1 പത്ത്‌റോസു 4:12 - സാമി സേദി

¹² എനാക്ക് മെച്ച്‌പ്‌ഡിത്തവാരെ, നിമ്മ പട്ട് പോവ കജട്ടഗാള്‌ന പറ്റി അദിസ്യപഡാദേന്, നിമ്മ് നമ്പിക്കേന സോദണെ ഗേയ ബേ്ണ്ടി ബരുവ കജട്ടഗാള് തീമേലെ പോവ പാസെ ഇര്‌ക്കുവാദ്‌നാലെ അദ് ആര്‌ക്ക്‌മ് ബരാത്ത കാര്യ എന്റ് നെനേക്കാദേന്.

1 പത്ത്‌റോസു 4:12 ပူးပေါင်းရင်းမြစ်များ

1 കൊരിന്ത്യഗാറാര് 10:13

പൊദുവുലു മന്‌സാര്‌ഗാള്‌ക്ക് ബരുവ സോദണെഗാള്‌ത്തെ നിമാക്ക് ബന്ത്‌ദ്. നിമാക്ക് താങ്ക്യ മുഡ്യാത്തത്ത്‌റ സോദണെ ബര്യ സാമി ബ്‌ഡമാട്ടാന്. എന്ത്‌ക്കെന്റ് സൊന്ന സാമി നമ്പ്യ മുഡിന്റവാന്‌ത്തെ. നിമാക്ക് സോദണെ ബര്‌ഗാട്ടി അദ്‌ന താങ്കി തപ്പിസി കഡാക്ക്യ സാമി നിമാന ബിലപഡുസുവാന്.

1 കൊരിന്ത്യഗാറാര് 3:13

ആന ക്‌റ്‌സ്‌ത്ത് ബിദിക്ക്യ ബരുവ നാള്‌ല് ഒന്റൊന്റാള് ഗേന്ത ഗിലാസഗാള് എത്തവ ദിന്‌സ് എന്റ് എദ്‌ക്കാമ്. തീ താനെ അദ്‌ന എദ്‌ക്ക മാഡ്‌മ്, അദ്‌ന സോദണെ ഗേന്ത് എദ്‌ക്ക മാഡ്‌മ്.

2 തിമിത്തോസു 3:12

ആന ക്‌റ്‌സ്‌ത്ത് ഏസ്സ്‌ന നമ്പി സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്ക്യ ആസെപഡ്‌ന്റവാര്‌ക്ക് ഒട്ടുക്കു കൊഡിമെഗാള് ബര്‌മ്.

1 പത്ത്‌റോസു 2:11

എനാക്ക് മെച്ച്‌പ്‌ഡിത്തവാരെ, നിമ്മ അന്ന്യ നാഡ്‌ഗാറാര്‌മ് നോഡ്യ ബന്തവാര്‌നാമ് പാസെത്തെ. അദ്‌നാലെ നിമ്മോഡിര്‌ക്കുവ നിഗാല് കുട്ടിക്ക് പോട്ടി നിന്റ് ജുദ്ദ ഗേവ സരിഗല ആസെപഡുവ പാവ ഗേവ കാര്യഗാള്‌ലിന്ത് നിമ്മ ഒയിന്ത് നില്ല്‌ന് എന്റ് നാന് നിമാക്ക് ബുദ്ദി സൊന്റെ.

1 പത്ത്‌റോസു 4:4

ആന അയി ഗളിഗേല് നിമ്മോഡൊപ്പ ഇന്ത പള്യ എ്ണേവുഗാറാര് ഇന്നാല് നിമ്മ അവാരോഡൊപ്പ എ്ണേന്ത് കെ്ട്ട കാര്യഗാള് ഗേഗാത്താദ്‌ന കണ്ട് അദിസ്യപട്ട് നിമാന കുറ്റ സൊന്റാര്.

1 പത്ത്‌റോസു 5:9

ഉലഗാത്ത്‌ല് എല്ലാ സാരിമ് ഇര്‌ക്കുവ ഏസ്സ്‌ഗാറാര് ഇദേ കൊഡിമെത്തെ പട്ട്‌കൊണ്ടു ഇര്‌ക്ക്‌ന്റാര്. അദ്‌നാലെ നിമ്മ നമ്പിര്‌ക്കുവ നമ്പിക്കേല് ഒറേപ്പുള്ളവാരായി ഇന്ത് നിമ്മ് പോട്ടിഗാറാന് സെയിത്താന്‌ക്ക് അഡിമെപഡാദെ ഇര്‌ക്കുഡൊ.