1 പത്ത്‌റോസു 4:19 - സാമി സേദി

¹⁹ അദ്‌നാലെ സാമി പിര്യാക്ക് കജട്ട പഡുവാദ്‌ന താങ്ക്‌ന്റവാര് നല്ലാദ് ഗേന്ത് കൊണ്ടു സൊന്ന പാസെ ഗേന്റവാനായി ദ്‌ട്ട്‌സ്‌നവാന് കയിക്ക് തമ്മ് നിഗാല് കുട്ടിന ഒപ്പുസുഡൊ.

1 പത്ത്‌റോസു 4:19 ပူးပေါင်းရင်းမြစ်များ

ലൂക്കോസു 23:46

<<അപ്പാ, എന്ന് ഉജുരുകെ്ളെന നാന് നിന്ന് കയിക്ക് തന്റ്>> എന്റ് ഏസ്സ് ദൊഡ്ഡാദ്‌ക്ക് അഗാറി ഉജുരുന ബ്‌ട്ടാന്.

അപ്പോസുത്തലാര് 7:59

അവാര് കല്ലെ്റിന്ത്‌കൊണ്ടു ഇര്‌ക്കാട്ടി <<ആണ്ടവാന് ഏസ്സേ, എന്ന് ഉജുരുന നീ എ്ഡ്‌ക്കുഡോമെ!>> എന്റ് തെപാനോസു പരേസ്‌നാന്.

റോമഗാറാര് 2:7

സോറ്റു പോഗാദിന്ത് നല്ല കാര്യഗാള് ഗേന്ത് മാനാമ് മദ്‌പ്പ്‌മ് അളിവില്ലാത്ത പെ്ളേപ്പ്‌മ് കെ്ഡേസ്യ നോഡുന്റവാര്‌ക്ക് സാമി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കൊഡുക്കുവാന്.

2 തിമിത്തോസു 1:12

അദ്‌നാലെത്തെ നാന് ഇന്നാലീ കജട്ട പഡുവാദ്. എന്റാല്‌മ് അത്തെ കജട്ട പഡുവാദ്‌ല് നാന് നാണപഡുവാദില്ലെ. എന്ത്‌ക്കെന്റ് സൊന്ന നാന് ആര്‌ന നമ്പിര്‌ന്റേന് എന്റ് എനാക്ക് തെരിമ്. ആണ്ടവാന് തിരിഗി ബരമാട്ട്‌ക്ക്, എനാക്ക് ഒപ്പിസി തന്ത്‌റ്‌ക്കുവ ഈ കാര്യന പാദ്‌ഗാത്ത് ബെക്ക്യ അയാള്‌ക്ക് മുഡിമെന്റ് എനാക്ക് ഒറേപ്പിര്‌ക്ക്‌ന്റ്.

1 പത്ത്‌റോസു 2:15

എന്ത്‌ക്കെന്റ് സൊന്ന നിമ്മ നല്ലാദ് ഗേന്ത് കൊണ്ടു ബുദ്ദില്ലത്തവാര് സൊല്ലുവ അര്‌ത്തില്ലാത്ത നായഗാള്‌ന ഇല്ലാദെ മാഡുഡൊ എന്നുവാദ്‌ത്തെ സാമിക്ക് പിര്യര്‌ക്കുവ കാര്യ.

1 പത്ത്‌റോസു 3:17

നിമ്മ നല്ലാദ് ഗേന്താദ്‌നാലെ കജട്ട പഡുവാദ് സാമിക്ക് പിര്യര്‌ക്കുവ കാര്യ ആയിന്തദാന കെ്ട്ടാദ് ഗേന്ത് കജട്ട പഡുവാദ്‌ന ബ്‌ഡ അദ് നല്ലാദ്‌ത്തെ.

1 പത്ത്‌റോസു 3:20

ഈ നിഗാല്‌ഗാള് മുന്നുക്കു നോഗെ കാലാത്ത്‌ല് ദൊഡ്ഡ പെ്ട്ടി മാഡികൊണ്ട്‌റ്‌ക്കുവ ഗളിഗേല് സാമി പൊറിമോഡ കാത്തിന്ത്‌മ് സൊല്ലുപേസ് കേ്ള്‌ക്കത്തവാര് ആയിന്താര്. അവാര്‌ല് ലേസ ആള്‌ഗാള്, എന്റ് സൊന്ന എ്ട്ടാള്‌ത്തെ നീര്‌ലിന്ത് തപ്പിസി കഡാന്താദ്.