1 തെസെലോനിക്ക്യഗാറാര് 2:1 - സാമി സേദി

¹ അദ്‌നാലെ ഏസ്സ്‌ഗാറാരെ, എമ്മ നിമ്മ് പട്ട്‌ക്ക് ബന്താദ് ബെ്റ്‌ദെ ആഗാലെന്റ് നിമാക്ക് തെരിമല്ല.

1 തെസെലോനിക്ക്യഗാറാര് 2:1 ပူးပေါင်းရင်းမြစ်များ

1 കൊരിന്ത്യഗാറാര് 15:10

ആന സാമി പ്‌ണ്ണ്യാത്ത്‌ല്‌ത്തെ നാന് അപ്പോസുത്തലാന് ആനാദ്. സാമി എനാക്ക് ഗേന്ത പ്‌ണ്ണ്യ ഉവഗര ഇല്ലത്താദ് ആഗാലെ. ബേ്റെ അപ്പോസുത്തലാര്‌ന ബ്‌ഡ നാന് മ്‌ഗ്‌ന്ത പാഡ്‌പട്ട്‌റ്‌ന്റെ. നാന് ഒരുത്താന് താനെ എന്തൊന്റു ഗേന്തേന് എന്റല്ല, സാമി പ്‌ണ്ണ്യാത്ത്‌ല്‌ത്തെ നാന് ഇദെല്ല ഗേന്താദ്.

1 കൊരിന്ത്യഗാറാര് 15:2

നാന് നിമാക്ക് സൊന്ന അയി നല്ല സേദിന ഒറേപ്പായിമ് നമ്പ്‌നദാന നിമ്മ തപ്പിസി കഡാക്ക്‌ന്റ്‌റ്, നമ്പാദെ പോന നിമ്മ് നമ്പിക്കെ ബെ്റ്‌ദ്യായി തള്ള്‌മ്.

1 കൊരിന്ത്യഗാറാര് 15:58

അദ്‌നാലെ ഏസ്സ്‌ഗാറാരെ, എനാക്ക് മെച്ച്‌പ്‌ഡിത്ത്‌റ്‌ക്കുവ നിമ്മ നമ്പിക്കേല് ഒറേപ്പുള്ളവാരായി അജ്‌ങ്കാദെ ഇര്‌ന്. ആണ്ടവാന്‌ക്ക് ബേ്ണ്ടി പാഡ്‌പഡുവാദ് ബെ്റ്‌ദ്യല്ല എന്റ് തെരിന്ത് ആണ്ടവാന്‌ക്ക് ബേ്ണ്ടി ഗേവ ഗിലാസാന സേത്തി സേത്തി ഗേന്റവാരാന്.

2 കൊരിന്ത്യഗാറാര് 6:1

സാമി പ്‌ണ്ണ്യ ഗേന്ത് നിമ്മ് പാവഗാള്‌ന പൊറുത്തു തന്താദ്‌ന ബെലെ ഇല്ലത്താദ് മാഡദേന് എന്റ് സാമ്യോഡ എ്ണേന്ത് ഗിലാസ ഗേവ എമ്മ നിമാക്ക് ബുദ്ദി സൊന്റേമ്.

ഗലാത്ത്യഗാറാര് 2:2

<<എര്‌സലേമ്‌ക്ക് പോഡൊ>> എന്റ് സാമി എന്ന് മനേസ്സ്‌ക്ക് സൊന്നാദ്‌നാലെത്തെ നാന് ആങ്ക് പോനാദ്. എഗുദാരല്ലാത്ത ജാദിഗാള് പട്ട്‌ല് നല്ല സേദി സൊല്ലുഗാട്ടി നാന് എന്തെല്ല കാര്യഗാള് സൊന്നേനെന്റ് അദ്‌ല് ഒന്റൊന്റായി സൊന്നെ. മുന്നുക്കുമു ഇന്നാല്‌മ് നാന് ഗേന്ത് കൊണ്ട്‌റ്ക്കുവാദ് ബീ്ണാലായിതള്ള്‌മെന്റ് അര്‌ക്കപട്ട് ഏസ്സ്‌ഗാറാര് കൂട്ട തലെവാര്‌ഗാള്‌ക്ക് താനെത്തെ ഇദ്‌ന സൊന്നാദ്.

ഗലാത്ത്യഗാറാര് 4:11

സാമിന പറ്റി നിമാക്ക് തെര്യ ബേ്ണ്ടി നാന് പാഡ്‌പട്ടാദ് ബീ്ണാലെ പോയി തള്ള്‌ന്റൊ എന്റ് നാന് അഞ്ചിക്കെപഡ്‌ന്റെ.

1 തെസെലോനിക്ക്യഗാറാര് 2:13

നിമ്മ എമ്മോഡിന്ത് കേ്ട്ടെ്ഡ്‌ത്ത സാമി സേദിന, മന്‌സാന് സൊന്ന സേദി എന്റല്ല സെരിക്ക്‌മ് സാമി സൊന്ന സേദ്യായി താനെത്തെ കേ്ട്ടെ്ഡ്‌ത്ത്‌റ്. അദ്‌നാലെ സാമി ദൊഡ്ഡവാന്‌ത്തെ എന്റ് എമ്മ ഒപ്പ സൊന്റേമ്. അയി സേദിന നമ്പിര്‌ക്കുവ നിമ്മ് പെ്ളേപ്പ്‌ല് സാമി കാര്യഗാള് ഗേന്ത് കൊണ്ട്‌റ്‌ന്റാന്.

1 തെസെലോനിക്ക്യഗാറാര് 3:5

അദ്‌നാലെ നിമാന പറ്റ്യുള്ള സേദി തെര്യാദെ എനാക്ക് മുട്ടുമുട്ടാഗാട്ടി സാമിന നമ്പി പെ്ളേക്കുവ നിമ്മ് പെ്ളേപ്പ്‌ന പറ്റി തെര്യ ബേ്ണ്ടി നാന് ആള് ബ്‌ട്ടെ. എന്ത്‌ക്കെന്റ് സൊന്ന, സോദണെ ഗേന്റവാന് ഈ കൊഡിമേന ബെത്ത് നിമാന സോദണെ ഗേന്താനൊ, ഇല്ലെ എമ്മ പട്ടപാഡ് ബെ്റ്‌ദാറ്റൊ എന്റ് നാന് അഞ്ചിക്കെപട്ടെ.

2 തെസെലോനിക്ക്യഗാറാര് 1:10

സാമിക്ക് പട്ട തന്ന് ആള്‌ഗാള്‌ലിന്ത്‌മ് തനാന നമ്പ്‌ന എല്ലാ ആള്‌ഗാള്‌ലിന്ത്‌മ് മാനാമ് മദ്‌പ്പ്‌മ് കെ്ഡേസ്യ അയി നാള്‌ല് അയാള് ബര്‌ഗാട്ടി നിമ്മാമ് അയി കൂട്ടാത്ത്‌ല് ഇര്‌ക്കുവുറു. എന്ത്‌ക്കെന്റ് സൊന്ന എമ്മ നിമാക്ക് സൊന്ന നല്ല സേദിന കേ്ട്ട് നിമ്മ നമ്പ്‌ന്‌റല്ല.

2 തെസെലോനിക്ക്യഗാറാര് 3:1

ഏസ്സ്‌ഗാറാരെ, കഡേസ്യായി നാന് സൊല്ലുവാദ് എന്തെന്റ് സൊന്ന: ആണ്ടവാന് സേദി നിമ്മ് പട്ട്‌ക്ക് എജ്ജ്‌ന പാസെ എല്ലാ സാരിമ് ബേഗ എജ്ജി എല്ലാ ആള്‌ഗാള്‌മ് അദ്‌ന മദ്‌പ്പോഡ തങ്കാരിക്ക്യ എമാക്ക് ബേ്ണ്ടിമ് പരേസ്‌ന്.