1 പത്ത്‌റോസു 5:10 - സാമി സേദി10 എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്ക്ക്മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്. အခန်းကိုကြည့်ပါ။ |
1 പത്ത്‌റോസു 5:10
39 ပူးပေါင်းရင်းမြစ်များ
ആന മക്കാള് പ്‌റാക്കാത്ത മുന്നുക്കു താനെ, അവാര് നല്ലാദൊ കെ്ട്ടാദൊ ഗേഗാത്ത മുന്നുക്കു താനെത്തെ <<ദൊഡ്ഡ മഗാന് സ്‌ന്ന മഗാന്‌ക്ക് ഗിലാസഗാറാനായി പെ്ളേക്കുവാന്>> എന്റ് സാമി റിവേക്കാക്ക് സൊന്നാന്. ഇദ് അര്‌ത്ത മാഡുവാദ് എന്തെന്റ് സൊന്ന, സാമി ഒരുത്താന്‌ന തെരിന്തെ്ഡ്‌ക്കുവാദ് അയാള് ഗേവ കാര്യന നോഡ്യല്ല, ആന ബ്‌ളിക്കുവ സാമി ആസെ പഡിത്തെ തെരിന്തെ്ഡ്‌ക്കുവാദ്.
ഏസ്സ്‌ഗാറാരെ, നാന് ഈ എ്ള്‌ത്ത് എ്ള്‌ദി മുഡിക്കുവ സമ്യാത്ത്‌ല് നാന് നിമാക്ക് സൊല്ലുവാദ് എന്തെന്റ് സൊന്ന, നിമ്മ പിര്യപഡ്‌ന്, നിമ്മ് നമ്പിക്കേല് മ്‌ഗ്‌ന്തവാര് ആയ നിമ്മ ഓരാഡ്‌ന്, നിമ്മ ആങ്കീങ്ക് ദയിര സൊല്ലി നഡാന്, ഒന്റേ മനേസ്സോഡ ഇര്‌ന്, പിര്യപിര്യാത്തോഡ പെ്ളേന്, സീവാന്‌മ് നിമ്മ്‌ദിമ് ഉള്ള സാമി നിമ്മോഡ ഇര്‌ക്കുവാന്.
എന്ത്‌ക്കെന്റ് സൊന്ന എമ്മ പഡുവ ഈ കജട്ടഗാള് സ്‌ന്ന്‌സ്‌ന്നാദ്‌മ് സെറ്റെ നേര ഇര്‌ക്കുവാദ്‌മ്‌ത്തെ. ആന ഈ കജട്ടഗാളെല്ല ഒന്റേപെ്ട്ട് മ്‌ഗ്‌ന്താദ്‌മ് എന്നാല്ക്ക്മ് ഇര്‌ക്കുവാദ്‌മാന മദ്‌പ്പ്‌ക്ക് എമാന പങ്ക്‌ഗാറാര് മാഡ്‌ന്റ്. അയി മദ്‌പ്പ്‌ന ഇന്നാല്‌ല കജട്ടഗാള്‌ക്ക് എ്ണേത്ത് ബെത്ത് നോഡ്യ പോന ഈ കജട്ടഗാള് ഒന്റുമല്ല.
ജുദ്ദ ഗേവ ഒന്റു പട്ടളഗാറാന് പിന്ന്‌കാല് മെ്ട്ടാദെ ജുദ്ദ ഗേവ പാസെ നിന്ന് നമ്പിക്കെ പോഗാദിര്‌ക്ക്യ ബേ്ണ്ടി നീ നിന്നാവാദ് ഓരാഡുഡൊ. എഞ്ചോ ആള്‌ഗാള് മുന്നുക്കു നീ ഏസ്സ്‌ന നമ്പ്‌ന്റായി എന്റ് സൊല്ലിര്‌ക്ക്‌ന്റായല്ല? അദ്‌നാലെ നീ എന്നാല്ക്ക്മ് ഇര്‌ക്കുവ സാഗാത്ത പെ്ളേപ്പ്‌ന കയി ബ്‌ഡാദെ സൂസാരിത്ത് ബെയി. ഈ പെ്ളേപ്പ് കെ്ഡേക്ക്യ ബേ്ണ്ടിത്തെ സാമി നിനാന ബ്‌ളിത്ത്‌റ്‌ക്കുവാദ്.
സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.
അദ്‌നാലെ ക്‌റ്‌സ്‌ത്ത് സാമിനാമ് ആള്‌ഗാള്‌നാമ് എ്ണേത്ത് ഒന്റു പുദ്യ ഒപ്പന്ത ബെക്ക്‌ന്റാന്. അത്തെ മുദാല് ബെത്ത ഒപ്പന്ത പഡി ഇര്‌ക്കാട്ടി ഗേന്ത കുറ്റഗാള്‌ക്കുള്ള ദെ്ണ്ടണേലിന്ത് ബ്‌ഡിസ്യ ബേ്ണ്ടി ക്‌റ്‌സ്‌ത്ത് സത്താദ്‌നാലെ സാമി തരുവെ എന്റ് ബാക്ക് തന്ത്‌റ്‌ക്കുവ എന്നാല്ക്ക്മ് ഇര്‌ക്കുവ ബാക്ക്‌വരഗാള് സാമി ബ്‌ളിത്തവാര്‌ക്ക് കെ്ഡേക്ക്‌ന്റ്.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്ക്ക്മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
നമ്മ് പെ്ളേപ്പ്‌ന കാപാറ്റുവ നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നിമ്മ നമ്പി നഡാക്കുവ പെ്ളേപ്പ്‌ലിന്ത് നിമ്മ തപ്പി പോഗാദെ നിമാന കാത്ത്, പാവ ഒന്റുമു ഇല്ലാദെ മ്‌ഗ്‌ന്ത പിര്യത്തോഡാമ് നിമാന തന്ന് പട്ട്‌ക്ക് സേത്തുവ അയി സാമിക്ക്‌ത്തെ പേര്‌മ് പെരിമേമ് ഉണ്ടാഡൊ. അയി സാമി സക്‌ത്യോഡ ആളുവാദ് ഈ കാലാത്ത്‌ല്‌മ് എന്റാകാലാത്ത്‌ല്‌മ് ഇര്‌ക്കുഡൊ. ആമേന്.
ကြော်ငြာတွေ