1 തെസെലോനിക്ക്യഗാറാര് 5:23 - സാമി സേദി23 നിമ്മ്‌ദി തരുവ സാമി നിമാന ഒന്റേപെ്ട്ട് സുത്താപ്പുള്ളവാര് മാഡുഡൊ. നമ്മ് ആണ്ടവാന് ഏസ്സ് ക്‌റ്‌സ്‌ത്ത് ബര്‌ഗാട്ടി അയാള് മുന്നുക്കു നിമ്മ് നിഗാല്‌നാമ്, ഉജുരുനാമ്, ഉരുവുനാമ് സെറ്റെ ഗുഡി കുറ്റകൊറേവു ഇല്ലത്തദായി സാമി നിമാന സൂസാരിത്ത് ബെക്കുഡൊ. အခန်းကိုကြည့်ပါ။ |
1 തെസെലോനിക്ക്യഗാറാര് 5:23
37 ပူးပေါင်းရင်းမြစ်များ
കൊരിന്ത്യ പട്ടണാത്ത്‌ല ഏസ്സ്‌ഗാറാര് കൂട്ടാക്ക് എ്ള്‌ദുവ എ്ള്‌ത്ത്. ക്‌റ്‌സ്‌ത്ത് ഏസ്സ്‌ന ബെത്ത് സാമി നിമാന സുത്താപ്പുള്ളവാര് മാഡി തനാക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റാന്. ഉലഗാത്ത്‌ല് എല്ലാ സാരിമ് ഏസ്സ് ക്‌റ്‌സ്‌ത്ത്‌ന പരേസുവ എല്ലാ ആള്‌ഗാളോഡൊപ്പത്തെ സാമി നിമാനാമ് തനാക്ക് സുത്താപ്പുള്ളവാര് ആയിര്‌ക്ക്യ ബേ്ണ്ടി തെരിന്തെ്ഡ്‌ത്താദ്. ഈ ഏസ്സ് ക്‌റ്‌സ്‌ത്ത് നമ്മ് ആണ്ടവാന്‌മ് അവാര് ആണ്ടവാന്‌മ്‌ത്തെ.
സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്.
സാമി ആസെപഡുവാദ്‌ന നിമ്മ ഗേയ ബേ്ണ്ടി നിമാക്ക് ബേ്ഡ്‌മാന എല്ലാ നല്ല കാര്യഗാള്‌നാമ് നിമ്മ്‌ദ്യായി ബെക്കുവ സാമി നിമാക്ക് തരുഡൊ എന്റ് നാന് പരേസ്‌ന്റെ. കൊറ്യാഡ്‌ഗാള്‌ത്ത് മുക്ക്യമാന മാട്ട്യാനാന നമ്മ് ആണ്ടവാന് ഏസ്സ്‌ന താന് സൂസുന സോരെനാലെ സാമി സത്തവാര് പട്ട്‌ലിന്ത് ഉജുര്‌ളാക്ക്‌നാന്. സാമി മന്‌സാരോഡ ബെത്ത എന്നാല്‌ക്ക്‌മ് ഇര്‌ക്കുവ ഒപ്പന്ത അയി സോരെന ബെത്ത്‌ത്തെ നഡാക്ക്യ പ്‌ഡിത്താദ്. അയി സാമി ഏസ്സ് ക്‌റ്‌സ്‌ത്ത്‌ന ബെത്ത് തനാക്ക് മെച്ച്‌പ്‌ഡിത്താദ്‌ന നിമ്മ് മനേസ്സ്‌കുള്ളുക്കു ഗേഡൊ എന്റ്‌മ് നാന് പരേസ്‌ന്റെ. അയാള്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. ആമേന്.
സാമി സൊല്ലുസുലാക്ക ഉജുരു ഉള്ളാദ്‌മ് സക്‌ത്യുള്ളാദ്‌മ്‌ത്തെ. അദ് റാഡ് സാരിമ് ഉരുക്കുള്ള എല്ലാ ബാള്‌ഗാള്‌ന ബ്‌ഡ ഉരുക്കുള്ളാദ്‌ത്തെ. അദ് മനേസ്സ്‌നാമ് ഉജുരുനാമ് അദേപാസെ മൂട്ടുഗാള്‌നാമ് എല്‌മ്പ് മൂളെഗാള്‌നാമ് അലാക്കലാക്ക ബ്‌ഡ്‌സുവ മാട്ട്‌ക്ക് ഒഡേത്ത് പോവാദ്‌ത്തെ. അദ് നെഞ്ച് കുളാക്ക്‌ല നെനേവുഗാള്‌നാമ് ആസെഗാള്‌നാമ് സോദണെ ഗേന്ത് അദ് നല്ലാദ കെ്ട്ടാദ എന്റ് ബിദിക്ക്‌ന്റ്.
അപ്പാന് സാമി മുന്നുക്കെ തെരിന്തിന്ത പാസെ സാമിനിഗാല്‌ന ബെത്ത് സാമിക്ക് പട്ടവാര് മാഡ്‌നവാര്‌മ് അയാള് സൊല്ലുപഡിക്ക് ഇര്‌ക്ക്യ ബേ്ണ്ടി ഏസ്സ് ക്‌റ്‌സ്‌ത്ത് സോരെന തളിത്ത് സുത്താപ്പുള്ളവാര് മാഡ്‌നവാര്‌മ്‌ത്തെ നിമ്മ. നിമാക്ക് സേത്തി സേത്തി സാമി പ്‌ണ്ണ്യാമ് കെ്ഡേക്കുഡൊ, നിമ്മ നല്ല നിമ്മ്‌ദ്യായിമ് ഇര്‌ക്കുഡൊ.
നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.
ကြော်ငြာတွေ