1 തെസെലോനിക്ക്യഗാറാര് 3:11 - സാമി സേദി

¹¹ നമ്മ് അപ്പാനാന സാമിമ്, നമ്മ് ആണ്ടവാന് ഏസ്സ്‌മ് എമാക്ക് നിമ്മ് പട്ട്‌ക്ക് ബരുവാദ്‌ക്കുള്ള ബട്ടെ മാഡി തര്‌ഡൊ.

1 തെസെലോനിക്ക്യഗാറാര് 3:11 ပူးပေါင်းရင်းမြစ်များ

മത്തായി 6:14

അഡ്‌ത്തവാര് നിമാക്ക് ഗേന്ത കുറ്റഗാള്‌ന നിമ്മ പൊറുത്തദാന മേലോഗാത്ത്‌ലിര്‌ക്കുവ നിമ്മ് അപ്പാന്‌മ് നിമ്മ ഗേന്ത കുറ്റഗാള്‌ന പൊറുക്കുവാന്.

മത്തായി 6:18

അന്നാപ്പ് ആര്‌ക്ക്‌മ് കാണ്യ മുഡ്യാത്ത നിമ്മ് അപ്പാനാന സാമിക്കല്ലാദെ ബേ്റെ ആര്‌ക്ക്‌മ് നീ തീനി തിന്നാദിന്ത് പരേസ്‌ന്റായി എന്റ് തെര്യാമാട്ട. നീ സൂഗാന ഗേവാദ്‌ന കാണുവ അയി നിന്ന് അപ്പാനാന സാമി നിനാക്ക് കൂലി തരുവാന്.>>

മത്തായി 6:26

ബാന്‌ല് പറാക്കുവ പക്കിഗാള്‌ന നോഡുനു. അദ്‌ഗാള് ബിത്തുവാദ്‌മില്ലെ, അറുക്കുവാദ്‌മില്ലെ, ബല്ലാക്ക് അട്ടി ബെക്കുവാദ്‌മില്ലെ. എന്റിന്ത്‌മ് മേലോഗാത്ത്‌ല നിമ്മ് അപ്പാന് സാമി അദ്‌ഗാള്‌ന പെ്ളേസ്‌ന്റാന്. ആന നിമ്മ അയി പക്കിഗാള്‌ന ബ്‌ഡ എത്ത്‌റാഗോ ബെലെ ഇര്‌ക്ക്‌ന്റവാരല്ല?

മത്തായി 6:32

എന്ത്‌ക്കെന്റ് സൊന്ന സാമിന തെര്യാത്ത ജാദിഗാള് ഇത്തവ കാര്യഗാള്‌ക്കൊട്ടുക്കു ബേ്ണ്ടി അലേന്ത് നഡാക്ക്‌ന്റാര്. ആന ഈ കാര്യഗാളെല്ല നിമാക്ക് ബേ്ഡ്‌മെന്റ് മേലോഗാത്ത്‌ല നിമ്മ് അപ്പാന് സാമിക്ക് തെരിമ്.

മത്തായി 6:4

അന്നാപ്പ്‌ത്തെ അദ് സൂഗാന ഗേവാദാമ്. അത്തെ നിമ്മ സൂഗാന ഗേവാദ്‌ന കാണുവ നിമ്മ് അപ്പാനാന സാമി നിമാക്ക് കൂലി തരുവാന്.>>

മത്തായി 6:6

ആന നീ പരേസ്‌ഗാട്ടി കുച്ചുകുളാക്ക് പോയി ബാസന അഡേത്ത് ആര്‌മ് കാണാദിര്‌ക്കുവ നിന്ന് അപ്പാനാന സാമിക്ക് പരേസ്. നീ സൂഗാന ഗേവാദ്‌ന കാണുവ അപ്പാനാന സാമി നിനാക്ക് കൂലി തരുവാന്.

മര്‌ക്കോസു 1:3

<<ബെ്ട്ടെകാഡ്‌ല് ആലാത്താലാത്ത് ഒരുത്താന് സൊല്ലുന്റാന്: <ആണ്ടവാന് ബന്റാന്, ബട്ടെ മാഡി ബെയിന്; ബട്ടെന നലമായി മാഡി ബെയിന്.> >>

ലൂക്കോസു 12:30

ഉലഗാത്ത്‌ല് സാമിന തെര്യാത്ത ജാദിഗാള് ഇത്തവ കാര്യഗാള്‌ക്കൊട്ടുക്കു ബേ്ണ്ടി അലേന്ത് നഡാക്ക്‌ന്റാര്. ആന ഈ കാര്യഗാളെല്ല നിമാക്ക് ബേ്ഡ്‌മെന്റ് നിമ്മ് അപ്പാന് സാമിക്ക് തെരിമ്.

ലൂക്കോസു 12:32

സ്‌ന്ന ആഡ് കൂട്ടഗാളെ, അഞ്ചദേന്. നിമാന സാമി ആളുവ നാഡ്‌ക്ക് പട്ടവാര് മാഡ്യ ബേ്ണ്ടി നിമ്മ് അപ്പാനായിര്‌ക്കുവ സാമിക്ക് പിര്യപ്‌ഡിത്ത്‌റ്‌ക്ക്‌ന്റ്.

ഓഗന്നാന് 20:17

ഏസ്സ് അവാള്‌ക്ക്: <<എനാന പ്‌ഡിക്കാദെ, എന്ത്‌ക്കെന്റ് സൊന്ന നാന് ഇന്നമാട്ട്‌ക്ക് അപ്പാന് സാമി പട്ട്‌ക്ക് തിരിഗി പോഗാലെ. ആന നീ പോയി എന്ന് സൊല്ലുപഡി നഡാക്ക്‌ന്റവാര്‌ക്ക്: <എന്ന് സാമിമ് നിമ്മ് സാമിമ് എന്ന് അപ്പാന്‌മ് നിമ്മ് അപ്പാന്‌മ് ആനവാന് പട്ട്‌ക്ക് നാന് തിരിഗി പോന്റെ> എന്റ് സൊല്ലു>> എന്റ് സൊന്നാന്.

റോമഗാറാര് 1:3

റോമ പട്ടണാത്ത്‌ല് സാമിക്ക് മെച്ച്‌പ്‌ഡിത്തവാര്‌മ്, സാമി ബ്‌ളിത്ത്‌റ്‌ന്റവാര്‌മ്, സാമിക്ക് പട്ടവാര്‌മ് ആയിര്‌ക്കുവ ആള്‌ഗാള്‌ക്കൊട്ടുക്കു എ്ള്‌ദുവ എ്ള്‌ത്ത്.

2 കൊരിന്ത്യഗാറാര് 6:18

<<നാന് നിമ്മ് അപ്പാന്‌മ് നിമ്മ എനാക്ക് മഗാനാര്‌മ് മഗളാര്‌മ് ആയിര്‌ക്കുവുറു എന്റ് എല്ലാ ബിലാമ് ഇര്‌ക്കുവ ആണ്ടവാന് സൊന്റാന്.>>

ഗലാത്ത്യഗാറാര് 1:4

നമ്മ് പാവാന തീത്ത് ഈ കേ്ഡ്‌ഗെ്ട്ട ഉലഗാത്ത്‌ലിന്ത് നമാന കാപാറ്റ്യ ബേ്ണ്ടി ക്‌റ്‌സ്‌ത്ത് തനാന താനെ പലി കൊഡുത്താന്. ഇദ്‌ത്തെ അപ്പാനാന സാമി ആസെപട്ടിന്ത കാര്യ.

1 തെസെലോനിക്ക്യഗാറാര് 3:13

അത്തെ നമ്മ് ആണ്ടവാന് ഏസ്സ് സാമിക്ക് പട്ട എല്ലാ ആള്‌ഗാളോഡാമ് ബര്‌ഗാട്ടി നമ്മ് സാമിമ് അപ്പാന്‌മ് ആയിര്‌ക്ക്‌ന്റവാന് കണ്ണ്‌ക്ക് നിമ്മ കുറ്റകൊറേവു ഇല്ലത്തവാര്‌മ് സാമിക്ക് പട്ടവാര്‌മ് ആയിര്‌ക്ക്യ ആണ്ടവാന് നിമ്മ് നെഞ്ച്‌ന ദയിരപഡുസുഡൊ.

1 തെസെലോനിക്ക്യഗാറാര് 4:16

ആണ്ടവാന് അമ്‌സാത്തോഡ സൊല്ലുവ കല്‌പനോഡാമ് മുക്ക്യമാന ദൂദാന് മാഡുവ ജദ്ദത്തോഡാമ് സാമി ആലാക്കുവ ആലാപ്പോഡാമ് മേലോഗാത്ത്‌ലിന്ത് ഇ്റാഗി ബരുവാന്. അദുക്കുള ക്‌റ്‌സ്‌ത്ത്‌ന നമ്പി സത്തവാര് മുദാല് ഉജുര്‌ളാഗുവാര്.

1 തെസെലോനിക്ക്യഗാറാര് 5:23

നിമ്മ്‌ദി തരുവ സാമി നിമാന ഒന്റേപെ്ട്ട് സുത്താപ്പുള്ളവാര് മാഡുഡൊ. നമ്മ് ആണ്ടവാന് ഏസ്സ് ക്‌റ്‌സ്‌ത്ത് ബര്‌ഗാട്ടി അയാള് മുന്നുക്കു നിമ്മ് നിഗാല്‌നാമ്, ഉജുരുനാമ്, ഉരുവുനാമ് സെറ്റെ ഗുഡി കുറ്റകൊറേവു ഇല്ലത്തദായി സാമി നിമാന സൂസാരിത്ത് ബെക്കുഡൊ.

2 തെസെലോനിക്ക്യഗാറാര് 2:16

നമാന സീവാന് പട്ടവാന്‌മ് നമാക്ക് പ്‌ണ്ണ്യ ഗേന്ത് നമാന ദയിരപഡ്‌സ്‌ന്റവാന്‌മ് നമാക്ക് ഏസ്സ് ക്‌റ്‌സ്‌ത്ത്‌ന കാത്ത്‌റ്‌ക്കുവാദ്‌ക്കുള്ള നല്ല നെഞ്ചഡെന തന്തവാന്‌മാന അപ്പാനാന സാമിമ്, നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌മ് നിമ്മ് മനേസ്സ്‌ന ദയിരപഡിസി എല്ലാ നല്ല കാര്യഗാള് ഗേയാമ് സൊല്ല്യാമ് നിമാന ഒറേപ്പുള്ളവാര് മാഡുഡൊ.

2 തെസെലോനിക്ക്യഗാറാര് 3:16

നിമ്മ്‌ദ്യായി പെ്ളേസുവ ആണ്ടവാന് താനെ ഏദ്‌ഗളിഗേമ് എല്ലാ ദിന്‌സ്‌ല്‌മ് നിമാന നിമ്മ്‌ദ്യായി പെ്ളേസുഡൊ. ആണ്ടവാന് നിമ്മ എല്ലാരോഡാമ് ഇര്‌ക്കുഡൊ.

2 തെസെലോനിക്ക്യഗാറാര് 3:5

സാമി സീവാന്‌ന പാസെ സീവാനിര്‌ക്കുവ മനേസ്സ്‌മ് ക്‌റ്‌സ്‌ത്ത് കൊഡിമേന പൊറിമോഡ താങ്ക്‌ന പാസെ കൊഡിമേന താങ്കുവ മനേസ്സ്‌മ് ആണ്ടവാന് നിമാക്ക് തര്‌ഡൊ.

1 ഓഗന്നാന് 3:1

നോഡുനുത്തെ, സാമി നമാന തന്ന് പ്‌ള്ളെഗാളെന്റ് സൊല്ലിര്‌ക്കുവാദ്‌നാലെ താന് നമ്മോഡ എത്ത്‌റ സീവാന്‌ബെത്തിന്താന് എന്നുവാദ്‌ന കാട്ട്‌ന്റ്. ആന ഉലഗാത്ത്‌ല ആള്‌ഗാളൊട്ടുക്കു തന്ന് പ്‌ള്ളെഗാള് അല്ലാത്താദ്‌നാലേമ് അപ്പാന് സാമിന പറ്റി തെര്യാത്താദ്‌നാലേമ് അവാര്‌ക്ക് നമാന പറ്റിമ് തെരിവാദില്ലെ.

ബെ്ളിപട്ട കാര്യ 21:3

കുറിഞ്ചിലിന്ത് ദൊഡ്ഡ ഒന്റു ജദ്ദ ഇത്തെ സൊല്ലുവാദ്‌ന നാന് കേ്ട്ടെ, <<ഇദാ, മന്‌സാരോഡ സാമി ഒന്റായി തങ്കുവ എ്ഡെ, അയാള് അവാരോഡ ഒന്റായി ഇര്‌ക്കുവാന്, അവാര് അയാള് ജനഗാള് ആയിര്‌ക്കുവാര്, സാമി താന്‌താനെ അവാരോഡൊപ്പ ഇന്ത് അവാര് സാമിമ് ആയിര്‌ക്കുവാന്.