1 തെസെലോനിക്ക്യഗാറാര് 2:14 - സാമി സേദി

¹⁴ ഏസ്സ്‌ഗാറാരെ, നിമ്മാമ് എഗുദ നാഡ്‌ല് ക്‌റ്‌സ്‌ത്ത് ഏസ്സ്‌ന നമ്പിര്‌ക്കുവ ഏസ്സ്‌ഗാറാര് കൂട്ടന പാസെത്തെ. അവാര് ഏസ്സ്‌ന നമ്പാത്ത എഗുദാരായിര്‌ക്കുവ തമ്മ് ജനഗാള് കയില് കൊഡിമെപട്ടാര്. അദേപാസെത്തെ നിമ്മാമ് നിമ്മ് ജാദിഗാള് കയിലിന്ത് കൊഡിമെ പട്ട്‌റല്ല.

1 തെസെലോനിക്ക്യഗാറാര് 2:14 ပူးပေါင်းရင်းမြစ်များ

അപ്പോസുത്തലാര് 11:19

തെപാനോസു സത്ത പ്‌റ ബന്ത കൊഡിമെനാലെ ഏസ്സ്‌ഗാറാര് ജില്ലമ്പുല്ലാത്തായി തള്ള്‌നാര്. അവാര്‌ല് പഗ്‌ദ്യാള്‌ഗാള് പൊയിനിക്ക്യ, കുപ്പുറോസു, അന്തോക്ക്യ ദേസഗാള് ബരിദിക്ക് എജ്ജിന്താര്. അവാര് എഗുദാര്‌ക്ക് താനെത്തെ നല്ല സേദി സൊല്ലിന്താര്.

അപ്പോസുത്തലാര് 13:50

ആന സാമിന കുമ്മുഡിന്ത എഗുദാര് അല്ലാത്ത മദ്‌പ്പ് ഇര്‌ക്കുവ പെ്ണ്ണ്‌മക്കാള്‌നാമ് പട്ടണാത്ത്‌ല ദൊഡ്ഡുദൊഡ്ഡ തലെവാര്‌ഗാള്‌നാമ് എഗുദാര് ഗോളിസി ബ്‌ട്ട് പവുലോസുനാമ് ബറ്‌ണവാസ്‌നാമ് കൊഡിമെപഡിസ്യ പ്‌ഡിത്താര്. അത്തെ അവാര് അയി ദേസാലിന്ത് അവാര്‌ന മുഡുക്കുനാര്.

അപ്പോസുത്തലാര് 14:19

അദുക്കുള അന്തോക്ക്യ പട്ടണാത്ത്‌ലിന്ത്‌മ് ഇക്കോന്യ പട്ടണാത്ത്‌ലിന്ത്‌മ് ലേസ എഗുദാര് അദ്‌ക്ക് എജ്ജ്‌നാര്. അവാര് ആള്‌ഗാള്‌ന തമ്മ് സാരി സേത്തി പവുലോസുക്കു കല്ലെ്റിന്താര്. അയാള് സത്താന് എന്റ് നെനേത്ത് അവാര് അയാള്‌ന പട്ടണാക്ക് ബെ്ളിഗെ ഇ്ള്‌ത്തെ്ഡ്‌ത്ത് പോനാര്.

അപ്പോസുത്തലാര് 14:2

ആന ഏസ്സ്‌ന നമ്പുവാദ്‌ന തെ്റിന്ത് തള്ള്‌ന എഗുദാര് അല്ലാത്ത ജാദിഗാള്‌ക്ക് കോളു സൊല്ലി ഏസ്സ്‌ഗാറാര്‌ക്ക് പോട്ടിമാഡ്‌നാര്.

അപ്പോസുത്തലാര് 14:4

പട്ടണാത്ത്‌ല ജനഗാള് റാഡ് ബാഗ ആയി പ്‌റ്‌ന്താര്: ലേസ ആള്‌ഗാള് അപ്പോസുത്തലാരോഡാമ്, ലേസ ആള്‌ഗാള് എഗുദാരോഡാമ് എ്ണേന്താര്.

അപ്പോസുത്തലാര് 14:5

ലേസ എഗുദാര് അല്ലാത്ത ജാദിഗാള്‌മ്, ലേസ എഗുദാര്‌മ് അവാര് അദിഗാരിഗാളോഡ ഒന്റായി എ്ണേന്താര്. അദ്‌ക്ക് പ്‌റ അവാര് അപ്പോസുത്തലാര്‌ന മാനഗെ്ഡിസ്യാമ് കല്ലെ്റ്യാമ് മുഡിവെ്ഡ്‌ത്താര്.

അപ്പോസുത്തലാര് 17:13

ബെ്റോവ പട്ടണാല്‌മ് പവുലോസു സാമി സൊല്ലുസുലാക്കാന സൊന്നാനെന്റ് തെസലോനിക്ക്യാല എഗുദാര് കേ്ട്ടാര്. അദ്‌നാലെ അവാര് ആങ്ക്‌മ് പോയി ആള്‌ഗാള്‌ന ഗോളിസി കലമ്പാല് മാഡ്യ നോഡുനാര്.

അപ്പോസുത്തലാര് 18:12

ഗല്ല്യോനു അഗായ ദേസാക്ക് അദിഗാരി ആയി ആണ്ടിന്താന്. അയി ഗളിഗേല് എഗുദാര് ഒന്റായി എ്ണേന്ത് പവുലോസുന പ്‌ഡിത്ത് റോമ കോഡിദിക്ക് എ്ഡ്‌ത്ത് പോനാര്.

അപ്പോസുത്തലാര് 8:1

തെപാനോസുന കൊന്റാദ് സെരിത്തെ എന്റ് സവുലു സൊന്നാന്. അയി നാള് താനെ എര്‌സലേമ്‌ല ഏസ്സ്‌ഗാറാര് കൂട്ടാന നലമായി കൊഡിമെപഡിസ്യ പ്‌ഡിത്താര്. അപ്പോസുത്തലാര് അല്ലാത്ത ഏസ്സ്‌ഗാറാര് ഒട്ടുക്കു ജില്ലമ്പുല്ലാത്ത് ആയി തള്ള്‌നാര്. അവാര് എഗുദ, സമര്യ ദേസ സാരി പോയി എജ്ജ്‌നാര്.

അപ്പോസുത്തലാര് 8:3

ആന സവുലു ബീ്ഡ് ബീ്ഡ പോയി ഏസ്സ്‌ഗാറാര് കൂട്ടാത്ത്‌ല പെ്ണ്ണ്‌മക്കാള്‌നാമ്, ഗണ്ടാള്‌നാമ് ഇ്ള്‌ത്ത്‌ബലിത്ത് എ്ഡ്‌ത്ത് പോയി ജെയില്‌ക്ക് അഡേത്താന്. അയാള് അത്തെ ഗേന്ത് ഏസ്സ്‌ഗാറാര് കൂട്ടന കെ്ഡിസ്യ ഓരാഡ്‌നാന്.

അപ്പോസുത്തലാര് 9:1

ആണ്ടവാന് സൊല്ലുപഡി നഡാക്ക്‌ന്റവാര്‌ന കൊന്റു തള്ളുവെ എന്റ് സവുലു മെ്റ്‌ട്ട്‌നാന്.

അപ്പോസുത്തലാര് 9:13

അനനാസ് അദ്‌ക്ക് ഇത്തെ ബദ്‌ല് സൊന്നാന്. <<ആണ്ടവാനെ, എര്‌സലേമ്‌ല് ഇര്‌ക്കുവ നിന്ന് ആള്‌ഗാള്‌ന അയാള് എഞ്ച്‌ക്കൊ കൊഡിമെപഡിസിര്‌ന്റാന് എന്റ് പല ആള്‌ഗാള് സൊന്നാദ്‌ന നാന് കേ്ട്ട്‌റ്‌ന്റേന്.

അപ്പോസുത്തലാര് 9:31

അത്തെ എഗുദ, ഗലീല, സമര്യ എന്നുവ ദേസഗാള്‌ല ഏസ്സ്‌ഗാറാര് കൂട്ടഗാള്‌ക്ക് ഒട്ടുക്കു ഇന്ത തൊന്തറെ ലേസ നാള് മാട്ട്‌ക്ക് തീന്ത് നലമായി ആറ്റ്. സാമിനിഗാല് കയി താങ്ക്‌നാദ്‌നാലെ ഏസ്സ്‌ഗാറാര് കൂട്ട ഒട്ടുക്കു ഒറേത്താര്. അത്തെ അവാര് മൊത്തനാക്ക് പെര്‌ഗ്‌നാര്. അവാര് ഒട്ടുക്കു ആണ്ടവാന് ബക്‌തില് പെ്ളേത്ത് ബന്താര്.

1 കൊരിന്ത്യഗാറാര് 10:32

എഗുദാര്‌ക്കൊ എവനഗാറാര്‌ക്കൊ സാമിഗാറാര് കൂട്ടാക്കൊ തൊന്തറെ ബര്‌സ്സാത്ത ദിന്‌സ്‌ല് നിമ്മ പെ്ളേക്ക്‌ന്റവാര് ആയിര്‌ന്.

1 കൊരിന്ത്യഗാറാര് 7:17

ആന ആണ്ടവാന് നിമ്മ് പെ്ളേപ്പ്‌ല് നിമാക്ക് തന്തിന്ത കഡാമെഗാള്‌നാമ് താനെ ഗേന്ത് കൊണ്ടുമു സാമി നിമാന ബ്‌ളിത്ത ഗളിഗേല് നിമ്മ ആര് ആയിന്ത്‌റൊ അദേ ആള് ആയി താനെത്തെ ഇര്‌ക്കുഡൊ. ഈ സട്ടനാത്തെ നാന് എല്ലാ ഏസ്സ്‌ഗാറാര് കൂട്ടാത്ത്‌ല്‌മ് പഡുസുവാദ്.

ഗലാത്ത്യഗാറാര് 1:22

അയി ഗളിഗേല് എഗുദ നാഡ്‌ല് ഏസ്സ്‌ഗാറാര് കൂട്ടഗാള്‌ല ആള്‌ഗാള് എനാന പറ്റി കേ്ട്ടിന്താര്. എന്റാല്‌മ് അവാര്‌ക്ക് എനാന പളാക്കില്ലാദിന്ത്‌ദ്.

1 തെസെലോനിക്ക്യഗാറാര് 1:1

അപ്പാന് സാമ്യോഡാമ് ആണ്ടവാന് ഏസ്സ് ക്‌റ്‌സ്‌ത്തോഡാമ് എ്ണേന്ത്‌റ്‌ക്കുവ തെസലോനിക്ക്യാല് ഇര്‌ക്കുവ ഏസ്സ്‌ഗാറാര് കൂട്ടാക്ക് പവുലോസുമു സീലാസ്‌മ് തിമിത്തോസുമു എ്ള്‌ദുവ എ്ള്‌ത്ത്. സാമി നിമാക്ക് പ്‌ണ്ണ്യാമ് ഗേഡൊ, നിമാന നിമ്മ്‌ദ്യായിമ് ബെക്കുഡൊ.

1 തെസെലോനിക്ക്യഗാറാര് 1:6

മ്‌ഗ്‌ന്ത കജട്ടഗാള്‌ന നിമാക്ക് താങ്കുവാദ്‌ക്കായി ബന്ത് ഗുഡി സാമിനിഗാല് പിര്യപഡുസുവ പിര്യാത്ത്‌ല് നിമ്മ എമ്മ സൊന്ന സേദിന തങ്കാരിത്ത്‌റ്. അത്തെ ആണ്ടവാന് ഏസ്സ് പെ്ളേത്ത പാസേമ് എമ്മ പെ്ളേത്ത പാസേമ് നിമ്മ പെ്ളേത്ത് കാട്ട്‌ന്റ്റ്.

1 തെസെലോനിക്ക്യഗാറാര് 3:4

നമ്മ കൊഡിമെപഡ്യ പോന്റവാര് എന്റ് എമ്മ നിമ്മ് പട്ട്‌ല് ഇര്‌ക്കാട്ടി മുദാല് താനെ നിമാക്ക് സൊല്ലിര്‌ന്റേമ്. എമ്മ സൊന്ന പാസെത്തെ നിമാക്ക് കൊഡിമെ ബന്ത്‌ദ് എന്റ് നിമാക്ക് തെരിമല്ല.

2 തെസെലോനിക്ക്യഗാറാര് 1:1

നമ്മ് അപ്പാന് സാമ്യോഡാമ് ആണ്ടവാന് ഏസ്സ് ക്‌റ്‌സ്‌ത്തോഡാമ് എ്ണേന്ത്‌റ്‌ക്കുവ തെസലോനിക്ക്യാല ഏസ്സ്‌ഗാറാര് കൂട്ടാക്ക് പവുലോസുമു സീലാസ്‌മ് തിമിത്തോസുമു എ്ള്‌ദുവ എ്ള്‌ത്ത്.

2 തെസെലോനിക്ക്യഗാറാര് 1:4

അദ്‌നാലെ നിമ്മ പഡുവ എല്ലാ കൊഡിമെഗാള്‌നാമ് കജട്ടഗാള്‌നാമ് നിമ്മ പൊറിമോഡ താങ്കുവാദ്‌ന പറ്റിമ് ക്‌റ്‌സ്‌ത്തോഡ നിമാക്കിര്‌ക്കുവ നമ്പിക്കേന പറ്റിമ് എല്ലാ ഏസ്സ്‌ഗാറാര് കൂട്ടാക്ക്‌റാഗ എമ്മ ഉജാത്തി സൊന്റേമ്.