1 പത്ത്‌റോസു 3:19 - സാമി സേദി

¹⁹ ജെയില്‌ക്ക് ഇക്കി ബെത്തിന്ത നിഗാല്‌ഗാള്‌ക്ക് നിഗാല്‌നാലെ അയാള് പോയി നല്ല സേദിന സൊന്നാന്.

1 പത്ത്‌റോസു 3:19 ပူးပေါင်းရင်းမြစ်များ

1 പത്ത്‌റോസു 3:18

എന്ത്‌ക്കെന്റ് സൊന്ന നേര്‌മല്ലത്തവാര് ആയിര്‌ക്കുവ നിമാന സാമി പട്ട്‌ക്ക് എ്ഡ്‌ത്ത് പോയ ബേ്ണ്ടി നേര്‌മെഗാറാനാന ക്‌റ്‌സ്‌ത്ത് നിമ്മ് പാവാക്ക് ബേ്ണ്ടി ഒന്റു ജമ്പ് സത്താന്. അയാള് സരിഗലാത്ത്‌ല് സത്താല്‌മ് നിഗാല്‌നാലെ പെ്ളേക്ക്‌ന്റാന്.

1 പത്ത്‌റോസു 3:20

ഈ നിഗാല്‌ഗാള് മുന്നുക്കു നോഗെ കാലാത്ത്‌ല് ദൊഡ്ഡ പെ്ട്ടി മാഡികൊണ്ട്‌റ്‌ക്കുവ ഗളിഗേല് സാമി പൊറിമോഡ കാത്തിന്ത്‌മ് സൊല്ലുപേസ് കേ്ള്‌ക്കത്തവാര് ആയിന്താര്. അവാര്‌ല് ലേസ ആള്‌ഗാള്, എന്റ് സൊന്ന എ്ട്ടാള്‌ത്തെ നീര്‌ലിന്ത് തപ്പിസി കഡാന്താദ്.

1 പത്ത്‌റോസു 4:6

അദ്‌ക്ക് ബേ്ണ്ടിത്തെ സത്തവാര് ഉജുരോഡ ഇര്‌ക്കാട്ടിതാനെ അവാര്‌ക്ക് നല്ല സേദിന സൊന്നാദ്. എല്ലാ ആള്‌ഗാള്‌ക്ക് കെ്ഡേക്കുവ ദെ്ണ്ടണെന പാസെ അവാര്‌മ് സത്താര്. ആന അവാര് നിഗാല്‌നാലെ സാമ്യോഡ പെ്ളേക്ക്‌ന്റാര്.

ബെ്ളിപട്ട കാര്യ 19:10

അദുക്കുള നാന് അയാള്‌ന കുമ്മുഡ്യ അയാള് കാല്‌ക്ക് ബ്‌ന്തെ. ആന ദൂദാന് എനാക്ക് <<നീ അത്തെ ഗേഗാദെ, നിനാന പാസേമ് ഏസ്സ്‌ന പറ്റ്യുള്ള സത്ത്യന സൊല്ലുവ ബേ്റെ ഏസ്സ്‌ഗാറാര്‌ന പാസേമ് ഇര്‌ക്കുവ ഗിലാസഗാറാന്‌ത്തെ നാന്. സാമിന താനെത്തെ കുമ്മുഡുഡൊ. എന്ത്‌ക്കെന്റ് സൊന്ന ഏസ്സ്‌ന പറ്റ്യുള്ള സത്ത്യന ആള്‌ഗാള്‌ക്ക് സൊല്ല്യ ബെക്കുവാദ് സാമിനിഗാല്‌ത്തെ>> എന്റ് സൊന്നാന്.

ബെ്ളിപട്ട കാര്യ 20:7

ആയിര ബര്‌സ്സ കളിന്ത പ്‌റ സെയിത്താന്‌ന കെ്ട്ടി ബെത്ത്‌റ്‌ക്കുവ പട്ട്‌ലിന്ത് ഉക്കി ബ്‌ഡുവാന്.