1 പത്ത്‌റോസു 5:7 - സാമി സേദി

⁷ നിമ്മ് കാര്യഗാള്‌നെല്ല നോഡുന്റവാന് സാമി ആയിര്‌ക്കുവാദ്‌നാലെ നിമ്മ അര്‌ക്കപഡുവ കാര്യഗാള്‌നെല്ല സാമിക്ക് ഒപ്പുസുനു.

1 പത്ത്‌റോസു 5:7 ပူးပေါင်းရင်းမြစ်များ

മത്തായി 6:27

നിമ്മ അദ്‌ന നെനേത്ത് അര്‌ക്കപഡുവാദ്‌നാലെ നിമ്മ് ആയിസ്‌ന ലേസെന്റാല് കൂട്ട്യ നിമാക്ക് മുഡിമ?

മത്തായി 6:28

സീലെസിലാപ്പ്‌ന പറ്റിമ് നിമ്മ അര്‌ക്കപഡുവാദ് എന്ത്‌ക്ക്? സോലെല പൂവു എത്തെ ബളാര്‌ന്റ് എന്റ് നോഡുനു. അദ് ഗിലാസ ഗേവാദ്‌മില്ലെ, സീലെ മാഡുവാദ്‌മില്ലെ.

മത്തായി 6:31

അദ്‌നാലെ <എമ്മ എന്ത്‌ന തിന്നുവേമ് എമ്മ എന്ത്‌ന കുഡിക്കുവേമ് എമ്മ എന്ത്‌ന ഇക്കുവേമ്> എന്റ് നിമ്മ അര്‌ക്കപഡാദേന്.

മര്‌ക്കോസു 4:38

തോണിക്ക് പിന്ന് സാരി ഏസ്സ് ഒന്റു തലെങ്കണ്ണിന ബെത്ത് ഉറാങ്കികൊണ്ടിന്താന്. സൊല്ലുപഡി നഡാക്ക്‌ന്റവാര് ഏസ്സ്‌ന ബ്‌ളിത്ത് ഇ്ളാക്കി: <<ഗുരുവെ, എമ്മ സത്ത്‌തള്ളുവാദ്‌ന പറ്റി നീ നെനേക്കുവാലേഗ?>> എന്റ് സൊന്നാര്.

ലൂക്കോസു 12:22

ഏസ്സ് തന്ന് സൊല്ലുപഡി നഡാക്ക്‌ന്റവാര്‌ക്ക് ഇത്തെ സൊന്നാന്: <<അദ്‌നാലെ പെ്ളേക്ക്യ ബേ്ണ്ടി എന്ത്‌ന തിന്നുവേന് എന്റൊ, എന്ത്‌ന ഇക്കി ഉരുവുന മറേസുവേന് എന്റൊ നെനേത്ത് നിമ്മ അര്‌ക്കപഡാദേന്.

ലൂക്കോസു 12:26

ഇത്ത്‌റ സ്‌ന്ന ഒന്റു കാര്യ ഗുഡി നിമാക്ക് ഗേയ മുഡ്യാദെ പോന ബേ്റെ കാര്യഗാള്‌ന നെനേത്ത് അങ്കലാപ്‌പഡുവാദ് എന്ത്‌ക്ക്?

ഓഗന്നാന് 10:13

അയാള് കൂലിക്ക് മേസ്‌ന്റവാന്‌മ് കൊറ്യാഡ്‌ഗാള്‌ന പറ്റി നെനേവു ഇല്ലത്തവാന്‌മ്‌ത്തെ. അദ്‌നാലെ അയാള് ഓഡി പോന്റാന്.

പിലിപ്പ്യഗാറാര് 4:6

ഒന്റുനാമ് നെനേത്ത് നിമ്മ അര്‌ക്കപഡാദേന്. ആന ഏദ്‌ഗളിഗേമ് നിമാക്ക് ബേ്ഡ്‌മാന എല്ലാ കാര്യഗാള്‌ക്ക് ബേ്ണ്ടി നിമ്മ സാമിക്ക് പരേസ്‌ന്. പരേസ്‌ഗാട്ടി നിമ്മ നണ്ണ്യുള്ളവാരായി പരേസ്‌ന്.