1 തെസെലോനിക്ക്യഗാറാര് 3:13 - സാമി സേദി

¹³ അത്തെ നമ്മ് ആണ്ടവാന് ഏസ്സ് സാമിക്ക് പട്ട എല്ലാ ആള്‌ഗാളോഡാമ് ബര്‌ഗാട്ടി നമ്മ് സാമിമ് അപ്പാന്‌മ് ആയിര്‌ക്ക്‌ന്റവാന് കണ്ണ്‌ക്ക് നിമ്മ കുറ്റകൊറേവു ഇല്ലത്തവാര്‌മ് സാമിക്ക് പട്ടവാര്‌മ് ആയിര്‌ക്ക്യ ആണ്ടവാന് നിമ്മ് നെഞ്ച്‌ന ദയിരപഡുസുഡൊ.

1 തെസെലോനിക്ക്യഗാറാര് 3:13 ပူးပေါင်းရင်းမြစ်များ

മത്തായി 25:31

<<മന്‌സാനായി പ്‌റാന്തവാന് തന്ന് മദ്‌പ്പ്‌ല് എല്ലാ സാമിദൂദാരോഡ ബര്‌ഗാട്ടി തന്ന് മദ്‌പ്പിര്‌ക്കുവ കുറിഞ്ചിക്ക് കുക്കാക്കുവാന്.

മര്‌ക്കോസു 8:38

ഇന്നാല്‌ല ആള്‌ഗാള് കണ്ടപഡിക്ക് പാവ ഗേന്ത് കൊണ്ടു നഡാക്ക്‌ന്റാര്. ഈ കാലാത്ത്‌ല് ആരാറ്റ എനാന പറ്റ്യൊ എന്ന് സൊല്ലുസുലാക്കന പറ്റ്യൊ നാണപട്ടദാന മന്‌സാനായി പ്‌റാന്തവാന് തന്ന് അപ്പാന് തന്ത മദ്‌പ്പ്‌ല് സാമിദൂദാരൊപ്പ ബര്‌ഗാട്ടി അവാര്‌ന നെനേത്ത് നാണപഡുവാന്.>>

ലൂക്കോസു 1:6

സാമി കണ്ണ്‌ക്ക് അവാര് റാഡാള്‌മ് നേര്‌മെഗാറാരായി പെ്ളേത്തിന്താര്. ആര്‌ക്ക്‌മ് കുറ്റ സൊല്ല്യ മുഡ്യാത്ത ദിന്‌സ്‌ല് ആണ്ടവാന് ബെത്ത സട്ടഗാള്‌ക്ക്‌മ് കല്‌പനെഗാള്‌ക്ക്‌മ് അവാര് കെ്ട്ട്‌പട്ട് നഡാന്തിന്താര്.

റോമഗാറാര് 14:4

ബേ്റൊന്റൊരുത്താന് ഗിലാസഗാറാന്‌ന കുറ്റ ബിദിക്ക്യ നീയാര്? അയാള് ഗേവാദ് നല്ലാദൊ കെ്ട്ടാദൊ എന്റ് മുഡിവു മാഡുവാദ് അയാള് പണ്ണാഡിത്തെ. അയാള് പണ്ണാഡി ആയിര്‌ക്കുവ ആണ്ടവാന് അയാള്‌ക്ക് ബില കൊഡുക്കുവാദ്‌നാലെ നല്ലാദ് എന്തോ അയി കാര്യ അയാള് ഗേവാന്.

റോമഗാറാര് 16:25

ഏസ്സ് ക്‌റ്‌സ്‌ത്ത്‌ന പറ്റി നാന് സൊല്ലുവ നായന ബെത്ത്‌മ് നല്ല സേദിന ബെത്ത്‌മ് സാമിക്ക് നിമാന ഒറേപ്പ് മാഡ്യ മുഡിമ്. മുന്തെല കാലാത്ത്‌ല് ആള്‌ഗാള്‌ക്ക് ഈ നല്ല സേദി പൊറുളു മറേസി ബെത്തിന്താദ്‌ത്തെ.

1 കൊരിന്ത്യഗാറാര് 15:23

ആന എല്ലാര്‌മ് ഒന്റേ ബെപ്പ്‌ല് അല്ല ഉജുര്‌ളാഗുവാദ്. ആദ്യ ക്‌റ്‌സ്‌ത്ത്‌ത്തെന്റ, പിന്നെ അയാള് ബര്‌ഗാട്ടി അയാള്‌ക്കുള്ളവാര് ഉജുര്‌ളാഗുവാര്,

ഗലാത്ത്യഗാറാര് 1:4

നമ്മ് പാവാന തീത്ത് ഈ കേ്ഡ്‌ഗെ്ട്ട ഉലഗാത്ത്‌ലിന്ത് നമാന കാപാറ്റ്യ ബേ്ണ്ടി ക്‌റ്‌സ്‌ത്ത് തനാന താനെ പലി കൊഡുത്താന്. ഇദ്‌ത്തെ അപ്പാനാന സാമി ആസെപട്ടിന്ത കാര്യ.

പിലിപ്പ്യഗാറാര് 1:10

അത്തെ നിമ്മ് പെ്ളേപ്പ്‌ല് മുക്ക്യമാന കാര്യ ഏദൊ അദ്‌ന തെരിന്തെ്ഡ്‌ക്ക്യാമ് നിമാക്ക് മുഡിമ്. അന്നാപ്പ് ക്‌റ്‌സ്‌ത്ത് ബരുവ നാള് നിമ്മ കവാഡില്ലാത്ത മനേസ്സ്‌ഗാറാര്‌മ് നിമാന പറ്റി ഒന്റു കുറ്റാമ് സൊല്ല്യ മുഡ്യാത്ത ദിന്‌സ്‌ല് പെ്ളേക്ക്‌ന്റവാര്‌മ് ആയി കാണ്യ മുഡിമ്.

കൊലേസ്യഗാറാര് 1:22

ആന ഏസ്സ് മന്‌സാനായി സത്താദ്‌നാലെ സാമി നിമാന കുറ്റകൊറേവു ഇല്ലത്തവാര്‌മ് സാമിക്ക് പട്ടവാര്‌മ് കെ്ട്ടെ്ണ്ണ ഇല്ലത്തവാര്‌മ് മാഡി തനാക്ക് എ്ണേവുഗാറാര് മാഡി ബെത്ത്‌റ്‌ന്റാന്.

1 തെസെലോനിക്ക്യഗാറാര് 2:19

എന്ത്‌ക്കെന്റ് സൊന്ന, നമ്മ് ആണ്ടവാന് ഏസ്സ് ബര്‌ഗാട്ടി അയാള് മുന്നുക്കു നിമാനല്ലാദെ ബേ്റെ ആര്‌ന കാണ്യ എമ്മ ആസെപഡ്‌ന്റേമ്? അയി നാള് എമാക്ക് ബരുവ പിര്യാമ്, പേര്‌പെരിമേക്ക് എമാക്ക് കെ്ഡേക്കുവ ഗിര്യാഡാമ് നിമ്മാത്തെ.

1 തെസെലോനിക്ക്യഗാറാര് 3:11

നമ്മ് അപ്പാനാന സാമിമ്, നമ്മ് ആണ്ടവാന് ഏസ്സ്‌മ് എമാക്ക് നിമ്മ് പട്ട്‌ക്ക് ബരുവാദ്‌ക്കുള്ള ബട്ടെ മാഡി തര്‌ഡൊ.

1 തെസെലോനിക്ക്യഗാറാര് 4:15

ഏസ്സ്‌ന നമ്പി സത്തവാര്‌ത്തെ ആണ്ടവാന് ബരുവ നാള്‌ല് ഉജുരോഡ ഇര്‌ക്കുവ നമാക്ക് മുദാല് അയാള് പട്ട്‌ക്ക് പോവാദ് എന്റ് ആണ്ടവാന് സൊന്ന നായന എമ്മ നിമാക്ക് ഇന്നാല് സൊന്റേമ്.

1 തെസെലോനിക്ക്യഗാറാര് 4:17

പ്‌റ ഇന്നാല് ഉജുരോഡ മിച്ച ഇര്‌ക്കുവ നമ്മ സത്തിന്ത് ഉജുര്‌ളാഗ്‌നവാരോഡൊപ്പ ബാന്‌ല് ആണ്ടവാന്‌ന കാണ്യ മഞ്ച്‌ല് ഒന്റായി പോല. അത്തെ നമ്മ എന്നാല്‌ക്ക്‌മ് ആണ്ടവാനോഡൊപ്പ ഇര്‌ക്ക്‌ല.

1 തെസെലോനിക്ക്യഗാറാര് 5:23

നിമ്മ്‌ദി തരുവ സാമി നിമാന ഒന്റേപെ്ട്ട് സുത്താപ്പുള്ളവാര് മാഡുഡൊ. നമ്മ് ആണ്ടവാന് ഏസ്സ് ക്‌റ്‌സ്‌ത്ത് ബര്‌ഗാട്ടി അയാള് മുന്നുക്കു നിമ്മ് നിഗാല്‌നാമ്, ഉജുരുനാമ്, ഉരുവുനാമ് സെറ്റെ ഗുഡി കുറ്റകൊറേവു ഇല്ലത്തദായി സാമി നിമാന സൂസാരിത്ത് ബെക്കുഡൊ.

2 തെസെലോനിക്ക്യഗാറാര് 1:10

സാമിക്ക് പട്ട തന്ന് ആള്‌ഗാള്‌ലിന്ത്‌മ് തനാന നമ്പ്‌ന എല്ലാ ആള്‌ഗാള്‌ലിന്ത്‌മ് മാനാമ് മദ്‌പ്പ്‌മ് കെ്ഡേസ്യ അയി നാള്‌ല് അയാള് ബര്‌ഗാട്ടി നിമ്മാമ് അയി കൂട്ടാത്ത്‌ല് ഇര്‌ക്കുവുറു. എന്ത്‌ക്കെന്റ് സൊന്ന എമ്മ നിമാക്ക് സൊന്ന നല്ല സേദിന കേ്ട്ട് നിമ്മ നമ്പ്‌ന്‌റല്ല.

2 തെസെലോനിക്ക്യഗാറാര് 1:7

അദുക്കുള സാമിന തെര്യാത്തവാര്‌നാമ് നമ്മ് ആണ്ടവാന് ഏസ്സ് സൊന്ന നല്ല സേദി സൊല്ലുപഡിക്ക് നഡാക്കാത്തവാര്‌നാമ് അയാള് പള്യെ്ഡ്‌ക്കുവാന്.

2 തെസെലോനിക്ക്യഗാറാര് 2:1

ഏസ്സ്‌ഗാറാരെ, നമ്മ് ആണ്ടവാന് ഏസ്സ് ക്‌റ്‌സ്‌ത്ത് ബരുവാദ്‌ന പറ്റിമ് അയാളോഡ നമ്മ ഒന്റായി എ്ണേവാദ്‌ന പറ്റിമ് നിമാക്ക് സൊല്ല്യ ഇര്‌ക്കുവാദ് എന്തെന്റ് സൊന്ന:

ആക്കോവു 5:8

ആണ്ടവാന് ഏസ്സ് സാമി ബരുവാദ്‌ക്കുള്ള നേര അഡ്‌ത്ത്‌റ്‌ക്കുവാദ്‌നാലെ നിമ്മ ഒന്റേ മനേസ്സോഡ കജട്ടന താങ്കി കാത്ത്‌റ്‌ക്കുഡൊ.

1 പത്ത്‌റോസു 5:10

എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്‌ക്ക്‌മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്.

ജൂദാന് 1:14

ആദി മന്‌സാന് ആദാമ്‌ലിന്ത് ഏ്ളാവാദ് തലെകെ്ട്ട്‌ല് പ്‌റാന്ത ആനോക്കു ഇവാര്‌ന പറ്റി സൊല്ലിര്‌ക്കുവാദ് എന്തെന്റ് സൊന്ന: <<ഇദാ, ആണ്ടവാന് എ്ണ്ണ്‌സ്യ മുഡ്യാത്ത ദൂദാര്‌ഗാളോഡ ബന്റാന്.

ജൂദാന് 1:24

നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.