1 തെസെലോനിക്ക്യഗാറാര് 5:10 - സാമി സേദി

¹⁰ അദ്‌നാലെ നമ്മ സത്താല്‌മ് സെരി സാഗാദിന്താല്‌മ് സെരി ഏസ്സോഡൊപ്പ പെ്ളേക്ക്യ ബേ്ണ്ടിത്തെ അയാള് നമ്മ് പാവാന തീര്‌ക്ക്യ സത്താദ്.

1 തെസെലോനിക്ക്യഗാറാര് 5:10 ပူးပေါင်းရင်းမြစ်များ

മത്തായി 20:28

മന്‌സാനായി പ്‌റാന്തവാന് ബന്താദ് ആള്‌ഗാള് തനാന നോഡ്യമാഡ്യല്ല, ആള്‌ഗാള്‌ന നോഡ്യമാഡ്യാമ് എഞ്ചോ ആള്‌ഗാള് ഉജുരുന കെ്ഡേസ്യ ബേ്ണ്ടി തന്ന് ഉജുരുന കൊഡുക്ക്യ ബേ്ണ്ടിമ്‌ത്തെ ബന്താദ്. നിമ്മാമ് അദേപാസെത്തെ ആയിര്‌ക്കുഡൊ>> എന്റ് സൊന്നാന്.

ഓഗന്നാന് 10:11

നാന്‌ത്തെ നല്ല മാട്ട്യാന്. നല്ല മാട്ട്യാന് കൊറ്യാഡ്‌ഗാള്‌ക്ക് ബേ്ണ്ടി തന്നുജുരുന കൊഡുക്കുന്റാന്.

ഓഗന്നാന് 10:17

എന്ന് ഉജുരുന മറിസിമ് കെ്ഡേസ്യ ബേ്ണ്ടി നാന് എന്ന് ഉജുരുന കൊഡുക്കുവാദ്‌നാലെ അപ്പാന് സാമി എനാന സീവാന്‌പഡ്‌ന്റാന്.

ഓഗന്നാന് 15:13

എ്ണേവുഗാറാര്‌ക്ക് ബേ്ണ്ടി ഉജുരുന കൊഡുക്കുവാദ്‌ത്തെ എല്ലാദ്‌ക്ക്‌മ് ബ്‌ഡ ദൊഡ്ഡ സീവാന്.

റോമഗാറാര് 8:34

അന്നാപ്പ് ആര്‌ക്ക് അവാര്‌ന കുറ്റഗാറാര് എന്റ് ബിദിക്ക്യ മുഡിമ്? ക്‌റ്‌സ്‌ത്ത് ഏസ്സ് സത്തവാന്, സത്തിന്ത് ഉജുര്‌ളാഗി ഇര്‌ക്ക്‌ന്റവാന്‌ത്തെ. അയാള് സാമി ബല സാരി ഇന്ത്‌കൊണ്ടു നമാക്ക് ബേ്ണ്ടി ബേ്ണ്ട്‌ന്റാന്.

1 കൊരിന്ത്യഗാറാര് 15:3

നാന് കേ്ട്ടെ്ഡ്‌ത്ത് നിമാക്ക് സൊന്ന മ്‌ഗ്‌ന്ത കാര്യ എന്തെന്റ് സൊന്ന, സാമി സൊല്ലുസുലാക്കാത്ത്‌ല് മുന്നുക്കു താനെ സൊല്ലി ബെത്ത്‌റ്‌ക്കുവ പാസെ ക്‌റ്‌സ്‌ത്ത് നമ്മ ഗേവ പാവാക്ക് ബേ്ണ്ടി സത്താന്.

2 കൊരിന്ത്യഗാറാര് 5:15

അയാള് എല്ലാ ആള്‌ഗാള്‌ക്ക് ബേ്ണ്ടി സത്താന്. അദ്‌നാലെ പെ്ളേക്ക്‌ന്റവാര് ഇന്നി തമാക്ക് ബേ്ണ്ട്യല്ല, തമാക്ക് ബേ്ണ്ടി സത്ത പ്‌റ സാമി ഉജുര്‌ളാക്ക്‌ന ആണ്ടവാന്‌ക്ക് ബേ്ണ്ടിത്തെ പെ്ളേക്കുഡൊ.

2 കൊരിന്ത്യഗാറാര് 5:21

ക്‌റ്‌സ്‌ത്ത് പാവ ഇല്ലത്തവാന് ആയിന്താന്. നമ്മ ഗേന്ത പാവഗാള്‌നെല്ല സാമി അയാള് തലേക്ക് ഏ്റ്‌സ്‌നാന്. അത്തെ അയാളോഡ രാജി കൂഡിര്‌ക്കുവ പേര്‌ല് സാമി നമാന നേര്‌മെ ഉള്ളവാര് ആയി സേത്തി ബെക്ക്‌ന്റാന്.

എപസോസുഗാറാര് 5:2

എന്ത്‌ക്കെന്റ് സൊന്ന ക്‌റ്‌സ്‌ത്ത് ഏസ്സ് നമ്മോഡ സീവാന്‌ബെത്ത് നമ്മ ഗേന്ത പാവഗാള്‌ക്ക് ബേ്ണ്ടി തന്ന് പെ്ളേപ്പ്‌ന സാമിക്ക് നല്ല ബാഡെ അഡിക്കുവ നേര്‌സെ പലി കൊഡുത്താന്. അത്തെ സാമിക്ക് മെച്ച്‌പ്‌ഡിത്ത ദിന്‌സ്‌ല് ക്‌റ്‌സ്‌ത്ത് പെ്ളേത്ത പാസെ നിമ്മാമ് ആങ്കീങ്ക് സീവാന്‌ബെത്ത് പെ്ളേന്.

1 തെസെലോനിക്ക്യഗാറാര് 4:13

ഏസ്സ്‌ഗാറാരെ, സത്തവാര്‌ന പറ്റി നെഞ്ചഡെ ഇല്ലാത്ത ആള്‌ഗാള്‌ത്തെ അവാര്‌ന നെനേത്ത് ദുക്കപഡുവാദ്. ആന നമ്മാഗൊ അവാര്‌ന മറിസിമ് കാണ്‌ല എന്റ് നെഞ്ചഡെ ബെത്ത്‌റ്‌ക്ക്‌ന്റാമ്. അദ്‌നാലെ സത്തവാര്‌ന പറ്റി ദുക്കപഡാദെ അവാര്‌ന പറ്റി നിമ്മ തെരിന്ത്‌റ്‌ക്കുഡൊ എന്റ് എമ്മ ആസെപഡ്‌ന്റേമ്.

1 തെസെലോനിക്ക്യഗാറാര് 4:15

ഏസ്സ്‌ന നമ്പി സത്തവാര്‌ത്തെ ആണ്ടവാന് ബരുവ നാള്‌ല് ഉജുരോഡ ഇര്‌ക്കുവ നമാക്ക് മുദാല് അയാള് പട്ട്‌ക്ക് പോവാദ് എന്റ് ആണ്ടവാന് സൊന്ന നായന എമ്മ നിമാക്ക് ഇന്നാല് സൊന്റേമ്.

1 തെസെലോനിക്ക്യഗാറാര് 4:17

പ്‌റ ഇന്നാല് ഉജുരോഡ മിച്ച ഇര്‌ക്കുവ നമ്മ സത്തിന്ത് ഉജുര്‌ളാഗ്‌നവാരോഡൊപ്പ ബാന്‌ല് ആണ്ടവാന്‌ന കാണ്യ മഞ്ച്‌ല് ഒന്റായി പോല. അത്തെ നമ്മ എന്നാല്‌ക്ക്‌മ് ആണ്ടവാനോഡൊപ്പ ഇര്‌ക്ക്‌ല.

1 തെസെലോനിക്ക്യഗാറാര് 5:6

അദ്‌നാലെ ബേ്റെ ആള്‌ഗാള്‌ന പാസെ ഉറാങ്ക്‌ന്റവാര് ആഗാദെ ആരേമ്പോഡാമ് ബോദ ഉള്ളവാരായിമ് ഇര്‌ന്.

1 തിമിത്തോസു 2:6

എല്ലാ മന്‌സാര്‌ഗാള്‌ക്ക്‌മ് അവനവാന് ഗേവ പാവാക്ക് കെ്ഡേക്കുവ ദെ്ണ്ടണേക്ക് ബഡ്ഡി അയാള് തനാന താനെ കുരുസുക്കു ഒപ്പുസുനാന്. ഇദെല്ല സാമി മുഡിവാക്കിന്ത സമ്യാത്ത്‌ല് താനെ നഡാന്ത്‌ദ്. എല്ലാ ആള്‌ഗാള്‌നാമ് കാപാറ്റുഡൊ എന്റ് സാമിക്കിര്‌ക്കുവ ആസേക്ക് തെ്ള്‌വുത്തെ ഇദ്.

2 തിമിത്തോസു 2:11

ഇത്തെ ഒന്റു സൊല്ലു ഇര്‌ക്ക്‌ന്റ്: ഇദ് നേര്‌മ് നമ്പ്യ മുഡിവാദ്‌മ്‌ത്തെ. അദ് എത്തെ എന്റ് സൊന്ന: നമ്മ അയാളോഡ സത്തിന്തദാന നമ്മ അയാളോഡ പെ്ളേക്ക്‌ല.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

1 പത്ത്‌റോസു 2:24

നമ്മ പാവാക്ക് ബേ്ണ്ടി ഇന്നി പെ്ളേക്കാദെ നേര്‌മേക്ക് ബേ്ണ്ടി പെ്ളേക്ക്യ ക്‌റ്‌സ്‌ത്ത് നമ്മ് പാവാനെല്ല തന്ന് സരിഗലാത്ത്‌ല് ഏറ്റെഡ്‌ത്ത് കൊണ്ടു കുരുസുലു സത്താന്. അയാള് പട്ട ഗായനാലെ നിമാക്ക് സുഗ കെ്ഡേത്ത്‌റ്‌ക്ക്‌ന്റ്.

1 പത്ത്‌റോസു 3:18

എന്ത്‌ക്കെന്റ് സൊന്ന നേര്‌മല്ലത്തവാര് ആയിര്‌ക്കുവ നിമാന സാമി പട്ട്‌ക്ക് എ്ഡ്‌ത്ത് പോയ ബേ്ണ്ടി നേര്‌മെഗാറാനാന ക്‌റ്‌സ്‌ത്ത് നിമ്മ് പാവാക്ക് ബേ്ണ്ടി ഒന്റു ജമ്പ് സത്താന്. അയാള് സരിഗലാത്ത്‌ല് സത്താല്‌മ് നിഗാല്‌നാലെ പെ്ളേക്ക്‌ന്റാന്.