1 പത്ത്‌റോസു 4:6 - സാമി സേദി

⁶ അദ്‌ക്ക് ബേ്ണ്ടിത്തെ സത്തവാര് ഉജുരോഡ ഇര്‌ക്കാട്ടിതാനെ അവാര്‌ക്ക് നല്ല സേദിന സൊന്നാദ്. എല്ലാ ആള്‌ഗാള്‌ക്ക് കെ്ഡേക്കുവ ദെ്ണ്ടണെന പാസെ അവാര്‌മ് സത്താര്. ആന അവാര് നിഗാല്‌നാലെ സാമ്യോഡ പെ്ളേക്ക്‌ന്റാര്.

1 പത്ത്‌റോസു 4:6 ပူးပေါင်းရင်းမြစ်များ

മത്തായി 24:9

അയി ഗളിഗേക്ക് അവാര് നിമാന കൊഡിമെപഡിസ്യ കൊഡുക്കുവാര്. അവാര് നിമാന കൊല്ലുവാര്. നിമ്മ എനാന പറ്റി സൊല്ലുവാദ്‌നാലെ എല്ലാ ജാദിഗാള്‌മ് നിമാന തൊറേന്ത് തള്ളുവാര്.

റോമഗാറാര് 8:2

ക്‌റ്‌സ്‌ത്ത് ഏസ്സ്‌ല് ഒന്റായിര്‌ക്കുവാദ്‌നാലെ നമാക്ക് സാമിനിഗാല് തരുവ പുദ്യ പെ്ളേപ്പ് കെ്ഡേത്തിര്‌ക്ക്‌ന്റ്. അത്തെ പാവാക്ക്‌മ് സാവുക്കുമു ആളാക്കി ബെത്ത്‌റ്‌ക്കുവ സട്ടാത്ത്‌ലിന്ത് സാമിനിഗാല് നമാന ബ്‌ഡിസിര്‌ക്ക്‌ന്റ്.

ഗലാത്ത്യഗാറാര് 2:19

ക്‌റ്‌സ്‌ത്തോഡൊപ്പ നാന് കുരുസുലു സത്തവാനായി എനാന കണാക്ക് മാഡ്‌ന്റെ. അദ്‌നാലെ മോസെ ബെത്ത സാമി സട്ടപഡി സാവാദ്‌ക്കുള്ള ദെ്ണ്ടണെ കെ്ഡേത്ത്‌ദെന്റ്‌മ് നാന് ഇന്നി ഈ സട്ടാക്ക് അഡിമ്യല്ല എന്റ്‌മ് എനാക്ക് തെരിന്റ്. അത്തെ എനാക്കിന്നി സാമി ആസെപഡി പെ്ളേക്ക്യ മുഡിമ്.

ഗലാത്ത്യഗാറാര് 5:25

സാമിനിഗാല്‌ത്തെ നമാക്ക് പുദ്യ ഉജുരുന തന്താദ്. അദ്‌നാലെ അയി സാമിനിഗാല് സൊല്ലുക്കു കെ്ട്ട്‌പട്ട് നഡാന്.

1 പത്ത്‌റോസു 1:12

തമാക്ക് ബേ്ണ്ട്യല്ല, നിമാക്ക് ബേ്ണ്ടിത്തെ ഈ ഗിലാസ ഗേവാദെന്റ് അവാര്‌ക്ക് തെരിന്ത്‌ദ്. മേലോഗാത്ത്‌ലിന്ത് സൊല്ലി ബ്‌ട്ട സാമിനിഗാല് സൊല്ല്യ സൊല്ലുഗാട്ടി നിമാക്ക് നല്ല സേദിന സൊന്നവാര് ഇന്നാല് അദ്‌ന നിമാക്ക് സൊല്ലിര്‌ക്ക്‌ന്റാര്. ഇദ്‌ന പറ്റി തെര്യ സാമിദൂദാര്‌ഗാള്‌മ് എത്ത്‌റാഗോ ആസെപഡ്‌ന്റാര്.

1 പത്ത്‌റോസു 3:18

എന്ത്‌ക്കെന്റ് സൊന്ന നേര്‌മല്ലത്തവാര് ആയിര്‌ക്കുവ നിമാന സാമി പട്ട്‌ക്ക് എ്ഡ്‌ത്ത് പോയ ബേ്ണ്ടി നേര്‌മെഗാറാനാന ക്‌റ്‌സ്‌ത്ത് നിമ്മ് പാവാക്ക് ബേ്ണ്ടി ഒന്റു ജമ്പ് സത്താന്. അയാള് സരിഗലാത്ത്‌ല് സത്താല്‌മ് നിഗാല്‌നാലെ പെ്ളേക്ക്‌ന്റാന്.

1 പത്ത്‌റോസു 3:19

ജെയില്‌ക്ക് ഇക്കി ബെത്തിന്ത നിഗാല്‌ഗാള്‌ക്ക് നിഗാല്‌നാലെ അയാള് പോയി നല്ല സേദിന സൊന്നാന്.

ബെ്ളിപട്ട കാര്യ 14:18

തീ കാര്യന നോഡുവ ബേ്റൊന്റു ദൂദാന് മദ്‌ല്‌ലിന്ത് ഇ്റാഗി ബന്ത് ഉരുക്കിര്‌ക്കുവ അരിവാള് കത്ത്യോഡ നിന്റിന്ത ദൂദാന്‌ക്ക്, <<ബൂമില മുന്തിരി പഗ്‌ത്ത്‌റ്‌ക്ക്‌ന്റ്. അദ്‌നാലെ നിന്ന് അരിവാള്‌ന എ്ഡ്‌ത്ത് മുന്തിരി കൊഡിലിന്ത് മുന്തിരി പഗ സുട്ടിഗാള്‌ന അറ്‌ത്തെ്ഡ്>> എന്റ് ദൊഡ്ഡാദ്‌ക്ക് സൊന്നാന്.