1 പത്ത്‌റോസു 3:9 - സാമി സേദി

⁹ നിമാക്ക് കെ്ട്ടാദ് ഗേന്റവാര്‌ക്ക് കെ്ട്ടാദ് ഗേഗാദേന്. നിമാന നൊഡിന്റവാര്‌ന നിമ്മ നൊഡ്യാദേന്. അദ്‌ക്ക് ബദ്‌ല അവാര്‌ക്ക് നല്ലാദ് ബരുഡൊ എന്റ് സൊല്ലുനു. എന്ത്‌ക്കെന്റ് സൊന്ന സാമി തരുവ ബാക്ക്‌വരഗാള്‌ക്ക് പങ്ക്‌ഗാറാര് ആയ ബേ്ണ്ടിത്തെ നിമാന ബ്‌ളിത്ത്‌റ്‌ക്കുവാദ്.

1 പത്ത്‌റോസു 3:9 ပူးပေါင်းရင်းမြစ်များ

മത്തായി 19:29

എനാക്ക് ബേ്ണ്ടി സൊന്ത കാഡ്‌ബീ്ഡ്‌നാഗോ, അണ്ണാര്‌തമ്പ്യാര്‌നാഗോ, അക്ക്യാര്‌തങ്ക്യാര്‌നാഗോ, അവ്വ്യപ്പാന്‌നാഗോ, മക്കാള്‌നഗൊ ബ്‌ട്ട്‌തള്ള്‌നവാര്‌ക്ക് ബ്‌ട്ട്‌തള്ള്‌നാദ്‌ന ബ്‌ഡ ഇദ്‌ഗാളെല്ല അളാവുക്കു മീ്റി കെ്ഡേക്ക്‌മ്. അദ്‌താനേമല്ല എന്നാല്‌ക്ക്‌മ് ഇര്‌ക്കുവ പെ്ളേപ്പ്‌മ് കെ്ഡേക്ക്‌മ്.

മത്തായി 25:34

അദ്‌ക്ക് പ്‌റ രാജാവു തന്ന് ബല സാരി ഇര്‌ക്ക്‌ന്റവാര്‌ക്ക്: <എന്നപ്പാനോഡിന്ത് ബര കെ്ഡേസിര്‌ക്ക്‌ന്റവാരെ, ഉലഗാന ഉണ്ടാക്ക്‌നാദ്‌ലിന്ത് നിമാക്ക് ബേ്ണ്ടി ഒരിക്കി ബെത്ത്‌റ്‌ക്കുവ സാമി ആളുവ നാഡ്‌ക്ക് ഉരിമെഗാറാരായ ബാന്.

മത്തായി 5:39

ആന നാന് നിമാക്ക് സൊല്ലുവാദ് എന്തെന്റ് സൊന്ന, നിനാക്ക് കെ്ട്ടാദ് ഗേന്തവാര്‌ക്ക് കെ്ട്ടാദ് ഗേഗാദെ. ആരാറ്റ നിന്ന് ബല പഗ്‌ഡ്‌ന അഡിത്തദാന ഇ്ഡ പഗ്‌ഡ്‌നാമ് കാട്ടി കൊഡു.

മത്തായി 5:44

ആന നാന് നിമാക്ക് സൊല്ലുവാദ് എന്തെന്റ് സൊന്ന, നിമ്മ് പോട്ടിഗാറാര്‌ന സീവാന്‌ബെത്ത് നഡാന്. നിമാന കൊഡിമെപഡ്‌സ്‌ന്റവാര്‌ക്ക് ബേ്ണ്ടി പരേസ്‌ന്.

മര്‌ക്കോസു 10:17

ഏസ്സ് അദ്‌ലിന്ത് പോയ ഒരുങ്കാട്ട്യെല്ല സൊത്തുസുഗത്തോഡ ഇര്‌ക്കുവ ഒന്റൊരുത്താന് ബന്ത് ഏസ്സ് കാല്‌ക്ക് ബ്‌ന്ത്: <<നല്ല ഗുരുവെ, എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ നാന് എന്ത് ഗേയ?>> എന്റ് കേ്ട്ടാന്.

ലൂക്കോസു 10:25

ഒന്റു നാള് ഒന്റു ബേദബാത്ത്യാന് ഏസ്സര്‌ഗെ ബന്ത് അയാള്‌ന സോദണെ ഗേയ ബേ്ണ്ടി: <<ഗുരുവെ, എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ നാന് എന്ത് ഗേയ?>> എന്റ് കേ്ട്ടാന്.

ലൂക്കോസു 18:18

ഒന്റു എഗുദാര് തലെവാന്: <<നല്ലവാനായിര്‌ക്കുവ ഗുരുവെ, എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ നാന് എന്ത് ഗേയ?>> എന്റ് കേ്ട്ടാന്.

റോമഗാറാര് 12:14

നിമാന കൊഡിമെപഡ്‌സ്‌ന്റവാര്‌ക്ക് നല്ലാദ് ബരുഡൊ എന്റ് സൊല്ലുനു, സാപ്പ ഇക്കാദെ അവാര്‌ക്ക് നല്ലാദ് ബരുഡൊ എന്റ് സൊല്ലുനു.

റോമഗാറാര് 12:17

ആര്‌ക്ക്‌മ് കെ്ട്ടാദ്‌ക്ക് ബദ്‌ല കെ്ട്ടാദ് ഗേഗാദെ എല്ലാ ആള്‌ഗാള് കണ്ണ്‌ക്ക് പ്‌ഡിക്കുവ കാര്യഗാള് ഗേയ ഓരാഡ്‌ന്.

റോമഗാറാര് 8:28

ആന സാമി സീവാന്‌ബെത്ത് താന് നെനേത്ത്‌റ്‌ക്കുവ കാര്യാക്ക് ബേ്ണ്ടി ബ്‌ളിത്ത് ബെത്ത്‌റ്‌ക്കുവ ആള്‌ഗാള്‌ക്ക് ബേ്ണ്ടി എല്ലാ കാര്യഗാള്‌നാമ് സാമി നല്ലാദ്‌ക്ക് ബേ്ണ്ടി ഗേന്റാന് എന്റ് നമാക്ക് തെരിമ്.

റോമഗാറാര് 8:30

താന് അലാക്ക പ്‌റ്‌ത്ത് ബെത്ത്‌റ്‌ക്ക്‌ന്റവാര്‌ന അയാള് ബ്‌ളിത്താന്, താന് ബ്‌ളിത്തവാര്‌ന നേര്‌മെഗാറാര് മാഡ്‌നാന്, നേര്‌മെഗാറാര് മാഡ്‌നവാര്‌ന അയാള് തന്ന് മദ്‌പ്പ്‌ക്ക് പങ്ക്‌ഗാറാര്‌മ് മാഡ്‌നാന്.

ഗലാത്ത്യഗാറാര് 3:14

സാമി അവുറഗാമ്‌ക്ക് കൊഡുത്ത ബാക്ക്‌വരഗാള്‌ന ക്‌റ്‌സ്‌ത്ത് ഏസ്സ്‌നാലെ എല്ലാ ജാദിഗാള്‌ക്ക് കെ്ഡേക്ക്യ ബേ്ണ്ടിമ് സാമി കൊഡുക്കുന്റെ എന്റ് സൊല്ലിന്ത തന്ന് നിഗാല്‌ന നമ്മ നമ്പുവാദ്‌നാലെ കെ്ഡേസ്‌നവാരായ ബേ്ണ്ടിമ്‌ത്തെ ക്‌റ്‌സ്‌ത്ത് ഇത്തെ ഗേന്താദ്.

എപസോസുഗാറാര് 4:32

ഇദ്‌ഗാള്‌നെല്ല തള്ളി നിമ്മ ഗേന്ത കുറ്റഗാള്‌നെല്ല സാമി ഏസ്സ് ക്‌റ്‌സ്‌ത്ത്‌ന ബെത്ത് പൊറുത്തു തന്ത പാസെ നിമ്മാമ് ബേ്റ്‌വേന്റവാരായി ഗവപട്ട് അഡ്‌ത്തവാര് ഗേവ കുറ്റാന പൊറുത്തു നഡാന്.

1 തെസെലോനിക്ക്യഗാറാര് 5:15

ആര്‌ക്ക്‌മ് കെ്ട്ടാദ്‌ക്ക് ബദ്‌ല കെ്ട്ടാദ് ഗേഗാദിര്‌ക്ക്യ നോഡുനു. ആന ആങ്കീങ്ക്‌മ് എല്ലാ ആള്‌ഗാള്‌ക്ക്‌മ് ഏദ്‌ഗളിഗേക്ക്‌മ് നല്ലാദ് ഗേയ ഓരാഡ്‌ന്.

എവുറായാര് 12:17

ഏസ്സാവു ഇത്തെ ഗേന്ത പ്‌റ അപ്പാനോഡിന്ത് കെ്ഡേക്കുവ ബാക്ക്‌വര കെ്ഡേസ്യ ബേ്ണ്ടി ആസെപട്ടാന്. ആന കെ്ഡേക്കാലെ. അയാള് കേ്സ്യോഡ അദ്‌ക്കായി ബേ്ണ്ട്‌നാന്. എന്റാല്‌മ് താന് അത്തെ ഗേന്താദ്‌ന നെനേത്ത് ദുക്കപഡ്യ ബട്ടെ കെ്ഡേക്കാലെ എന്റെല്ല നിമാക്ക് തെരിമല്ല.

എവുറായാര് 6:14

അദ്‌നാലെത്തെ <<നാന് നിനാക്ക് നല്ലാദ് ഗേന്ത് തരുവെ, നിന്ന് കാല്‌കെ്ളെന മൊത്തനാക്ക് പെര്‌ക്കുവെ>> എന്റ് സാമി അവുറഗാമ്‌ക്ക് സൊന്നാദ്.

1 പത്ത്‌റോസു 5:10

എല്ലാ പ്‌ണ്ണ്യാമ് ഗേവ സാമി ഏസ്സ് ക്‌റ്‌സ്‌ത്ത്‌ന ബെത്ത് എന്നാല്‌ക്ക്‌മ് ദൊഡ്ഡവാര് ആയിര്‌ക്ക്യ ബേ്ണ്ടി നിമാന ബ്‌ളിത്ത്‌റ്‌ന്റാന്. അദ്‌നാലെ നിമാക്ക് ബരുവ അദിഗ കാല ഇര്‌ക്കാത്ത കജട്ടന താങ്ക്‌ന പ്‌റ അയാള് നിമാന കൊറേവില്ലത്തവാര് മാഡിമ് കയി താങ്കിമ് ബില പഡിസിമ് ഒറേപ്പുള്ളവാര് മാഡിമ് ബെക്കുവാന്.