1 പത്ത്‌റോസു 3:13 - സാമി സേദി

¹³ നല്ല കാര്യഗാള് ഗേവാദ്‌ല് നിമ്മ ബെജെഗാറാര് ആയിന്തദാന ആര് നിമാന കൊഡിമെപഡുസുവാര്?

1 പത്ത്‌റോസു 3:13 ပူးပေါင်းရင်းမြစ်များ

റോമഗാറാര് 13:3

നല്ല കാര്യഗാള് ഗേന്റവാര്‌ക്ക് ആള്‌ന്റവാര്‌ന അഞ്ചുവ തേവില്ലെ. ആന കെ്ട്ട കാര്യഗാള് ഗേന്റവാര് ആള്‌ന്റവാന്‌ന അഞ്ചുഡൊ. ആള്‌ന്റവാര്‌ക്ക് അഞ്ചാദിര്‌ക്ക്യ ആസെപഡ്‌ന്റായ? അത്ത്യാന നല്ല കാര്യഗാള് ഗേഗ്, അന്നാപ്പ് അയാള് നിനാന പിര്യപഡുവാന്.

റോമഗാറാര് 8:28

ആന സാമി സീവാന്‌ബെത്ത് താന് നെനേത്ത്‌റ്‌ക്കുവ കാര്യാക്ക് ബേ്ണ്ടി ബ്‌ളിത്ത് ബെത്ത്‌റ്‌ക്കുവ ആള്‌ഗാള്‌ക്ക് ബേ്ണ്ടി എല്ലാ കാര്യഗാള്‌നാമ് സാമി നല്ലാദ്‌ക്ക് ബേ്ണ്ടി ഗേന്റാന് എന്റ് നമാക്ക് തെരിമ്.

1 കൊരിന്ത്യഗാറാര് 14:1

അദ്‌നാലെ സീവാന്‌ഗാറാര് ആയിര്‌ക്ക്യ മനേസ്സ് ബെത്ത് നഡാന്. സാമിനിഗാല് ബരഗാള്‌ക്ക് ബേ്ണ്ടിമ് മുക്ക്യമായിമ് സാമി നായന നേരെ കേ്ട്ട് സൊല്ലുവ ബരാക്ക് ബേ്ണ്ടിമ് നിമ്മ മ്‌ഗ്‌ന്ത ദിന്‌സ്‌ല് ആസെപഡ്‌ന്.

എപസോസുഗാറാര് 5:1

അദ്‌നാലെ, ഇന്നാല് നിമ്മ സാമിക്ക് മെച്ച്‌പ്‌ഡിത്ത പ്‌ള്ളെഗാള് ആയിര്‌ക്കുവാദ്‌നാലെ സാമിന പാസെ പെ്ളേക്ക്യ പഡിന്.

1 തെസെലോനിക്ക്യഗാറാര് 5:15

ആര്‌ക്ക്‌മ് കെ്ട്ടാദ്‌ക്ക് ബദ്‌ല കെ്ട്ടാദ് ഗേഗാദിര്‌ക്ക്യ നോഡുനു. ആന ആങ്കീങ്ക്‌മ് എല്ലാ ആള്‌ഗാള്‌ക്ക്‌മ് ഏദ്‌ഗളിഗേക്ക്‌മ് നല്ലാദ് ഗേയ ഓരാഡ്‌ന്.

1 തിമിത്തോസു 5:10

നല്ല കാര്യഗാള് ഗേന്ത് പേരെ്ഡ്‌ത്തവാള്‌മ് ആയിര്‌ക്കുഡൊ. അയി നല്ല കാര്യഗാള് എന്നുവാദ് മക്കാള്‌ഗാള്‌ന സൊക്കാന നോഡിന്താദ്‌മ്, നട്ടാരുട്ടാര്‌ന പേര്‌ഗെ്ളേത്തിന്താദ്‌മ്, ഏസ്സ്‌ഗാറാര് കാല്‌ന കച്ചിന്താദ്‌മ്, കജട്ടാത്ത്‌ലിന്തവാര്‌ന കയിതാങ്കിന്താദ്‌മ്, പല ദിന്‌സ്‌ല് ആള്‌ഗാള്‌ന കയിതാങ്കി കൊണ്ടേ ഇന്താദ്‌മ്‌ത്തെ.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.

3 ഓഗന്നാന് 1:11

എനാക്ക് മെച്ച്‌പ്‌ഡിത്തവാനെ, നീയിമ് അയാള്‌ന പാസെ കെ്ട്ടാദ് ഗേഗാദെ. നല്ലാദ് ഗേന്റവാന് സാമിപ്‌ള്ളേമ്‌ത്തെ. കെ്ട്ടാദ് ഗേന്റവാന്‌ക്ക് സാമി ആരെന്റേ തെര്യ.