1 തെസെലോനിക്ക്യഗാറാര് 1:5 - സാമി സേദി5 എന്ത്‌ക്കെന്റ് സൊന്ന, എമ്മ നിമാക്ക് സൊന്ന നല്ല സേദി ബെ്റ് നായല്ല, അദ്‌ക്ക് ബദ്‌ല സക്‌ത്യോഡാമ്, സാമിനിഗാല്‌ല്‌മ്, അയി സേദി നേര്‌ത്തെ എന്നുവ ഒറേപ്പോഡാമ്‌ത്തെ സൊന്നാദ്. നിമാക്ക് ഉവഗരപഡുവാദ്‌ക്ക് തഗ്‌ന്ത ദിന്‌സ്‌ല് നിമ്മ് പട്ട്‌ല് എമ്മ എത്തെ പെ്ളേത്തേമ് എന്റ് നിമാക്ക് താനെ തെരിമല്ല. အခန်းကိုကြည့်ပါ။ |
1 തെസെലോനിക്ക്യഗാറാര് 1:5
60 ပူးပေါင်းရင်းမြစ်များ
<<എര്‌സലേമ്‌ക്ക് പോഡൊ>> എന്റ് സാമി എന്ന് മനേസ്സ്‌ക്ക് സൊന്നാദ്‌നാലെത്തെ നാന് ആങ്ക് പോനാദ്. എഗുദാരല്ലാത്ത ജാദിഗാള് പട്ട്‌ല് നല്ല സേദി സൊല്ലുഗാട്ടി നാന് എന്തെല്ല കാര്യഗാള് സൊന്നേനെന്റ് അദ്‌ല് ഒന്റൊന്റായി സൊന്നെ. മുന്നുക്കുമു ഇന്നാല്‌മ് നാന് ഗേന്ത് കൊണ്ട്‌റ്ക്കുവാദ് ബീ്ണാലായിതള്ള്‌മെന്റ് അര്‌ക്കപട്ട് ഏസ്സ്‌ഗാറാര് കൂട്ട തലെവാര്‌ഗാള്‌ക്ക് താനെത്തെ ഇദ്‌ന സൊന്നാദ്.
ഇത്തെ ഏസ്സ് ക്‌റ്‌സ്‌ത്ത്‌നാലെ തന്ന് ഏസ്സ്‌ഗാറാര് കൂട്ടായിര്‌ക്കുവ നമാന തന്ന് സക്‌തില് ആണ്ട് ബരുവ സാമിക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. നമ്മ അയാളോഡ കേ്ള്‌ക്കുവാദ്‌ന ബ്‌ഡാമ് കേ്ള്‌ക്ക്യ നെനേക്കുവാദ്‌ന ബ്‌ഡാമ് ദൊഡ്ഡ കാര്യഗാള് ഗേന്ത് തര്യ മുഡിവ ഒന്റേ സാമിക്ക് പേര്‌മ് പെരിമേമ് ഇര്‌ക്കുഡൊ. ആമേന്.
നമ്മ് ആണ്ടവാന് ഏസ്സ് ക്‌റ്‌സ്‌ത്ത് അപ്പാനാന സാമിക്ക് നണ്ണി. ഏസ്സ് ക്‌റ്‌സ്‌ത്ത്‌ന സാവുലിന്ത് ഉജുര്‌ളാക്കി ബെത്ത് ഉജുരുള്ള നെഞ്ചഡേക്കായിമ് നിമാക്ക് ബേ്ണ്ടി മേലോഗാത്ത്‌ല് സൂസാരിത്ത് ബെത്ത്‌റ്‌ക്കുവാദ്‌മ് അളിന്ത് പോഗത്താദ്‌മ്, തുരുമ്പു പ്‌ഡിക്കാത്താദ്‌മാന സൊത്തുക്കു ബേ്ണ്ടിമ് സാമിക്കിര്‌ക്കുവ ദൊഡ്ഡ ഗവനാലെ നിമാന മറിസിമ് പ്‌റാത്തിര്‌ന്റാന്.
സാമിദാസ്‌ഗാള് സൊന്ന സേദില്‌മ് നമാക്ക് നല്ല ഒറേപ്പിര്‌ക്ക്‌ന്റ്. അദ്‌നാലെ നിമ്മ അദ്‌ന ബെലെ ഉള്ള ദൊഡ്ഡ കാര്യായി കാണ്യ ബേ്ണ്ടി നല്ല ഓരാഡുഡൊ. എന്ത്‌ക്കെന്റ് സൊന്ന, അദ് ക്‌റ്‌സ്‌ത്ത് ബരമാട്ട്‌ക്ക് ഇ്റ്‌ട്ട്‌റ്‌ക്കുവ എ്ഡേല് ഒന്റു ബ്‌ളാക്കായി കത്തി കൊണ്ട്‌റ്‌ക്ക്‌ന്റ്, അയാള് ഒന്റു ബെ്ഡിബെ്ള്ളിന പാസെ നിമ്മ് മനേസ്സ്‌ല് കത്തി കൊണ്ട്‌റ്‌ക്കുഡൊ.
ကြော်ငြာတွေ