1 പത്ത്‌റോസു 3:17 - സാമി സേദി

¹⁷ നിമ്മ നല്ലാദ് ഗേന്താദ്‌നാലെ കജട്ട പഡുവാദ് സാമിക്ക് പിര്യര്‌ക്കുവ കാര്യ ആയിന്തദാന കെ്ട്ടാദ് ഗേന്ത് കജട്ട പഡുവാദ്‌ന ബ്‌ഡ അദ് നല്ലാദ്‌ത്തെ.

1 പത്ത്‌റോസു 3:17 ပူးပေါင်းရင်းမြစ်များ

മത്തായി 26:39

പ്‌റ ഏസ്സ് ലേസ അത്തഗ പോയി മണ്ണ്‌ക്ക് സഡങ്ക ബ്‌ന്ത്: <<അപ്പാ എന്ന് അപ്പാ, മുഡിന്തദാന, എനാക്ക് ബര്യ പോവ കജട്ട എന്നുവ ഈ സെമ്പ്‌ന എന്നോഡിന്ത് ബിലാക്കി തരുഡോമെ. ആന എന്ന് ആസെപഡ്യല്ല, നിന്ന് ആസെപഡി താനെ നഡാക്കുഡൊ>> എന്റ് പരേസ്‌നാന്.

മത്തായി 26:42

പ്‌റ ഏസ്സ് റണ്ടാവാദ്‌മ് അത്തഗ പോയി: <<അപ്പാ, നാന് അയി കജട്ട സെമ്പ്‌ന കുഡിക്കാദെ ഈ കജട്ട തീരമാട്ടെന്റദാന നീ ആസെപഡുവ പാസെ താനെ നഡാക്കുഡൊ>> എന്റ് പരേസ്‌നാന്.

അപ്പോസുത്തലാര് 18:21

ആന അദ്‌ലിന്ത് പോവ ഗളിഗേല് പവുലോസു അവാര്‌ക്ക് ഇത്തെ സൊന്നാന്. <<സാമിക്ക് ബ്‌ഡ്യ ആസെ ഇന്തദാന നാന് തിരിഗി ബരുവെ>> എന്റ് സൊല്ലി അയാള് ബിനാത്തി തള്ളി അവാര് പട്ട്‌ലിന്ത് പ്‌റ്‌ന്ത് എപസോസു പട്ടണാത്ത്‌ലിന്ത് കപ്പാല് ഏ്റ്‌നാന്. അഗിലാന്‌നാമ് പ്‌റ്‌സ്‌ക്കില്ലനാമ് അദ്‌ക്ക് താനെ ബ്‌ട്ട്‌തള്ളി പോനാന്.

അപ്പോസുത്തലാര് 21:14

എമാക്ക് അയാള്‌ന സൊല്ലി ഒദിക്ക്യ മുഡ്യാലെ. അദ്‌നാലെ എമ്മ അയി കാര്യന തെ്റിന്ത് <<ആണ്ടവാന് ആസെപഡി നഡാക്കുഡൊ>> എന്റ് സൊന്നേമ്.

1 പത്ത്‌റോസു 1:6

ആന ലേസ കാലാക്ക് പല ദിന്‌സ് സോദണെഗാള് നിമാക്ക് ബന്ത് കജട്ടപഡ്‌സ്‌നാല്‌മ് ഈ കാര്യന നെനേത്ത് നിമ്മ പിര്യപഡ്‌ന്റ്‌റ്.

1 പത്ത്‌റോസു 2:15

എന്ത്‌ക്കെന്റ് സൊന്ന നിമ്മ നല്ലാദ് ഗേന്ത് കൊണ്ടു ബുദ്ദില്ലത്തവാര് സൊല്ലുവ അര്‌ത്തില്ലാത്ത നായഗാള്‌ന ഇല്ലാദെ മാഡുഡൊ എന്നുവാദ്‌ത്തെ സാമിക്ക് പിര്യര്‌ക്കുവ കാര്യ.

1 പത്ത്‌റോസു 2:20

നിമ്മ കുറ്റ ഗേന്ത് കെ്ഡേസ്‌ന അഡിന താങ്കുവാദ്‌നാലെ നിമാക്ക് എന്ത് പെരിമെ ഇര്‌ക്ക്‌ന്റ്? ആന നല്ലാദ് ഗേന്ത പേര്‌ല് കജട്ട പഡുവാദ്‌ന താങ്കുവദാന സാമി നിമാന പിര്യപഡുവാന്.

1 പത്ത്‌റോസു 3:14

ആന നേര്‌മുള്ള കാര്യ ഗേന്ത് ഗുഡി കജട്ട ബന്തദാന നിമ്മ ബാഗ്യകേ്ട്ടവാര്‌ത്തെ. <<അവാര് നിമാന അഞ്ച്‌സുവാദ്‌ന കണ്ട് നിമ്മ അഞ്ചാമ് ബേ്ഡ, അദ്‌റാമ് ബേ്ഡ.>>

1 പത്ത്‌റോസു 4:15

നിമ്മ കൊലെഗാറാനായൊ, ത്‌റ്‌ട്ടാനായൊ, കെ്ട്ട കാര്യ ഗേന്റവാനായൊ, മല്ലുണ്ടാക്ക്‌ന്റവാനായൊ കജട്ട പഡുവ ഗെദി നിമാക്ക് ബര്യ പാങ്കില്ലെ.

1 പത്ത്‌റോസു 4:19

അദ്‌നാലെ സാമി പിര്യാക്ക് കജട്ട പഡുവാദ്‌ന താങ്ക്‌ന്റവാര് നല്ലാദ് ഗേന്ത് കൊണ്ടു സൊന്ന പാസെ ഗേന്റവാനായി ദ്‌ട്ട്‌സ്‌നവാന് കയിക്ക് തമ്മ് നിഗാല് കുട്ടിന ഒപ്പുസുഡൊ.