1 തെസെലോനിക്ക്യഗാറാര് 2:9 - സാമി സേദി9 ഏസ്സ്‌ഗാറാരെ, എമ്മ പട്ട പാഡ്‌നാമ്, എമ്മ പട്ട ബുദ്ദിമുട്ടുനാമ് നിമ്മ നെനേക്ക്‌ന്റ്‌റല്ല. നിമാക്ക് ആര്‌ക്ക്‌മ് ബുദ്ദിമുട്ടു മാഡാദിര്‌ക്ക്യ ബേ്ണ്ടി ഇ്റ്‌ട്ട്‌പഗാല് ഗിലാസ ഗേന്ത്‌കൊണ്ടുത്തെ സാമിന പറ്റി സൊല്ലുവ നല്ല സേദിന എമ്മ നിമാക്ക് സൊന്നാദ്. အခန်းကိုကြည့်ပါ။ |
1 തെസെലോനിക്ക്യഗാറാര് 2:9
35 ပူးပေါင်းရင်းမြစ်များ
എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.
അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.
നിമാക്ക് നമ്പിക്കെ ഇര്‌ക്കുവാദ്‌നാലെ ഗേവ ഗിലാസഗാള്‌നാമ്, സീവാന് ഇര്‌ക്കുവാദ്‌നാലെ ഏസ്സ്‌ഗാറാര്‌ന കയിതാങ്കുവ കാര്യഗാള്‌നാമ്, ആണ്ടവാന് ഏസ്സ് ക്‌റ്‌സ്‌ത്ത്‌ലിന്ത് നിമാക്ക് കെ്ഡേക്ക്യ പോവ കാര്യഗാള്‌ക്ക് ബേ്ണ്ടി ഒറേപ്പോഡ നെഞ്ചഡെബെത്ത് നിമ്മ പൊറിമോഡ കാത്ത്‌റ്‌ക്കുവാദ്‌നാമ് നമ്മ് സാമിമ് അപ്പാന്‌മ് ആയിര്‌ക്ക്‌ന്റവാന് മുന്നുക്കു നെനേത്ത് കൊണ്ടു ഒപ്പ നണ്ണി സൊന്റേമ്.
എമ്മ നിമ്മ് പട്ട്‌ക്ക് സാമി ഗിലാസാന ഗേയ ബരുവാദ്‌ക്ക് മുദാല് പിലിപ്യ പട്ടണാത്ത്‌ല് ഗേന്ത ഗിലാസഗാള്‌നാമ് എമ്മ പട്ട കജട്ടഗാള്‌നാമ് മാനകേ്ഡ്‌നാമ് പറ്റി നിമ്മ കേ്ട്ട്‌റ്‌ക്ക്‌ന്റ്‌റല്ല. അയി കജട്ടഗാള്‌ല് എമ്മ സോറ്റു പോഗാദിര്‌ക്ക്യ സാമി സക്‌തി തന്താദ്‌നാലെത്തെ എമ്മ നിമ്മ് പട്ടണാത്ത്‌ല് ബന്ത് അയി സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ എമാക്ക് ദയിര കെ്ഡേത്താദ്.
അദ്‌താനേമല്ല, എമ്മ ക്‌റ്‌സ്‌ത്ത്‌ക്ക് അപ്പോസുത്തലാര് ആയിര്‌ക്കുവാദ്‌നാലെ അദേ മദ്‌പ്പ്‌ല് നിമ്മ് പട്ട്‌ല് ഇര്‌ക്ക്യ എമാക്ക് അദിഗര ഇര്‌ക്ക്‌ന്റ്. അത്തെ ഇന്ത് ഗുഡി എമ്മ നിമ്മോഡിന്തൊ ബേ്റെ ആള്‌ഗാള്‌ലിന്തൊ അത്തെ ഏദ് മന്‌സാനോഡിന്ത്‌മ് അയി മദ്‌പ്പ് കെ്ഡേക്കുഡൊ എന്റ് നോഡാദെ അവ്വേസി തന്ന് മക്കാള്‌ഗാള്‌ന നോഡുവ പാസെത്തെ എമ്മ നിമാന പേര്‌ഗെ്ളേത്തിന്താദ്.
ကြော်ငြာတွေ