1 പത്ത്‌റോസു 4:15 - സാമി സേദി

¹⁵ നിമ്മ കൊലെഗാറാനായൊ, ത്‌റ്‌ട്ടാനായൊ, കെ്ട്ട കാര്യ ഗേന്റവാനായൊ, മല്ലുണ്ടാക്ക്‌ന്റവാനായൊ കജട്ട പഡുവ ഗെദി നിമാക്ക് ബര്യ പാങ്കില്ലെ.

1 പത്ത്‌റോസു 4:15 ပူးပေါင်းရင်းမြစ်များ

മത്തായി 5:11

നിമ്മ എന്ന് സൊല്ലുപഡി നഡാക്കുവാദ്‌നാലെ നിമാന നാണഗെ്ഡ്‌സ്‌ഗാട്ടിമ് കൊഡിമെപഡ്‌സ്‌ഗാട്ടിമ് എല്ലാ ദിന്‌സ് കെ്ട്ട കാര്യഗാള് ഗേന്റവാരെന്റ് നിമാന പറ്റി ഉറുട്ടു സൊല്ലുഗാട്ടിമ് നിമ്മ ബാഗ്യകേ്ട്ടവാര്‌ത്തെ.

1 തെസെലോനിക്ക്യഗാറാര് 4:11

എമ്മ നിമാക്ക് സൊല്ലി തന്ത പാസെ അഡ്‌ത്തവാര്‌ക്ക് നിമ്മ തൊന്തറെ മാഡാദേമ്, അഡ്‌ത്തവാര് കാര്യാക്ക് തലെ ഇക്കാദേമ് ഇര്‌ക്കുഡൊ. അദ്‌താനേമല്ല, നിമ്മ തിന്നുവ തീനിക്ക് ബേ്ണ്ടി നിമ്മ താനെ പാഡ്‌പഡുവാദ്‌മ് ആയിര്‌ക്കുഡൊ നിമ്മ് മ്‌ഗ്‌ന്ത ആസെ.

2 തെസെലോനിക്ക്യഗാറാര് 3:11

പാഡ്‌പഡാദെ ഊരണ്ടവാന് കാര്യാക്ക് തലെ ഇക്കി കള്ള ബ്‌ന്ത് നഡാക്ക്‌ന്റവാര് ലേസ ആള്‌ഗാള് നിമ്മ് കൂട്ടാത്ത്‌ല് ഇര്‌ക്ക്‌ന്റാര് എന്റ് എമ്മ കേ്ട്ട് കൊണ്ട്‌റ്ക്ക്‌ന്റേമ്.

1 തിമിത്തോസു 5:13

അവാര്‌ന ഈ കൂട്ടാക്ക് സേത്ത്‌നദാന അവാര് കള്ള ബ്‌ന്ത് നേര മാഡി നഡാക്കുവാര്. അദ് താനേമല്ല ബീ്ഡ് ബീ്ഡ പോയി ബേ്റെ ആള്‌ഗാള് കാര്യാക്ക് തലെ ഇക്കി നൊണ്ടു സൊല്ലിമ് നഡാക്കുവാര്.

2 തിമിത്തോസു 2:9

അയി നല്ല സേദിന സൊല്ലുവാദ്‌നാലെത്തെ നാന് കജട്ട പഡുവാദ്‌മ് ഇന്നാല് ഒന്റു കുറ്റ ഗേന്തവാന്‌ന പാസെ എനാന സങ്കിലിക്കി കെ്ട്ടി ബെത്ത്‌റ്‌ക്കുവാദ്‌മ്. ആന നാന് ജെയില്‌ല് ഇന്താല്‌മ് ബേ്റെ ആള്‌ഗാള് സാമിത്ത് ഈ നല്ല സേദിന പറ്റി സൊല്ലി കൊഡുക്കുവാര്.

1 പത്ത്‌റോസു 3:14

ആന നേര്‌മുള്ള കാര്യ ഗേന്ത് ഗുഡി കജട്ട ബന്തദാന നിമ്മ ബാഗ്യകേ്ട്ടവാര്‌ത്തെ. <<അവാര് നിമാന അഞ്ച്‌സുവാദ്‌ന കണ്ട് നിമ്മ അഞ്ചാമ് ബേ്ഡ, അദ്‌റാമ് ബേ്ഡ.>>

1 പത്ത്‌റോസു 3:17

നിമ്മ നല്ലാദ് ഗേന്താദ്‌നാലെ കജട്ട പഡുവാദ് സാമിക്ക് പിര്യര്‌ക്കുവ കാര്യ ആയിന്തദാന കെ്ട്ടാദ് ഗേന്ത് കജട്ട പഡുവാദ്‌ന ബ്‌ഡ അദ് നല്ലാദ്‌ത്തെ.