1 തെസെലോനിക്ക്യഗാറാര് 2:15 - സാമി സേദി

¹⁵ എഗുദാര് ആണ്ടവാന് ഏസ്സ്‌നാമ് തമ്മ് സാമിദാസ്‌ഗാള്‌നാമ് കൊന്റാര്, എമനാമ് കൊഡിമെപഡ്‌സ്‌നാര്. അവാര് സാമിന പിര്യപഡ്‌സത്തവാര്‌മ് ജനഗാള്‌ക്ക് ഒട്ടുക്കു പോട്ടിക്ക് നില്ല്‌ന്റവാര്‌മ്‌ത്തെ.

1 തെസെലോനിക്ക്യഗാറാര് 2:15 ပူးပေါင်းရင်းမြစ်များ

മത്തായി 23:37

<<എര്‌സലേമെ, എര്‌സലേമെ, നീ സാമിദാസ്‌ഗാള്‌ന കൊന്റവാള്‌മ് നിന്ന് പട്ട്‌ക്ക് സൊല്ലി ബ്‌ട്ട സേദിഗാറാര്‌ക്ക് കല്ലെ്റിന്തവാള്‌മ്‌ത്തെ. കോയി തന്ന് കുഞ്ചിഗാള്‌ന ഇ്റാക്കെ കുളാക്ക് സേത്തി ബെക്കുവ പാസെ നിന്ന് ജനഗാള്‌ന സേത്തി ബെക്ക്യ എനാക്ക് എത്ത്‌റാഗോ മനേസ്സിന്ത്‌ദ്. ആന നിനാക്ക് മനേസ്സിര്‌ക്കാലെ.

മത്തായി 27:25

<<അയാള്‌ന കൊന്റ പാവ എമ്മ് തലേക്ക്‌മ് എമ്മ് മക്കാള്‌മറി തലേക്ക്‌മ് തട്ട്‍ഡൊ>> എന്റ് അവാര് എല്ലാവാര്‌മ് ബദ്‌ല് സൊന്നാര്.

മത്തായി 5:12

മേലോഗാത്ത്‌ല് സാമി നിമാക്ക് മ്‌ഗ്‌ന്ത കൂലി ബെത്ത്‌റ്‌ക്കുവാദ്‌നാലെ നിമ്മ പിര്യപൊങ്കിമറ്‌ന്ത് നഡാന്. നിമാക്ക് മുദാല് പെ്ളേത്തിന്ത സാമിദാസ്‌ഗാള്‌നാമ് ആള്‌ഗാള് ഇദേപാസെ കൊഡിമെപഡിസിര്‌ക്ക്‌ന്റാര്.>>

ലൂക്കോസു 24:20

നമ്മ് പൂസാരി തലെവാര്‌ഗാള്‌മ് എഗുദാര് തലെവാര്‌ഗാള്‌മ് കൊല്ല്യ ബേ്ണ്ടി ബിദിക്ക്യ അയാള്‌ന ബ്‌ട്ട് കൊഡുത്താര്. അത്തെ അയാള്‌ന കുരുസുക്കു സേത്തി ആണി അഡിത്താര്.

അപ്പോസുത്തലാര് 12:3

അദ്‌ന എഗുദാര് പിര്യപട്ടാര് എന്റ് എരോദ കണ്ടാന്. അദ്‌നാലെ അയാള് പത്ത്‌റോസുനാമ് പ്‌ഡിത്ത് ജെയില്‌ക്ക് ഇക്കുഡൊ എന്റ് മുഡിവു എ്ഡ്‌ത്താന് (പുളി ഇല്ലാത്ത അഡെ നോമ്പിഗളിഗേല്‌ത്തെ അദ് ഗേന്താദ്.)

അപ്പോസുത്തലാര് 2:23

സാമി ഏസ്സ്‌ന എന്ത് ഗേഡൊ എന്റ് മുദാല് താനെ മുഡിവെ്ഡ്‌ത്ത് ഒറേപ്പ് മാഡി ബെത്തിന്ത പാസെ അയാള്‌ന നിമ്മ് കയിക്ക് ഒപ്പുസുനാന്. നിമ്മ അയാള്‌ന കേ്ഡ്‌ഗെ്ട്ടവാര് കയിക്ക് കൊഡുത്തുറു. അവാര് ഏസ്സ്‌ന കുരുസുക്കു ആണി അഡിത്ത് കൊന്റു തള്ള്‌നാര്.

അപ്പോസുത്തലാര് 3:15

ഉജുരു തന്റവാന്‌ന നിമ്മ കൊന്റു തള്ള്‌ന്‌റ്, ആന സാമി അയാള്‌ന സത്തവാര് പട്ട്‌ലിന്ത് ഉജുര്‌ളാക്ക്‌നാന്. എമ്മ അദ്‌ന കണ്ടേമ്.

അപ്പോസുത്തലാര് 4:10

അത്ത്യാന നിമ്മാമ്, ഇസ്‌റവേല് ജനഗാളൊട്ടുക്കുമു ഇദ്‌ന തെരിന്ത്‌റ്‌ക്കുഡൊ. നിമ്മ കുരുസുക്കു സേത്തി ആണി അഡിത്ത് കൊന്റ നസറേത്ത്‌ഗാറാന് ഏസ്സ് ക്‌റ്‌സ്‌ത്ത്‌ന സാമി സാവുലിന്ത് ഉജുര്‌ളാക്ക്‌നാന്. അയി ഏസ്സ് പേര്‌ല്‌ത്തെ ഈ മൊണ്ടി നല്ല മുജുവോഡ നിമ്മ് മുന്നുക്കു നിന്റ് ഇര്‌ന്റാന്.

അപ്പോസുത്തലാര് 5:30

നിമ്മ കുരുസുക്കു സേത്തി ആണി അഡിത്ത് കൊന്റ ഏസ്സ്‌ന നമ്മ് പാട്ടനാമ് സാമി സാവുലിന്ത് ഉജുര്‌ളാക്ക്‌നാന്.

അപ്പോസുത്തലാര് 7:52

നിമ്മ് പാട്ടനാമ് ഏദാറ്റ സാമിദാസ്‌ഗാള്‌ന കൊഡിമെപഡ്‌സാദെ ഇന്ത്‌റ്‌ന്റാര? അദ്‌താനെ അല്ല, നേര്‌മോഡ പെ്ളേക്ക്‌ന്റവാന് ബരുവാന് എന്റ് മുദാല് താനെ സൊല്ലിന്തവാര്‌നാമ് അവാര് കൊന്റു തള്ള്‌നാര്. ആന നിമ്മാമ് ഇന്നാല് അയി നേര്‌മെഗാറാന്‌ന കാട്ടി കൊഡുത്തു അയാള്‌ന കൊന്റു തള്ള്‌ന്‌റ്.

1 കൊരിന്ത്യഗാറാര് 10:5

എന്റാല്‌മ് അവാര്‌ല് മുക്കാബാസി ആള്‌ഗാള്‌മ് സാമിക്ക് പിര്യപ്‌ഡിക്കുവ ദിന്‌സ്‌ല് പെ്ളേക്കാലെ. അദ്‌നാലെ സാമി അവാര് സാവുഗാള്‌ന ബെ്ട്ടെകാഡ്‌ല് താനെ ഇലാസി തള്ള്‌നാന്.

2 കൊരിന്ത്യഗാറാര് 11:26

ഒന്റേ പട്ട്‌ല് താനെ എനാക്ക് ഇര്‌ക്ക്യ മുഡ്യാദെ പല പല എ്ഡെഗാള്‌ക്ക്‌മ് പോവ ഗെദി ബന്ത്‌ദ്. പോഗാട്ട്യെല്ല ദൊഡ്ഡുദൊഡ്ഡ ബാനി നീര്‌ലിന്ത് ബന്ത ആവാത്ത്‌ക്ക്‌മ്, കൊള്ളെഗാറാര്‌ലിന്ത് ബന്ത ആവാത്ത്‌ക്ക്‌മ്, സൊന്ത ജാദിഗാറാര്‌ലിന്ത് ബന്ത ആവാത്ത്‌ക്ക്‌മ്, ബേ്റെ ജാദിഗാള്‌ലിന്ത് ബന്ത ആവാത്ത്‌ഗാള്‌ക്ക്‌മ് സിക്ക്‌നെ. പട്ടണഗാള്‌ലിന്ത്‌മ് സോലെഗാള്‌ലിന്ത്‌മ് കഡാല്‌ഗാള്‌ലിന്ത്‌മ് ബന്ത ആവാത്ത്‌ക്ക്‌മ് സിക്ക്‌നെ. നഡിക്കുവ ഏസ്സ്‌ഗാറാര് കൂട്ടാര്‌ലിന്ത് ബന്ത ആവാത്ത്‌ക്ക്‌മ് സിക്ക്‌നെ.