1 പത്ത്‌റോസു 3:10 - സാമി സേദി

¹⁰ എന്ത്‌ക്കെന്റ് സൊന്ന സാമി സൊല്ലുസുലാക്കാത്ത്‌ല് ഇത്തെ എ്ള്‌ദിര്‌ക്ക്‌ന്റ്, <<സുഗസുഗാത്ത് പെ്ളേക്ക്യാമ്, പിര്യപിര്യാത്ത്‌റ്‌ക്കുവ നാള്‌ഗാള്‌ന കാണ്യാമ് ആസെപഡ്‌ന്റവാന്, കെ്ട്ട നായ സൊല്ലാദേമ് പൊയി സൊല്ലാദേമ് തന്ന് ബായിന അഡാക്കി ബെക്കുഡൊ.

1 പത്ത്‌റോസു 3:10 ပူးပေါင်းရင်းမြစ်များ

മത്തായി 19:17

അദ്‌ക്ക് ഏസ്സ്: <<നല്ലാദ് എന്ത് എന്റ് നീ എനാന കേ്ള്‌ക്കുവാദ് എന്ത്‌ക്ക്? നല്ലവാന് ഒരുത്താന്‌ത്തെ. എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേസ്യ നീ ആസെപഡുവദാന സാമി ബെത്ത സട്ടപഡി നഡ>> എന്റ് സൊന്നാന്.

മര്‌ക്കോസു 8:35

ആരാറ്റ തന്ന് ഉജുരുന കാപാറ്റ്യ ആസെപട്ടദാന അയാള് അദ്‌ന കെ്ഡേസമാട്ടാന്. ആന എനാക്ക് ബേ്ണ്ടിമ് നല്ല സേദിക്ക് ബേ്ണ്ടിമ് തന്ന് ഉജുരുന കൊഡുത്തദാന അയാള് അദ്‌ന കാപാറ്റുവാന്.

ഓഗന്നാന് 1:47

നദനെയേല് ഏസ്സ് പട്ട്‌ക്ക് ബരുവാദ്‌ന കണ്ട്: <<ഇദാ, നേര്‌മാന ഇസ്‌റവേല്‌ഗാറാന്. ഇയാള് നെഞ്ച്‌ല് കവാഡ് ഒന്റുമില്ലെ>> എന്റ് ഏസ്സ് സൊന്നാന്.

ഓഗന്നാന് 12:25

തന്ന് ഉജുരുന സീവാന്‌പഡ്‌ന്റവാന് അദ്‌ന കെ്ഡേസമാട്ടാന്. ആന ഈ ഉലഗാത്ത്‌ല് തന്നുജുരുന സീവാന്‌പഡാത്തവാന് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് ബേ്ണ്ടി തന്നുജുരുന സൂസാരിത്ത് ബെക്ക്‌ന്റാന്.

ആക്കോവു 1:26

ബായിക്ക് ബന്താദെല്ല സൊല്ലിന്ത് താന് ബക്‌തിഗാറാനെന്റ് സൊന്ന അദ് നേര്‌മാന ബക്‌ത്യല്ല. അത്തെ സൊല്ലുന്റവാന് തനാന താനെ സദിക്ക്‌ന്റാന്.

1 പത്ത്‌റോസു 2:1

അദ്‌നാലെ കെ്ട്ട കാര്യഗാള് ഗേവാദ്‌നൊട്ടുക്കുമു, ബഞ്ചണെ ഗേവാദ്‌നൊട്ടുക്കുമു, ബക്‌തിഗാറാരായി നഡിക്കുവാദ്‌നാമ്, കണ്ണ്‌കഡി ബെത്ത് നഡാക്കുവാദ്‌നാമ്, അഡ്‌ത്തവാര്‌ന പറ്റി എല്ലാ ദിന്‌സ്‌ല് കുറ്റ സൊല്ലി നഡാക്കുവാദ്‌നാമ് നിമ്മ താനെ തള്ള്‌ന്.

1 പത്ത്‌റോസു 2:22

<<ഏസ്സ് പാവ ഗേഗാലെ, അയാള് ബായിലിന്ത് ബഞ്ചിക്കുവ നായഗാള്‌മ് ബരാലെ.>>

ബെ്ളിപട്ട കാര്യ 14:5

അവാര് എന്നാല്‌ക്ക്‌മ് പൊയി സൊല്ലാത്തവാര്‌മ് കുറ്റകൊറേവു ഇല്ലത്തവാര്‌മ് ആയിന്താര്.