16 നിമ്മ ഒപ്പ പിര്യപിര്യാത്തിര്‌ന്,
മേലോഗാത്ത്‌ല് സാമി നിമാക്ക് മ്‌ഗ്‌ന്ത കൂലി ബെത്ത്‌റ്‌ക്കുവാദ്‌നാലെ നിമ്മ പിര്യപൊങ്കിമറ്‌ന്ത് നഡാന്. നിമാക്ക് മുദാല് പെ്ളേത്തിന്ത സാമിദാസ്‌ഗാള്‌നാമ് ആള്‌ഗാള് ഇദേപാസെ കൊഡിമെപഡിസിര്‌ക്ക്‌ന്റാര്.>>
എന്റാല്‌മ് കെ്ട്ടജാദിഗാള് നിമ്മ് സൊല്ലുക്കു ആളായിര്‌ക്കുവാദ്‌ല് പിര്യപഡാദേന്. മേലോഗാത്ത്‌ല് നിമ്മ് പേര് എ്ള്‌ദിര്‌ക്കുവാദ്‌ന നെനേത്ത് പിര്യപഡ്‌ന്>> എന്റ് സൊന്നാന്.
അദ്‌നാലെ അവാര് ഏസ്സ്‌ക്ക്: <<ആണ്ടവാനെ, ഈ അഡേന ഒപ്പ എമാക്ക് തരുഡോമെ>> എന്റ് സൊന്നാര്.
നിമ്മ ബെത്ത്‌റ്‌ക്കുവ നെഞ്ചഡേല് നിമ്മ പിര്യപഡ്‌ന്. നിമാക്ക് ബരുവ കജട്ടന പൊറിമോഡ താങ്ക്‌ന്, പരേസാത്ത്‌ല് സോറ്റു പോഗാദേന്.
എമ്മ ദുക്കപഡ്‌ന്റവാര് ആയിന്താല്‌മ് ഒപ്പ പിര്യപിര്യാത്ത് ഇര്‌ക്ക്‌ന്റേമ്. എമ്മ ഏ്ളെഗാള് ആയിന്താല്‌മ് എഞ്ചോ ആള്‌ഗാള്‌ന സാമ്യോഡ ഇര്‌ക്കുവ ഉറാവുല് മ്‌ഗ്‌ന്തവാര് മാഡ്‌ന്റേമ്. എമ്മ ഒന്റുമു ഇല്ലത്തവാര് ആയിന്താല്‌മ് എമാക്ക് എല്ലാദ്‌മ് ഇര്‌ക്ക്‌ന്റ്.
നിമ്മ ആണ്ടവാന്‌ന നമ്പി നഡാക്കുവാദ്‌നാലെ എന്നാല്‌ക്ക്‌മ് പര്യപിര്യാത്തിര്‌ന്, പിര്യപിര്യാത്തിര്‌ന് എന്റ് നാന് പിന്നേമ് നിമാക്ക് സൊന്റെ.
