1 പത്ത്‌റോസു 4:17 - സാമി സേദി

¹⁷ നായ കേ്ള്‌ക്കുവ സമ്യ അഡ്‌ത്ത്‌റ്‌ക്ക്‌ന്റ്. അദ് മുദാല് സാമിക്ക് പട്ടവാര്‌നാത്തെ കേ്ള്‌ക്കുവാദ്. അത്തെ നമ്മ് പട്ട്‌ലിന്ത്‌ത്തെ നായ കേ്ള്‌ക്കുവാദ് തുഡാങ്കുവദാന സാമി സൊല്ലുവ നല്ല സേദിന നമ്പാത്തവാര് ഗെദി എന്താമ്?

1 പത്ത്‌റോസു 4:17 ပူးပေါင်းရင်းမြစ်များ

ലൂക്കോസു 23:31

മര പച്ചെ ഇര്‌ക്കാട്ടി ആള്‌ഗാള് ഇത്തെ ഗേന്തദാന അയി മര ഉണാന്തദാന അദ്‌ന എന്തെല്ല ഗേവാര്?>> എന്റ് സൊന്നാന്.

റോമഗാറാര് 1:1

സാമി തന്ന് മഗാന്‌മ് നമ്മ് ആണ്ടവാന്‌മാന ഏസ്സ് ക്‌റ്‌സ്‌ത്ത്‌ന പറ്റി മുന്തെ കാലാത്ത്‌ലെ ആള്‌ഗാള്‌ക്ക് ബാക്ക് കൊഡുത്തിന്ത നല്ല സേദിന സാമി സൊല്ലുസുലാക്കാത്ത്‌ല് സാമി സാമിദാസ്‌ഗാള് എ്ള്‌ദി ബെത്ത്‌റ്‌ന്റാര്.

റോമഗാറാര് 2:9

കെ്ട്ട കാര്യഗാള് ഗേവ ഏദ് മന്‌സാന്‌ക്ക്‌മ് സാമി കജട്ടാമ് സങ്കഡാമ് ബരുസ്സുവാന്. അയി കാര്യാത്ത്‌ല് ആദ്യ എഗുദാര് ജാദിക്ക് പട്ടവാര്‌ക്ക്‌മ് പ്‌റ എഗുദാര് അല്ലാത്ത ജാദിക്ക് പട്ടവാര്‌ക്ക്‌മ് ബരുസ്സുവാന്.

ഗലാത്ത്യഗാറാര് 3:1

ബുദ്ദില്ലാത്ത ഗലാത്ത്യാരെ, ഏസ്സ് ക്‌റ്‌സ്‌ത്ത് കുരുസുലു സത്താദ്‌ന പറ്റി നിമാക്ക് സൊക്കാന സൊല്ലി തന്തിന്ത് ഗുഡി ആര് നിമാന മന്ത്‌റ ഗേന്ത് മയാക്ക്‌നാദ്?

ഗലാത്ത്യഗാറാര് 5:7

നിമാക്ക് പഡിസി തന്ത സാമി സൊല്ലുസുലാക്കാന നിമ്മ നലമായി നമ്പി നഡാന്തിന്ത്‌റ്. ആന അയി സത്ത്യാക്ക് കെ്ട്ട്‌പട്ട് നഡാക്കാദിര്‌ക്ക്യ നിമാന തഡ്‌ത്ത് ബെത്താദാര്?

ഗലാത്ത്യഗാറാര് 6:10

നല്ലാദ് ഗേയ സദുവു കെ്ഡേക്കാട്ട്യെല്ല എല്ലാ ആള്‌ഗാള്‌ക്ക്‌മ് നല്ലാദ് ഗേഡൊ. മുക്ക്യമായിമ് നമാന പാസെ ഏസ്സ്‌ന നമ്പിര്‌ക്ക്‌ന്റവാര്‌ക്ക് ഒട്ടുക്കുമു ഗേഡൊ.

2 തെസെലോനിക്ക്യഗാറാര് 1:8

അയി ഗളിഗേക്ക് നിമാന കൊഡിമെപഡ്‌സ്‌നവാര്‌ന കൊഡിമെപഡുസുവാദ്‌മ് കൊഡിമെ പട്ട നിമാന നിമ്മ്‌ദ്യോഡ പെ്ളേസുവാദ്‌മ് സാമി കണ്ണ്‌ക്ക് നീദ്യുള്ള കാര്യത്തെ.

എവുറായാര് 11:8

സാമി തനാക്ക് കൊഡുക്കുവെ എന്റ് ബാക്ക് കൊഡുത്തിന്ത നാഡ്‌ക്ക് പോയ സാമി അവുറഗാമ്‌ന ബ്‌ളിക്കാട്ടി, അയാള്‌ക്ക് നമ്പിക്കെ ഇന്താദ്‌നാലെ സാമി സൊന്നാദ്‌ന കേ്ട്ട് പോനാന്. താന് ഏങ്ക് പോന്റാന് എന്റ് തെര്യാദെ താനെ പ്‌റപട്ട് പോനാന്.

എവുറായാര് 2:2

ദൂദാര്‌ഗാള്‌ന ബെത്ത് സാമി സൊന്ന സേദി നേര് എന്റ് കാട്ടിര്‌ക്ക്‌ന്റ്. അയി സേദിന കേ്ള്‌ക്ക്യ നില്ലാദേമ് അയി സേദിന തള്ളിമ് നഡാന്തവാര്‌ക്ക് അദ്‌ക്ക് തഗ്‌ന്ത ദെ്ണ്ടണെ കെ്ഡേത്ത്‌ദ്.

എവുറായാര് 2:4

ഇദല്ലാദെ താനെ അഡ്യാളഗാള് കാട്ടി കൊണ്ടുമു അദിസ്യഗാള് ഗേന്ത് കൊണ്ടുമു അദിസ്യപഡുവ ദൊഡ്ഡുദൊഡ്ഡ കാര്യഗാള് ഗേന്ത് കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്. സാമിനിഗാല് തരുവ ബരഗാള്‌ന തന്ന് ആസെപഡി കൊഡുത്തു കൊണ്ടുമു ഇദ് സത്ത്യ എന്റ് ആണ്ടവാന് കാട്ടി തന്ത്‌റ്‌ന്റാന്.

എവുറായാര് 3:6

ആന ക്‌റ്‌സ്‌ത്ത് സാമിബീ്ഡ്‌ന നോഡിനഡാത്തുവ കാര്യാത്ത്‌ല് ഒന്റു മഗാന്‌ന പാസെ നമ്പ്യ മുഡിന്റവാന് ആയിര്‌ക്ക്‌ന്റാന്. നമ്മ നമ്പിക്കേല് ദയിര ഉള്ളവാര്‌മ് നമ്മ നെഞ്ചഡെ ബെത്ത്‌റ്‌ക്കുവാദ്‌ല് പെരിമെ ഇര്‌ക്ക്‌ന്റവാര്‌മ് ആയിന്തദാന നമ്മാത്തെ അയാള് ബീ്ഡ്.

എവുറായാര് 5:9

അത്തെ കജട്ടഗാള് പട്ട് താന് തെഗേന്തവാന് ആഗാട്ടി അയാള് തന്ന് സൊല്ലുപഡി നഡാക്കുവ എല്ലാവാര്‌നാമ് എന്നാല്‌ക്ക്‌മ് കാപാറ്റ്‌ന്റവാന് ആനാന്.

1 പത്ത്‌റോസു 2:5

അത്തെ നിമ്മാമ് ഉജുരുള്ള കല്ല്‌ഗാളായി ഏസ്സ് ക്‌റ്‌സ്‌ത്ത്‌ന ബെത്ത് സാമി തങ്കാരിക്കുവാദ്‌മ് സാമിനിഗാല്‌ല് കൊഡുക്കുവാദ്‌മാന പലി കൊഡുക്ക്യ സാമിക്ക് പട്ട പൂസാരിഗാളായി ഒന്റു സാമിബീ്ഡ് കെ്ട്ടി കൊണ്ട്‌റ്‌ന്റാന്.

1 പത്ത്‌റോസു 2:8

<<അദ് അവാര്‌ക്ക് കാല് തട്ടി ബീ്വ തഡേസ കല്ല്‌മ്, ബെജിക്കി ബീ്വ ബെജ്‌ക്ക കല്ല്‌മ് ആയിര്‌ക്ക്‌മ്.>> സാമി സൊല്ലുസുലാക്കാന കേ്ള്‌ക്കത്താദ്‌നാലെ അവാര് കാല് തട്ടി ബീ്ന്റാര്. അദ്‌ക്കായി സാമി അവാര്‌ന എ്ഡ്‌ത്ത് ബെത്ത്‌റ്‌ന്റാന്.