1 തെസെലോനിക്ക്യഗാറാര് 5:11 - സാമി സേദി11 അദ്‌നാലെ നിമ്മ ഒപ്പ ഗേവ പാസെ ആങ്കീങ്ക് ദയിര പഡിസികൊണ്ടുമു നമ്പിക്കേല് ഒറേപ്പുള്ളവാര് മാഡികൊണ്ടുമു ഇര്‌ന്. အခန်းကိုကြည့်ပါ။ |
1 തെസെലോനിക്ക്യഗാറാര് 5:11
18 ပူးပေါင်းရင်းမြစ်များ
നിമ്മ എല്ലാവാര്‌മ് നെപ്പ്കെ്ഡേക്കാത്ത നായഗാള്‌ല് നായ നൊഡിഡൊ എന്റ്‌മ് മുക്ക്യമായിമ് സാമി നായന നേരെ കേ്ട്ട് സൊല്ലുഡൊ എന്റ്‌മ് നാന് ആസെപഡ്‌ന്റെ. നെപ്പ് കെ്ഡേക്കാത്ത നായഗാള്‌ല് നായ നൊഡിന്റവാന് ഏ്സ്സ്‌ഗാറാര് കൂട്ടാക്ക് സാമ്യോഡ ഇര്‌ക്കുവ ബക്‌തിന സേത്തി മാഡ്യ താന് സൊല്ലുവ നായാക്ക് അര്‌ത്ത സൊല്ലുഡൊ. സൊല്ലാദെ പോന സാമി നായന നേരെ കേ്ട്ട് സൊല്ലുവാദ്‌ത്തെ ഏസ്സ്‌ഗാറാര് കൂട്ടന ബിലപഡിസ്യ ഉവഗരാമ്.
എമ്മ ഇന്നാല്‌മ് എമാന നിമ്മ് കണ്ണ്‌ക്ക് കുറ്റ ഇല്ലത്തവാര് എന്റ് ബാദിക്ക്യ ബേ്ണ്ടി ഓരാഡ്‌ന്റേമ് എന്റ് നിമ്മ നെനേക്ക്‌ന്റ്‌റ? ഇല്ലെഗേ ഇല്ലെ. സാമി കണ്ണ്‌ക്ക് എമ്മ എത്തെ നായ നൊഡിഡൊ എന്റ് ക്‌റ്‌സ്‌ത്ത് ആസെപഡ്‌ന്റാനൊ അദേപാസെത്തെ എമ്മ നായനൊഡിവാദ്. എനാക്ക് മെച്ച്‌പ്‌ഡിത്ത എ്ണേവുഗാറാരെ, എമ്മ ഈ ഗേവാദെല്ല നിമ്മ് നമ്പിക്കേല് നിമാന ഒറേപ്പ് മാഡ്യത്തെ.
അദല്ലാദെ താനെ ഒന്റു സരിഗലാത്ത്‌ല് ഇര്‌ക്കുവ ഒന്റൊന്റു മൂട്ടുമുറിഗാള് ഒന്റുക്കൊന്റു മൂണ്ടു അദാദ് ഗിലാസ ഗേന്ത് അയി സരിഗലന എത്തെ ദൊഡ്ഡുസുന്റൊ അദേപാസെ ഏസ്സ്‌ഗാറാര് കൂട്ടാത്ത്‌ല് ഇര്‌ക്കുവ നമ്മൊട്ടുക്കുമു ആങ്കീങ്ക് സീവാന്‌ബെത്ത് അവനവാന് ഗിലാസഗാള്‌ന ഗേന്ത് നമ്മൊട്ടുക്കു സാമിക്കിര്‌ക്കുവ ഗുണ ഉള്ളവാരായി തീരുഡൊ.
നേരല്ലാത്ത കദെഗാള്‌നാമ് മൂട്ടുമുറില്ലാത്ത കാല്‌കെ്ളെഗാള്‌നാമ് പറ്റി സൊല്ലുവാദ്‌ത്തെ അവാര്‌ക്ക് കാര്യ. ഇദെല്ല ആള്‌ക്കാള്‌ക്ക് തറ്‌ക്ക ബര്യാത്തെ എ്ഡെ ആമ്. അല്ലാദെ ഏസ്സ് ക്‌റ്‌സ്‌ത്തോഡെ ബെത്ത്‌റ്‌ക്കുവ നമ്പിക്കേല് ഗേവ സാമി ഗിലാസഗാളൊന്റുമല്ല. അദ്‌നാലെ അത്തവ കാര്യഗാള്‌ന സൊല്ലുവ നായഗാള്‌ന നീ പഡിസ്യാഗേ ബ്‌ഡാദെ.
ကြော်ငြာတွေ