ്ട്ട്‌ല് ബര്‌മ്. അദ്‌നാലെ നിമ്മ സൂസാരിത്തിര്‌ന്.

അപ്പോസുത്തലാര് 26:18

നീ അവാര്‌ക്ക് സത്ത്യ എന്തെന്റ് കാട്ടി കൊഡുക്കുഡൊ. അത്തെ അവാര്‌ന ഇ്റ്‌ട്ട്‌ലിന്ത് ബെ്ള്‌സ സാരിമ് സെയിത്താന് അദിഗരാത്ത്‌ലിന്ത് സാമി സാരിമ് തിര്‌ക്കുഡൊ. അവാര് എനാന നമ്പുവാദ്‌നാലെ സാമി അവാര് പാവഗാള്‌ന പൊറുക്കുവാന്. അത്തെ സാമി തെരിന്തെ്ഡ്‌ത്തവാര് പട്ട്‌ല് അവാര്‌ക്ക് ഇര്‌ക്കുവ പങ്ക്‌മ് കെ്ഡേക്കുവു.> >>

1 തെസെലോനിക്ക്യഗാറാര് 5:2

എന്ത്‌ക്കെന്റ് സൊന്ന ഒന്റു ത്‌റ്‌ട്ടാന് ജാമാക്ക് ബരുവ പാസെ ആണ്ടവാന് തിരിഗി ബരുവ നാള് സദിപെ്ട്ട്‌ല് ബര്‌മെന്റ് നിമാക്ക് നലമായി തെരിമല്ല.

2 പത്ത്‌റോസു 3:10

ആണ്ടവാന് തിരിഗി ബരുവ നാള് ഒന്റു ത്‌റ്‌ട്ടാന് ബരുവ നാള് പാസെ ബര്‌മ്. അയി നാള്‌ക്ക് ബാന് ദൊഡ്ഡ ജദ്ദോഡ കാണദ്യായി തള്ള്‌മ്. ബാന്‌ലിര്‌ക്കുവ ജാദിഗാള് ഒട്ടുക്കു തീ ബെന്ത് ഉരുഗി പോമു. അദേപാസെ ബൂമിമ് അദ്‌ലിര്‌ക്കുവാദ് ഒട്ടുക്കുമു ബെന്ത് അളിന്ത് തള്ള്‌മ്.

1 ഓഗന്നാന് 2:8

ഏസ്സ്‌മ് നിമ്മാമ് ഈ സട്ടപഡി പെ്ളേത്ത് ഇദ് പുദ്യ ഒന്റു സട്ട എന്റ് കാട്ടി കൊഡുക്കുന്റുറു. അദ് എത്തെന്റ് സൊന്നദാന ഏസ്സോഡിര്‌ക്കുവ സത്ത്യ ബെ്ള്‌സ നിമ്മ് പെ്ളേപ്പ്‌ല് ഇ്റ്‌ട്ട്‌ന പാസെ ഇര്‌ക്കുവ കാര്യഗാള്‌ന ഇല്ലാദെ മാഡികൊണ്ട്‌റ്‌ന്റ്.

ബെ്ളിപട്ട കാര്യ 16:15

<<നോഡുനു, ഒന്റു ത്‌റ്‌ട്ടാന് ബരുവ പാസെ നാന് ബരുവെ. ബെ്റ്‌ദെകറി നഡാന്ത് അഡ്‌ത്തവാര് നാണഗെ്ഡ്‌സാദെ ഇര്‌ക്ക്യ ബേ്ണ്ടി തന്ന് സീലെസിലാപ്പ്‌ഗാള്‌ന സൊക്കാന സൂസാരിത്ത്‌മ് ഉറാങ്കാദേമ് ഇര്‌ക്ക്‌ന്റവാന് ബാഗ്യകേ്ട്ടവാന്.>>

ബെ്ളിപട്ട കാര്യ 3:3

അദ്‌നാലെ നീ പഡിത്താദ്‌നാമ് കേ്ട്ടാദ്‌നാമ് മറാക്കാദെ. അദ്‌ക്ക് നീ കെ്ട്ട്‌പട്ട് നഡ. നീ ഗേവ പാവഗാള്‌ന തള്ളി സാമിസാരി തിര്‌ഗ്. നീ ഇ്ളാഗാദെ പോന, നാന് ഒന്റു ത്‌റ്‌ട്ടാന് ബരുവ പാസെ ബരുവേന്. ഏദ് ഗളിഗേക്ക് നാന് നിന്ന് പട്ട്‌ക്ക് ബരുവേന് എന്റ് നിനാക്ക് തെര്യാമ് മാട്ട.